Stryd teen Stad Windhoek duur voort

Die onmin tussen Windhoek se Katutura-inwoners en die hoofstad se munisipaliteit duur steeds voort.Ná verlede week se vreedsame optog het die uitvoerende hoof van Stad Windhoek (CoW), Moses Matyayi, Vrydag amptelik aan die Katutura-inwonerskomitee en aktivis Shaun Gariseb geskryf om die inwoners se eise te erken.Katutura-inwoners eis dat hul afgesnyde voorafbetaalde kragtoevoer herstel word; dat ’n omvattende oudit van die munisipale rekeningstelsel gedoen word; en dat titelaktes aan 7de en 8ste Laan se inwoners verskaf word.'KWESSIE INGEWIKKELD'Matyayi sê die betrokke kwessies is ingewikkeld en sal tyd benodig om te ondersoek. Hy sê dit geniet sy volle aandag, maar vra dat inwoners nie intussen die reg in eie hande moet neem nie, “want sulke gedrag kan ernstige gevolge vir jouself en die gemeenskap in die algemeen inhou,” skryf hy.Intussen het Gariseb voortgegaan met die inwoners se plan om ’n saak van diefstal, bedrog en korrupsie teen die munisipaliteit by die Windhoek-polisiekantoor aanhangig te maak. Die saaknommer is CR 417/07/2024.Gariseb moedig alle Windhoekers aan wat ook “slagoffers van die munisipaliteit se rekeningkundige praktyke was” om hul beëdigde verklarings by die Namibiese polisie (Nampol) in te dien en dit aan die bestaande saaknommer te laat heg.Gariseb het ook aan die Elektrisiteitsbeheerraad (ECB) geskryf en gevra dat die kragreguleerder ingryp om die CoW te verbied om inwoners se kragtoevoer oor skuld af te sny.ECBDie ECB het verlede maand die praktyk om voorafbetaalde kragtoevoer af te sny, in die openbaar verwerp. Dis teen die elektrisiteitswet, volgens die beheerraad.Gariseb skryf egter aan die ECB dat die CoW “jou opdrag onbeskaamd verontagsaam”, en doen ’n beroep op die beheerraad om sy besluit op die munisipaliteit af te dwing.HOFAKSIEIntussen het die inwoners van Katutura voorberei om vandag die howe te nader vir ’n dringende interdik om die hoofstad in hul spore te stuit.Gariseb sê nadat meer as 250 aansoeke by die regering se regshulp ingedien is, is die regsfirma Henry Shimutwikeni aan hulle toegeken. Henry Shimutwikeni se kantoor het bevestig dat hulle wel die Katutura-inwoners verteenwoordig, maar wou nie verder oor die kwessie uitbrei nie. – augetto@nmh-hub.com.na

Stryd teen Stad Windhoek duur voort

Kommentaar

Republikein 2025-11-04

Meld asseblief aan om kommentaar te lewer

Stryd teen Stad Windhoek duur voort

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.