Polisiestasie in Klein Windhoek onvoldoende

Kommer is verlede week in die Nasionale Vergadering geopper oor die toestand en geskiktheid van die Klein Windhoek-polisiekantoor.Dit terwyl vrae aan die minister van binnelandse sake, immigrasie, veiligheid en sekuriteit gerig is oor enige planne om die gemeenskap van behoorlike geriewe te voorsien. Volgens die hoofsweep van die Body of Christ Party (BCP), Thomas Festus, word die kantoor tans gehuisves in ’n klein huis wat vir gebruik as ’n polisiestasie omskep is. Festus het die ruimte as “uiters beknop en ontoereikend” beskryf. Die polisiestasie bedien 'n groot gemeenskap en verskeie woonbuurte, insluitend Klein Windhoek, Ludwigsdorf, Avis en omliggende gebiede.Volgens Festus beskik die huidige geriewe nie oor voldoende parkeerruimte vir lede van die publiek of vir polisievoertuie nie. Daar is ook onvoldoende ruimte vir die hantering van sake en vir die verwerking van klagtes wat deur lede van die gemeenskap aangemeld word.Volgens Festus is die algemene werksomgewing vir polisiebeamptes nie bevorderlik vir doeltreffende dienslewering nie. Buiten vir vrae of die ministerie bewus is van die huidige omstandighede en beperkinge by die polisiestasie, wou Festus ook weet waarom die ministerie nog nie geskikte grond in Klein Windhoek of Ludwigsdorf bekom het om ’n meer doeltreffende polisiekantoor in te rig met voldoende parkering en geriewe nie. Hy wou ook duidelikheid hê oor die ministerie se onmiddellike en mediumtermynplanne en begroting om grond vir ’n nuwe polisiestasie te bekom. – aurelia@nmh-hub.com

Polisiestasie in Klein Windhoek onvoldoende

Kommentaar

Republikein 2026-09-29

Meld asseblief aan om kommentaar te lewer

Polisiestasie in Klein Windhoek onvoldoende

Kommentaar

Republikein 2026-09-29

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.