Smaakmakers deel visie vir CST

Die Kreatief-, Sport- en Toerisme Ekspo (CST) het Vrydag ’n inligtingsessie met Namibiese inhoudskeppers en smaakmakers by sy hoofkwartier in Windhoek se noordelike nywerheidsgebied aangebied. Die driedaagse CST Ekspo 2026 is ‘n nasionale platform waar die kreatiewe, sport- en toerismesektore saamkom om vernuwing, entrepreneurskap en ekonomiese groei te bevorder.  

As deel van die voorbereidings vir die ekspo wat van 2 tot 4 September by die Hage Geingob-stadion in Windhoek plaasvind, is smaakmakers en inhoudskeppers genooi om deel te word van die bevordering van die ekspo. Die inisiatief vorm deel van die CST Ekspo se breër verbintenis om as een van sy kernprioriteite geleenthede vir jongmense te skep om inkomste te genereer. Vrydag se inligtingsessie het ‘n platform geskep om te netwerk, idees uit te ruil en ook te gesels oor geleenthede en aktiwiteite wat vir die ekspo beplan word. Teenwoordig was Emeraldsand Platforms (ESP) se inkomende uitvoerende hoof, Nangula Uaandja, ESP se uittredende uitvoerende hoof en projekbestuurder, Albe Botha, Gerine Hoff (Network Media Hub - NMH), Ester Kamati (Tjil TV), Ashwyn Mberi (NTV Africa), Richard Botha (Network Data Hub - NDH), asook Frank Steffen (Market Watch). FOTO TULELA SHIKONGENI