Oudgevangene hou vol hy is onskuldig

’n Agt-en-sestigjarige man wat onlangs uit die Windhoek Sentrale Gevangenis vrygelaat is nadat hy twee jaar agter tralies deurgebring het, hou vol dat hy verkeerdelik skuldig bevind en gevonnis is. Ten spyte van die feit dat Petrus !Ganeb reeds sy vonnis uitgedien het, is hy vasbeslote om voort te gaan met ’n appelaansoek teen sy skuldigbevinding en vonnisoplegging.Hy is in April 2022 in die landdroshof op Outjo tot drie jaar tronkstraf gevonnis nadat hy en sy medebeskuldigde, Prince Pienaar, op een klag van veediefstal skuldig bevind is.Hy voer aan dat die landdros, Immanuel Udjombala ’n fout begaan het deur op hoorsê-bewyse te steun vir sy uitspraak. Hy beweer die staat het slegs twee getuies geroep en dat geen verdere getuies geroep is om hul getuienis te staaf nie.Volgens !Ganeb is daar nie ’n fotoplan van die misdaadtoneel in die dossier gevind nie – iets wat hy beweer noodsaaklik vir die saak is en ’n belangrike deel van die polisieondersoek vorm.OMBUDSMAN EIS ONDERSOEKHy beweer ook die staatsaanklaer, Vivienne Ndana, het die saak vir pleit en verhoor geskeduleer terwyl die polisieondersoek nog nie afgehandel was nie.“Op 23 September 2022 het die streekbevelvoerder in die Kunenestreek, komm. J.K.K. Nderura bevestig dat die ondersoekbeampte versuim het om die dossier betyds te voltooi,” het !Ganeb in hofstukke aangevoer en bygevoeg dat Ndana die hof na bewering mislei het deur te sê die ondersoek is afgehandel.!Ganeb het verlede jaar die ombudsman genader met die bewering dat Ndana haar magte in sy verhoor misbruik het en dit gelei het tot sy “verkeerdelike” skuldigbevinding.Ten spyte van die feit dat die kantoor van die ombudsman die aanklaer-generaal, Martha Imalwa, reeds in September verlede jaar versoek het om die saak verder te ondersoek, is !Ganeb nooit ingelig of ’n ondersoek wel plaasgevind het of wat die uitkoms daarvan was nie.Die adjunkdirekteur in die kantoor van die ombudsman, Timothy Shangadi, het in ’n brief aan Imalwa gesê hulle het !Ganeb se klag voorlopig geassesseer en is van die mening dat die kwessie verwys moet word na Imalwa se kantoor vir ’n interne ondersoek.“Dit sal waardeer word as ons ingelig kan word van die optrede wat julle sal neem deur julle instelling om die kwessie op te los,” lui die brief wat op 21 September 2023 by die kantoor van die aanklaer-generaal afgelewer is.!Ganeb het ook in Julie 2023 ’n brief aan die minister van justisie, Yvonne Dausab, gestuur om die saak onder haar aandag te bring.Hy is vandeesmaand uit aanhouding vrygelaat nadat hy twee jaar van sy vonnis uitgedien het. – kristien@nmh-hub.com.na

Oudgevangene hou vol hy is onskuldig

Kommentaar

Republikein 2026-05-06

Meld asseblief aan om kommentaar te lewer

Oudgevangene hou vol hy is onskuldig

Kommentaar

Republikein 2026-05-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.