Staatsondernemings span kragte saam vir behuising
NHE en RCC teken ooreenkoms
Die diens van grond in nedersettings is een van die hoofdoelwitte van die nuwe vennootskap, tesame met die versnelling van nuwe behuisingsontwikkelings.
Die Paaiekontrakteursmaatskappy (RCC) en die Nasionale Behuisingsonderneming (NHE) het vandeesweek aangekondig dat dié twee staatsondernemings ’n Memorandum van Verstandhouding (MoU) wat oor vyf jaar strek, onderteken het om broodnodige behuising vir Namibiërs te bou.
’n Gemeenskaplike bestuurskomitee en ’n tegniese komitee sal die gesamentlike verpligtinge bestuur, terwyl NHE ’n span kontrakteurs vir drie jaar aangestel het om die vennootskap te ondersteun. Die ooreenkoms stipuleer ook die verpligtinge van die partye en versagtende maatreëls om te verseker dat projeksperdatums nagekom word.
Die vennootskap sal gronddiensprojekte en die lewering van bekostigbare behuising versnel, volgens ’n gesamentlike verklaring.
RCC sal sy kundigheid in siviele ingenieurswese en infrastruktuur bydra op gebiede soos padkonstruksie, stormwaterdreinering, water- en rioolnetwerke en elektrifisering. Daarbenewens sal NHE topstrukture lewer soos uiteengesit in die opgraderingsprogram vir informele nedersettings se implementeringsplan, volgens die verklaring.
Tydens die ondertekeningsgeleentheid het NHE se uitvoerende hoof, Gisbertus Mukulu, gesê: “RCC kan beter uitblink in die bou van dienste, terwyl NHE die kuns van behuisingskonstruksie bemeester het.”
RCC se waarnemende uitvoerende hoof, Dasius Nelumbu, het gesê: “Bekostigbare behuising is nie moontlik sonder behoorlike infrastruktuur nie.”
Volgens hom is RCC meer as net ’n padboumaatskappy, “ons is bouers van gemeenskappe”.
Tot dusver vanjaar kon RCC reeds verskeie padinstandhoudingswerke voltooi, gronddamme in die Ohangwenastreek bou en padoppervlakte en bitumen-instandhouding van teerpaaie by Oshakati en Keetmanshoop voltooi, volgens sy woordvoerder, Rebekka Horaes.
RCC is tans besig met padinstandhouding by Oshakati, Keetmanshoop, Otjiwarongo en Windhoek, tesame met die opgradering van die Sandverhaar-Buchholzbrunn-spoorlyn, wat volgens Horaes sowat 85% voltooi is.
Teen 30 September moet die DR3645-padbouprojek van Engoyi na Omuntele ook voltooi te wees, met 90% wat reeds afgehandel is, sê sy.
Die MR76-pad vanaf Hentiesbaai na Uis se opgradering na bitumen-standaard en die opgradering van die gedeelte tussen Khorixas en Kamanjab, vorder ook, sê Horaes.
RCC se 355 werknemers bring hul kundigheid in siviele ingenieurswese en infrastruktuur na die nuwe vennootskap, sê sy.
RCC besit ook onder meer verskeie padskrapers, uitgraafmasjiene, watervragmotors, kantelvragmotors en padherstelvoertuie en -toerusting wat ontplooi sal word, het Horaes gesê.
Verder het die staatsonderneming ’n huurkontrak van stapel gestuur en verwag die eerste aflewering van die aanleg en toerusting binne ’n maand, brei sy uit.
NUWE HUISE
NHE se woordvoerder, Matali Mutonga, sê dié behuisingsonderneming het tot dusver vanjaar 185 nuwe huise gelewer; 54 op Ondangwa, 30 op Omuthiya, 52 op Okakarara, 34 op Mariental en vyf in Swakopmund.
Gedurende die huidige boekjaar beoog NHE om nog 905 huise te lewer, het hy gesê.
Voortgesette NHE-projekte sluit in 362 eenhede in Otjomuise Uitbreiding 10 en 24 eenhede op Opuwo, beide onder die massabehuisingsprojek, het hy gesê, sowel as die opgradering van 115 informele huise in Swakopmund en 79 op Walvisbaai.
Nog 231 woonstelle word vir Otjomuise, Goreangab en Windhoek-Wes in die hoofstad beplan, met 674 wooneenhede insluited 38 woonstelle in Walvisbaai se Kuisebmond-woonbuurt, 10 vir Ongwediva, 50 vir Oshakati, 34 in Meersig (Walvisbaai), 40 in Keetmanshoop, agt vir Rundu, 13 in Khomasdal, 30 vir Eenhana, 20 op Otavi, 60 op Rehoboth en 50 op Nkurenkuru, sê Mutonga.
NHE diens ook 546 erwe in Katima Mulilo, 67 in Kuisebmond en 172 op Nkurenkuru, terwyl 3 422 erwe in informele nedersettings landswyd opgegradeer word en 2 000 wooneenhede teen April volgende jaar in nedersetting gebou moet word, sê hy.
Die diens van grond in nedersettings is een van die hoofdoelwitte van die nuwe vennootskap, sê hy, tesame met die versnelling van nuwe behuisingsontwikkelings.
NHE het reeds 3 422 ongedienste erwe oraloor Namibië van plaaslike owerhede bekom. Die regering het ook N$50 miljoen aan NHE vir 2025 toegeken, sê Mutonga.
– [email protected]
’n Gemeenskaplike bestuurskomitee en ’n tegniese komitee sal die gesamentlike verpligtinge bestuur, terwyl NHE ’n span kontrakteurs vir drie jaar aangestel het om die vennootskap te ondersteun. Die ooreenkoms stipuleer ook die verpligtinge van die partye en versagtende maatreëls om te verseker dat projeksperdatums nagekom word.
Die vennootskap sal gronddiensprojekte en die lewering van bekostigbare behuising versnel, volgens ’n gesamentlike verklaring.
RCC sal sy kundigheid in siviele ingenieurswese en infrastruktuur bydra op gebiede soos padkonstruksie, stormwaterdreinering, water- en rioolnetwerke en elektrifisering. Daarbenewens sal NHE topstrukture lewer soos uiteengesit in die opgraderingsprogram vir informele nedersettings se implementeringsplan, volgens die verklaring.
Tydens die ondertekeningsgeleentheid het NHE se uitvoerende hoof, Gisbertus Mukulu, gesê: “RCC kan beter uitblink in die bou van dienste, terwyl NHE die kuns van behuisingskonstruksie bemeester het.”
RCC se waarnemende uitvoerende hoof, Dasius Nelumbu, het gesê: “Bekostigbare behuising is nie moontlik sonder behoorlike infrastruktuur nie.”
Volgens hom is RCC meer as net ’n padboumaatskappy, “ons is bouers van gemeenskappe”.
Tot dusver vanjaar kon RCC reeds verskeie padinstandhoudingswerke voltooi, gronddamme in die Ohangwenastreek bou en padoppervlakte en bitumen-instandhouding van teerpaaie by Oshakati en Keetmanshoop voltooi, volgens sy woordvoerder, Rebekka Horaes.
RCC is tans besig met padinstandhouding by Oshakati, Keetmanshoop, Otjiwarongo en Windhoek, tesame met die opgradering van die Sandverhaar-Buchholzbrunn-spoorlyn, wat volgens Horaes sowat 85% voltooi is.
Teen 30 September moet die DR3645-padbouprojek van Engoyi na Omuntele ook voltooi te wees, met 90% wat reeds afgehandel is, sê sy.
Die MR76-pad vanaf Hentiesbaai na Uis se opgradering na bitumen-standaard en die opgradering van die gedeelte tussen Khorixas en Kamanjab, vorder ook, sê Horaes.
RCC se 355 werknemers bring hul kundigheid in siviele ingenieurswese en infrastruktuur na die nuwe vennootskap, sê sy.
RCC besit ook onder meer verskeie padskrapers, uitgraafmasjiene, watervragmotors, kantelvragmotors en padherstelvoertuie en -toerusting wat ontplooi sal word, het Horaes gesê.
Verder het die staatsonderneming ’n huurkontrak van stapel gestuur en verwag die eerste aflewering van die aanleg en toerusting binne ’n maand, brei sy uit.
NUWE HUISE
NHE se woordvoerder, Matali Mutonga, sê dié behuisingsonderneming het tot dusver vanjaar 185 nuwe huise gelewer; 54 op Ondangwa, 30 op Omuthiya, 52 op Okakarara, 34 op Mariental en vyf in Swakopmund.
Gedurende die huidige boekjaar beoog NHE om nog 905 huise te lewer, het hy gesê.
Voortgesette NHE-projekte sluit in 362 eenhede in Otjomuise Uitbreiding 10 en 24 eenhede op Opuwo, beide onder die massabehuisingsprojek, het hy gesê, sowel as die opgradering van 115 informele huise in Swakopmund en 79 op Walvisbaai.
Nog 231 woonstelle word vir Otjomuise, Goreangab en Windhoek-Wes in die hoofstad beplan, met 674 wooneenhede insluited 38 woonstelle in Walvisbaai se Kuisebmond-woonbuurt, 10 vir Ongwediva, 50 vir Oshakati, 34 in Meersig (Walvisbaai), 40 in Keetmanshoop, agt vir Rundu, 13 in Khomasdal, 30 vir Eenhana, 20 op Otavi, 60 op Rehoboth en 50 op Nkurenkuru, sê Mutonga.
NHE diens ook 546 erwe in Katima Mulilo, 67 in Kuisebmond en 172 op Nkurenkuru, terwyl 3 422 erwe in informele nedersettings landswyd opgegradeer word en 2 000 wooneenhede teen April volgende jaar in nedersetting gebou moet word, sê hy.
Die diens van grond in nedersettings is een van die hoofdoelwitte van die nuwe vennootskap, sê hy, tesame met die versnelling van nuwe behuisingsontwikkelings.
NHE het reeds 3 422 ongedienste erwe oraloor Namibië van plaaslike owerhede bekom. Die regering het ook N$50 miljoen aan NHE vir 2025 toegeken, sê Mutonga.
– [email protected]
Kommentaar
Republikein
Geen kommentaar is op hierdie artikel gelaat nie