Onreëlmatighede in Stampriet se boeke

Ogone Tlhage - ’n Onlangse ouditverslag deur die kantoor van die ouditeur-generaal, Junias Kandjeke, het onthul dat Stampriet se dorpsraad nie in staat was om ’n gedetailleerde weergawe van personeellenings te verskaf nie.Die verslag wys op &#039;n aantal ander onreëlmatighede in die dorpsraad se stand van sake oor &#039;n verslagtydperk van drie jaar.Die ouditeur-generaal het gesê hy het geen stawende dokumente vir eksterne lenings en verwante agterstallige skuld van N$250 952 vir onderskeidelik 2016 en 2017 gevind nie.Ander punte van kommer in die boeke wat hy uitgelig het, sluit &#039;n vastebateregister vir 2016, 2017 en 2018 in wat nie bygehou is nie.Die dorpsraad het verder versuim om registers en huurooreenkomste vir persele wat hy verhuur het vir die betrokke tydperke aan te teken, terwyl geen registers of huurooreenkomste vir huurders wat aanspreeklik is om huur vir enkelkwartiere te betaal, vir 2018 bygehou is nie.GEBREK AAN INLIGTINGKandjeke het geen voorrade gevind wat in die dorpsraad se finansiële state weerspieël word nie, ondanks die feit dat die raad sekere verbruiksgoedere byderhand hou.Die plaaslike owerheid het nie waardevermindering vir dieselfde tydperk onder oorsig gehef nie, luidens die verslag.Die dorpsraad het nie inligting bygehou om die verlofvoorsiening ten bedrae van N$261 742 in elke verslagtydperk vir die drie jaar onder oorsig te motiveer nie. Die dorpsraad het ook nie voorsiening gemaak vir die daling van waarde op huislenings nie ten spyte van &#039;n gebrek aan sekuriteit en vertraagde terugbetalings vir elk van die jare. Kandjeke het opgemerk dat Stampriet se dorpsraad nie dokumentasie kon toon om die volledigheid van inkomste van N$159 876 vir 2016, N$118 615 vir 2017 en N$23 356 vir 2018 te ondersteun nie. – republikein@republikein.com.na

Onreëlmatighede in Stampriet se boeke

Kommentaar

Republikein 2026-05-05

Meld asseblief aan om kommentaar te lewer

Onreëlmatighede in Stampriet se boeke

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.