San ontevrede met N$500 per maand
Voeldselbank beëindig
Die hervestigde San-gemeenskap sê die lewe raak onmoontlik.
Die San-gemeenskap wat by Nkurenkuru woon, sê met die stygende voedselpryse is die N$500 maandelikse toelaag wat hulle van die staat ontvang, nie naastenby genoeg om hulle te onderhou nie.
Na die beëindiging van die voedselbank het die regering besluit om die maandelikse kospakkies te vervang met ’n basiese inkomstetoelaag van N$500 per huishouding.
Republikein se susterkoerant, Namibian Sun, het onlangs ’n San-gemeenskap besoek wat na die noordelike grensdorp Nkurenkuru in die Kavango-Wesstreek hervestig is. Die gemeenskap het teleurstelling uitgespreek en sê dis onmoontlik om op N$500 per maand te oorleef. Die groep meen die inflasiekoers van veral voedselpryse styg eenvoudig te vinnig.
Hulle het aangevoer dis ’n bekende feit dat lede van dié gemarginaliseerde gemeenskap nie vaardig of opgelei vir die sakewêreld is nie en dat dit moeilik is om werk te kry. Hulle verwag dat die regering hulle meer geld moet gee indien die voedselbank nie onderhou kan word nie.
Een inwoner sê hulle het vier of vyf kinders en die lewe raak onmoontlik.
“Om eerlik met jou te wees, die toelaag wat ons kry, is nie genoeg nie. Hoe kan ’n gesin van ses van N$500 per maand oorleef? Behalwe om kos te koop, moet ons ook toiletware koop en die kinders het talle behoeftes. Die regering het dié keer nie mooi gedink nie,” het die bron opgemerk.
’n Ander bron sê hulle word gedwing om los werkies te doen soos om in die mahangu-velde te werk van mense wat hulle nie ’n ordentlike loon betaal nie.
MINISTERIE VERDUIDELIK
Die gemarginaliseerde gemeenskap val onder die sorg van die ministerie van geslagsgelykheid, armoede-uitwissing en kinderwelsyn.
By navraag vir kommentaar het die ministerie se uitvoerende direkteur, me. Esther Lusepani, gesê die N$500 per maand sedert die sluiting van die voedselbank is bereken op grond van die begroting wat vir die voedselbank bedoel was. Die huidige reëling sal vir die volgende drie jaar van krag wees.
“Die toelaag se bedrag is op die begroting van die voedselbank bereken, omdat ons nie ’n bykomende inkomste van (die ministerie van) finansies ontvang het nie.
"Ons is net toegelaat om die geld wat ons het, te gebruik. Ons sal hierdie jaar en die volgende twee jaar, dieselfde bedrag ontvang. Ons kan net bestee wat ons vir die voedselbank ontvang het," het sy verduidelik .
Lusepani sê hulle het wel konsultasies met begunstigdes van die voedselbank oor die N$500-toelaag gehad.
Die regering het in 2020 sinkhuise vir die groep San-mense opgerig, maar van beloftes van grondbesit of toiletgeriewe het nog niks gekom nie.
– [email protected]
Na die beëindiging van die voedselbank het die regering besluit om die maandelikse kospakkies te vervang met ’n basiese inkomstetoelaag van N$500 per huishouding.
Republikein se susterkoerant, Namibian Sun, het onlangs ’n San-gemeenskap besoek wat na die noordelike grensdorp Nkurenkuru in die Kavango-Wesstreek hervestig is. Die gemeenskap het teleurstelling uitgespreek en sê dis onmoontlik om op N$500 per maand te oorleef. Die groep meen die inflasiekoers van veral voedselpryse styg eenvoudig te vinnig.
Hulle het aangevoer dis ’n bekende feit dat lede van dié gemarginaliseerde gemeenskap nie vaardig of opgelei vir die sakewêreld is nie en dat dit moeilik is om werk te kry. Hulle verwag dat die regering hulle meer geld moet gee indien die voedselbank nie onderhou kan word nie.
Een inwoner sê hulle het vier of vyf kinders en die lewe raak onmoontlik.
“Om eerlik met jou te wees, die toelaag wat ons kry, is nie genoeg nie. Hoe kan ’n gesin van ses van N$500 per maand oorleef? Behalwe om kos te koop, moet ons ook toiletware koop en die kinders het talle behoeftes. Die regering het dié keer nie mooi gedink nie,” het die bron opgemerk.
’n Ander bron sê hulle word gedwing om los werkies te doen soos om in die mahangu-velde te werk van mense wat hulle nie ’n ordentlike loon betaal nie.
MINISTERIE VERDUIDELIK
Die gemarginaliseerde gemeenskap val onder die sorg van die ministerie van geslagsgelykheid, armoede-uitwissing en kinderwelsyn.
By navraag vir kommentaar het die ministerie se uitvoerende direkteur, me. Esther Lusepani, gesê die N$500 per maand sedert die sluiting van die voedselbank is bereken op grond van die begroting wat vir die voedselbank bedoel was. Die huidige reëling sal vir die volgende drie jaar van krag wees.
“Die toelaag se bedrag is op die begroting van die voedselbank bereken, omdat ons nie ’n bykomende inkomste van (die ministerie van) finansies ontvang het nie.
"Ons is net toegelaat om die geld wat ons het, te gebruik. Ons sal hierdie jaar en die volgende twee jaar, dieselfde bedrag ontvang. Ons kan net bestee wat ons vir die voedselbank ontvang het," het sy verduidelik .
Lusepani sê hulle het wel konsultasies met begunstigdes van die voedselbank oor die N$500-toelaag gehad.
Die regering het in 2020 sinkhuise vir die groep San-mense opgerig, maar van beloftes van grondbesit of toiletgeriewe het nog niks gekom nie.
– [email protected]
Kommentaar
Republikein
Geen kommentaar is op hierdie artikel gelaat nie