Swakopmund wil slimstad word

Swakopmund berei homself voor om ’n toonaangewende slimstad te word deur in onderwys, nywerheidsontwikkeling, tegnologie en strategiese infrastruktuur te belê, wat nuwe ekonomiese geleenthede sal ontsluit.Dié planne vir die kusdorp is tydens die vyfde jaarlikse sakeontbyt bekend gemaak, wat Vrydag by die MTC Dome in die dorp – onder die vaandel “Die volgende golf: Omskep nuwe nywerhede in voorspoed vir die kus” – plaasgevind het. Die geleentheid is deur sakelui, entrepreneurs, beleggers en rolspelers in die regering bygewoon wat maniere ondersoek het om Swakopmund se ekonomie te versterk.Volgens die uitvoerende hoof van Swakopmund se munisipaliteit, Alfeus Benjamin, het die munisipaliteit ’n langtermynvisie ontwikkel wat daarop gemik is om die dorp in ’n slimstad te omskep. Dit word deur volhoubare belegging en ekonomiese diversifikasie gedryf.“Ons visie is om ’n toonaangewende slimstad te wees wat uitstekende dienste aan almal lewer,” het Benjamin gesê.Die munisipaliteit se ontwikkelingstrategie is gebou op sleutelpilare, wat organisatoriese uitnemendheid, toerisme, belegging, nywerheidsontwikkeling, onderwys insluit, asook die konsep van ’n groen- en slimstad.Volgens Benjamin het Swakopmund reeds voordeel getrek uit ’n goedgekeurde struktuurplan, wat die munisipaliteit in staat stel om beplanningsgoedkeuring intern te verwerk en vertragings vir beleggers te verminder.Wat toekomstige groei betref, bly onderwys volgens Benjamin een van die munisipaliteit se topprioriteite.“Daar is geen rede waarom hierdie dorp nie ’n tersiêre instelling kan hê nie. Ons benodig ook gespesialiseerde skole, aangesien gehalte-onderwys een van die ontwikkelingspilare is wat ons wil benut,” het hy gesê.Benjamin sê die munisipaliteit wil ook vervaardiging uitbrei deur grond naby die lughawe en die nywerheidsgebied te benut.“Ons moet op vervaardiging fokus, want die hawe is net 30 minute daarvandaan,” het Benjamin gesê.Hy het ook stedelike landbou en digitale transformasie as sleutelaspekte vir Swakopmund se toekoms geïdentifiseer.“Ons wil die konsep van ’n slimstad omarm, omdat ons tegnologie wil benut om vinnige, doeltreffende dienste aan ons inwoners te lewer. Ons moet ook ons digitale infrastruktuur verbeter,” het Benjamin beklemtoon.Tydens dieselfde geleentheid het die dorp se burgemeester, Suama Kautondokwa, gesê Swakopmund is goed geleë om ’n spilpunt vir toerisme, logistiek, hernubare energie, tegnologie, belegging en entrepreneurskap te word.“Ons kollektiewe verantwoordelikheid is om te verseker dat hierdie groei in tasbare voordele vir ons besighede, ons werksmag en die breër gemeenskap omskep word,” het sy gesê.Kautondokwa het bygevoeg volhoubare ekonomiese ontwikkeling sal van samewerking tussen die plaaslike regering, beleggers, die private sektor en inwoners afhang.“Die munisipaliteit bly daartoe verbind om ’n sakevriendelike omgewing te skep deur middel van goeie infrastruktuur, doeltreffende dienslewering, die fasilitering van beleggings, asook inisiatiewe wat plaaslike ekonomiese ontwikkeling bevorder,” het sy gesê.Die jaarlikse sake-ontbyt bied ’n platform aan rolspelers om idees uit te ruil, vennootskappe te versterk en geleenthede te identifiseer wat Swakopmund se volgende fase van ekonomiese groei sal help vorm. – leena@nmh-hub.com.na

Swakopmund wil slimstad word

Kommentaar

Republikein 2026-07-14

Meld asseblief aan om kommentaar te lewer

Swakopmund wil slimstad word

Kommentaar

Republikein 2026-07-14

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.