Saam met die stroom

Die mistieke wonderwêreld en skoonheid van die see en al haar geheime en eiesoortige inwoners was die inspirasie vir die Pottebakkersvereniging van Namibië (PAN) se uitstalling Shapes of the Current, ’n viering van Namibiese keramiek. Die uitstalling het op 19 September by die Kamma Art and Design Studio in Swakopmund geopen. PAN se voorsitter Gigi Mathias was vol lof vir die pottebakkers se skeppings met die kunstenaar en mede-eienaar van Kamma, Heidi Louw se skilderye wat dit volgens haar perfek aanvul “om stories te deel wat deur ons Namibiese kuslyn geïnspireer is”. Sy het verwys na die belangrike rol wat ondersteuning en borge speel om geleenthede soos dié moontlik te maak en haar dank uitgespreek teenoor Capricorn Asset Management vir hul jaarlikse borgskap. Louw en Clinton Lang was die kurators van die uitstalling, terwyl die Suid-Afrikaanse keramiekkunstenaar Lindsay Oldham die eregas tydens die opening was en in haar toespraak uitgebrei het oor die noue verweefdheid tussen kuns en die natuur. Sandy le Roux se Gin Bar en vars oesters van Seacore Food Market het verder gesorg dat die geleentheid ’n hoogtepunt op die kunskalender aan die kus was. Shapes of the Current kan nog tot 19 Oktober by Kamma Art and Design in Libertina Amathilastraat in Swakopmund besigtig word.

Saam met die stroom

Kommentaar

Republikein 2025-12-16

Meld asseblief aan om kommentaar te lewer

Saam met die stroom

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.