Omgeeklanke verdryf bibberkoue
Hartsklanke het die afgelope naweek opgeklink by WHS se Vegkop-stadion, waar kanniedood-musiekliefhebbers die bibberweer aangedurf het om Suid-Afrika se Adam Tas en die plaaslike musieklieflinge Vaughn Ahrens en Riaan Smit op die verhoog te sien vir die African Child Development Trust (ACDT) se Sounds of Caring-konsert.
Vaughn het die geleentheid op ’n sielvole noot afgeskop met sy alternatiewe klank en unieke stem, en die gehoor vermaak met ’n paar klassieke gunstelinge en van sy oorspronklike snitte. Daarna het Adam met sy diep rasperstem agter die mikrofoon ingeskuif en konsertgangers laat ontdooi met sy gewilde liedjies soos “Skilpadtepel” en klassieke snitte van Johnny Cash en Neil Diamond.
Die What’s Cooking-potjiekoskompetisie het Saterdagoggend vir opwinding gesorg toe maatskappye mekaar om die potjiekosvure die stryd aangesê het, terwyl Nova 103.5 se klanke vir ’n ontspanne atmosfeer gesorg het. Die span van Pick n Pay is aangewys as dié met die beste gees, en Neo Paints het weggestap met die trofees vir besgeklede span én die beste potjie.
Saterdagaand was dit Riaan se beurt om sy plek op die verhoog in te neem en die gehoor op te warm met sy blues- en folkklanke. Adam het die Sounds of Caring-konsert op ’n hoë noot afgesluit met sy countryklanke en charisma wat die litte behoorlik laat loskom het.
Konsertgangers kon deurgaans aan heerlike disse smul – van pizzas en braaivleis tot kapana en kiosk-lekkernye en drankies.
Dié konsert was ten bate van die ACDT se onderwysprojek, wat oorspronklik ten doel gehad het om onderrigmateriaal landswyd beskikbaar te stel gedurende die Covid-19-inperking. Hierdie inisiatief het tot gevolg gehad dat 12 miljoen opvoedkundige boekies tussen 2020 en 2021 gedruk en landswyd versprei is. Alle opbrengste van die konsert en potjiekoskompetisie gaan aan die ACDT.
[email protected]
Vaughn het die geleentheid op ’n sielvole noot afgeskop met sy alternatiewe klank en unieke stem, en die gehoor vermaak met ’n paar klassieke gunstelinge en van sy oorspronklike snitte. Daarna het Adam met sy diep rasperstem agter die mikrofoon ingeskuif en konsertgangers laat ontdooi met sy gewilde liedjies soos “Skilpadtepel” en klassieke snitte van Johnny Cash en Neil Diamond.
Die What’s Cooking-potjiekoskompetisie het Saterdagoggend vir opwinding gesorg toe maatskappye mekaar om die potjiekosvure die stryd aangesê het, terwyl Nova 103.5 se klanke vir ’n ontspanne atmosfeer gesorg het. Die span van Pick n Pay is aangewys as dié met die beste gees, en Neo Paints het weggestap met die trofees vir besgeklede span én die beste potjie.
Saterdagaand was dit Riaan se beurt om sy plek op die verhoog in te neem en die gehoor op te warm met sy blues- en folkklanke. Adam het die Sounds of Caring-konsert op ’n hoë noot afgesluit met sy countryklanke en charisma wat die litte behoorlik laat loskom het.
Konsertgangers kon deurgaans aan heerlike disse smul – van pizzas en braaivleis tot kapana en kiosk-lekkernye en drankies.
Dié konsert was ten bate van die ACDT se onderwysprojek, wat oorspronklik ten doel gehad het om onderrigmateriaal landswyd beskikbaar te stel gedurende die Covid-19-inperking. Hierdie inisiatief het tot gevolg gehad dat 12 miljoen opvoedkundige boekies tussen 2020 en 2021 gedruk en landswyd versprei is. Alle opbrengste van die konsert en potjiekoskompetisie gaan aan die ACDT.
[email protected]
Kommentaar
Republikein
Geen kommentaar is op hierdie artikel gelaat nie