San se voedselhulp vir maande vertraag
Verspreiding in Omaheke sal hervat
Die kantoor van die president vra verskoning aan San-gemeenskappe in die Omahekestreek wat vir ten minste twee maande nie voedselhulp ontvang het nie – 'n gemeenskap wat deur uiterste armoede, honger en wanvoeding geteister word.
Die San-gemeenskappe op Epukiro en omliggende gebiede in die Omahekestreek, wat deur akute voedselonsekerheid geraak word, het sedert Februarie vanjaar geen voedselhulp van die staat ontvang nie.
Dié voedselhulp, wat deur die departement van gemarginaliseerde gemeenskappe bestuur word, is veronderstel om maandeliks aan die San-gemeenskappe verskaf te word.
Die kantoor van die president het aan Network Media Hub (NMH) bevestig dat die laaste voedselhulp onder die Spesiale Voedingsprogram vir Gemarginaliseerde Gemeenskappe (MCSFP) in die Omahekestreek tussen 24 Februarie en 19 Maart plaasgevind het.
Volgens anonieme bronne van die San-groep Ju/’hoansi, het die San in die nedersettings Rooiland en Donkerhoek aan die buitewyke van Epukiro drie maande gelede laas voedselhulp van die regering ontvang.
Die San in die streek word deur uiterste armoede en wanvoeding geraak en is grootliks afhanklik van voedselbystand van die regering om te oorleef.
Die opgeskorte hulp het dus ’n direkte impak op die omvang van hongerte in die gemeenskappe.
Die kantoor van die president het op navraag van NMH erken daar was vertragings in die verspreiding van voedselhulp.
Na aanleiding van die onlangse herstrukturering van staatskantore, ministeries en agentskappe wat deur president Netumbo Nandi-Ndaitwah in Maart 2025 aangekondig is, het die kantoor van die president verduidelik die departement van gemarginaliseerde gemeenskappe het onder die direkte toesig van die adjunkpresident geskuif.
“Hierdie strukturele verandering het ’n hersiening van administratiewe prosedures genoodsaak, wat ongelukkig bygedra het tot vertragings in die verkryging van voedselprodukte,” het Mateus Kaholongo, die waarnemende uitvoerende direkteur in die presidensie, aan NMH gesê.
Volgens hom het toegekende tenderaars opdrag gekry om voedselprodukte by die onderskeie streekpakhuise af te lewer vir verdere verspreiding.
“Die kantoor van die president betreur opreg enige ongerief wat aan die geraakte gemeenskappe veroorsaak is en wil alle belanghebbendes verseker dat die maandelikse verspreiding van voedselprodukte sonder verdere ontwrigting sal hervat,” het Kaholongo gesê.
“Die kantoor van die president, deur die departement van gemarginaliseerde gemeenskappe, gaan voort om San-gemeenskappe oraloor die land met maandelikse voedselhulp onder die (MCSFP) te ondersteun.”
GOEWERNEUR REAGEER
Die goewerneur van Omaheke, Pijoo Nganate, het opgemerk dat voedselhulp vir ander kwesbare groepe in die streek deur die kantoor van die eerste minister versprei word.
Hy het gesê hy het voorheen opdrag aan amptenare gegee dat, in die afwesigheid van MCSFP-ondersteuning vir die San, voedselhulp van ander programme uitgebrei moet word om hulle in te sluit. Dié opdrag van die goewerneur blyk nie in alle dele van die streek nagekom te word nie. Bronne in Epukiro het aan NMH gesê terwyl ander etniese groepe op Epukiro die afgelope maande steeds voedselhulp ontvang het, is niks hiervan aan die San verskaf nie.
Nganate het gesê hy is onbewus daarvan dat sy opdrag nie in sommige dele van die streek geïmplementeer is nie.
Die visepresident, Lucia Witbooi, wat nou in beheer is van voedselhulp aan gemarginaliseerde gemeenskappe en spesifiek die San, het aan NMH gesê: “Ek betreur enige ongerief wat hierdeur veroorsaak word. Ons kan hulle verseker dat die verspreiding van voedselprodukte binnekort sal hervat.”
– [email protected]
Dié voedselhulp, wat deur die departement van gemarginaliseerde gemeenskappe bestuur word, is veronderstel om maandeliks aan die San-gemeenskappe verskaf te word.
Die kantoor van die president het aan Network Media Hub (NMH) bevestig dat die laaste voedselhulp onder die Spesiale Voedingsprogram vir Gemarginaliseerde Gemeenskappe (MCSFP) in die Omahekestreek tussen 24 Februarie en 19 Maart plaasgevind het.
Volgens anonieme bronne van die San-groep Ju/’hoansi, het die San in die nedersettings Rooiland en Donkerhoek aan die buitewyke van Epukiro drie maande gelede laas voedselhulp van die regering ontvang.
Die San in die streek word deur uiterste armoede en wanvoeding geraak en is grootliks afhanklik van voedselbystand van die regering om te oorleef.
Die opgeskorte hulp het dus ’n direkte impak op die omvang van hongerte in die gemeenskappe.
Die kantoor van die president het op navraag van NMH erken daar was vertragings in die verspreiding van voedselhulp.
Na aanleiding van die onlangse herstrukturering van staatskantore, ministeries en agentskappe wat deur president Netumbo Nandi-Ndaitwah in Maart 2025 aangekondig is, het die kantoor van die president verduidelik die departement van gemarginaliseerde gemeenskappe het onder die direkte toesig van die adjunkpresident geskuif.
“Hierdie strukturele verandering het ’n hersiening van administratiewe prosedures genoodsaak, wat ongelukkig bygedra het tot vertragings in die verkryging van voedselprodukte,” het Mateus Kaholongo, die waarnemende uitvoerende direkteur in die presidensie, aan NMH gesê.
Volgens hom het toegekende tenderaars opdrag gekry om voedselprodukte by die onderskeie streekpakhuise af te lewer vir verdere verspreiding.
“Die kantoor van die president betreur opreg enige ongerief wat aan die geraakte gemeenskappe veroorsaak is en wil alle belanghebbendes verseker dat die maandelikse verspreiding van voedselprodukte sonder verdere ontwrigting sal hervat,” het Kaholongo gesê.
“Die kantoor van die president, deur die departement van gemarginaliseerde gemeenskappe, gaan voort om San-gemeenskappe oraloor die land met maandelikse voedselhulp onder die (MCSFP) te ondersteun.”
GOEWERNEUR REAGEER
Die goewerneur van Omaheke, Pijoo Nganate, het opgemerk dat voedselhulp vir ander kwesbare groepe in die streek deur die kantoor van die eerste minister versprei word.
Hy het gesê hy het voorheen opdrag aan amptenare gegee dat, in die afwesigheid van MCSFP-ondersteuning vir die San, voedselhulp van ander programme uitgebrei moet word om hulle in te sluit. Dié opdrag van die goewerneur blyk nie in alle dele van die streek nagekom te word nie. Bronne in Epukiro het aan NMH gesê terwyl ander etniese groepe op Epukiro die afgelope maande steeds voedselhulp ontvang het, is niks hiervan aan die San verskaf nie.
Nganate het gesê hy is onbewus daarvan dat sy opdrag nie in sommige dele van die streek geïmplementeer is nie.
Die visepresident, Lucia Witbooi, wat nou in beheer is van voedselhulp aan gemarginaliseerde gemeenskappe en spesifiek die San, het aan NMH gesê: “Ek betreur enige ongerief wat hierdeur veroorsaak word. Ons kan hulle verseker dat die verspreiding van voedselprodukte binnekort sal hervat.”
– [email protected]
Kommentaar
Republikein
Geen kommentaar is op hierdie artikel gelaat nie