Rundu se geldsake knel

Kenya Kambowe - Rundu se dorpsraad kan nie bekostig om ’n private prokureur aan te stel om ’n hofeis deur sy vorige skuldinvorderaar, Redforce Debt Management, wat hom vir N$9,2 miljoen dagvaar, te betwis nie.Die raad het hom sedertdien tot die regering gewend vir regshulp, en beoog om van die dienste van die staatsprokureur se kantoor gebruik te maak.Dit wil egter voorkom asof Redforce geregtig kan wees op ’n verstekvonnis aangesien daar tot dusver geen aanduiding was dat die saak teengestaan gaan word nie.Redforce het die regsgeding op 14 Februarie aanhangig gemaak, terwyl die Rundu-dorpsraad op ’n gunstige reaksie van die staatsprokureur se kantoor wag.By navraag vir kommentaar het Olavi Nathanael, uitvoerende hoof van Rundu se dorpsraad, gesê hulle wag steeds op ’n antwoord op hul versoek.“Soos vroeër gekommunikeer is, is ’n instruksie aan die staatsprokureur gestuur, wat op sy beurt gereageer het en bykomende inligting aangevra het, wat dienooreenkomstig gestuur is. Dit is ons wens dat ons betyds aansoek doen om die dagvaarding teen te staan,” het hy gesê.GISSINGS Die dorp se hoofadministrateur het bygevoeg die raad het om regshulp by die prokureur-generaal aangeklop omdat hy nie in &#039;n finansiële posisie is om private regsdienste te verkry nie.Daar is ook bewerings dat daar &#039;n doelbewuste poging is om ’n verstekvonnis in Redforce se guns te verkry sodat individue in hul persoonlike hoedanigheid kan baat. Op ’n vraag oor die raadsadministrasie wat die saak glo doelbewus probeer saboteer, het Nathanael gesê dit bly gissings. – republikein@republikein.com.na

Rundu se geldsake knel

Kommentaar

Republikein 2025-05-15

Meld asseblief aan om kommentaar te lewer

Rundu se geldsake knel

Kommentaar

Republikein 2025-05-15

Meld asseblief aan om kommentaar te lewer

MELD AAN

Advertensie