OTA eis verwydering van koloniale standbeelde

Ogone Tlhage – Met die Ovaherero Tradisionele Owerheid (OTA) wat opnuut aandring op die verwydering van koloniale standbeelde wat steeds in verskeie dorpe oraloor Namibië staan, stamp dié tradisionele beheerliggaam koppe met sekere plaaslike owerhede. Die OTA-opperhoof, Mutjinde Katjiua, sê lede van die Nama- en Ovaherero-gemeenskappe moet standbeelde wat die Nama-Ovaherero-volksmoord vier met geweld verwyder as diegene in wie se dorpe en stede hierdie standbeelde opgerig is, versuim om dit te doen.Katjiua het dié opmerkings die afgelope naweek by ’n volksmoord-gedenkdag op Lüderitz gemaak.Volgens hom is die regering se versuim om die kwessie van voorvaderlike grond op ’n voldoende wyse te hanteer, genoeg rede om tot die gevolgtrekking te kom dat die staat geen bedoeling gehad het om die belange van die Nama- en Ovaherero-mense op te hef nie.SPERDATUM NODIGKatjiua het na ’n voorbeeld verwys waarin die wyle OTA-opperhoof, adv. Vekuii Rukoro, en wyle hoofman Simon Petrus Kooper van die Kai-// Khaun, die Swakopmund-munisipaliteit gevra het om standbeelde wat die volksmoord herdenk, te verwyder.“In 2016 het wyle opperhoof Rukoro en wyle Kooper ’n duidelike versoek aan die Swakopmund-munisipaliteit gerig om daardie standbeelde van Duitse soldate te verwyder. Dit is dalk nou agt jaar. . . niks het gebeur nie. Dit is hoog tyd dat ons ’n sperdatum stel vir sommige van hierdie goed; as dit nie verwyder word nie, behoort ons dit te kan plattrek,” het Katjiua gesê.“Jy sal nie tronk toe gaan omdat jy ’n koloniale standbeeld verwyder het nie; dit gebeur in Duitsland,’ het hy bygevoeg.IN EIE HANDE Volgens Katjiua word dit nou aan die betrokke gemeenskappe oorgelaat om formeel versoeke te rig vir die verwydering van koloniale standbeelde en dit self te verwyder as die versoek nie oorweeg word nie.“Dit is hoog tyd dat ons van hierdie goed identifiseer en ’n sperdatum stel en dit verwyder,” het hy gesê.Katjiua het ook die regering daarvan beskuldig dat hulle lede van die Nama- en Ovaherero-gemeenskappe opsetlik op die kantlyn gestoot het.“Ons weet ons het ’n regering wat ons nie ondersteun nie. Ons weet ons het &#039;n regering wat Herero’s en Namas verarmd wil sien, ’n regering wat ons sonder grond wil sien.”Die twee gemeenskappe suig aan die agterspeen wanneer dit by die voordele van Namibië se hulpbronne kom, het hy bygevoeg.“Vandag word die Namas en die Herero’s gemarginaliseer; ons het geen politieke stem nie; daarom, wanneer die nasionale koek gesny word, is ons die laaste wat krummels ontvang. Ons het die Suide, die Erongostreek, onder die rykste streke in die land, maar as jy na die burgers van daardie streke toe gaan, is hulle van die mees gemarginaliseerdes met geen toegang tot hierdie hulpbronne nie,” het hy gesê. – republikein@republikein.com.na

OTA eis verwydering van koloniale standbeelde

Kommentaar

Republikein 2025-05-01

Meld asseblief aan om kommentaar te lewer

OTA eis verwydering van koloniale standbeelde

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie