NWR in ‘operasionele verlamming’
Blaam op raad, finansiële hoof geplaas
Personeel en oordbestuurders wag glo weke om basiese voorrade vir doeltreffende diens aan gaste te bekom.
Nikanor Nangolo
Werknemers van Namibia Wildlife Resorts (NWR) eis die onmiddellike ontslag van die NWR se raad van direkteure en sy hoof finansiële beampte weens growwe wanbestuur, gebrek aan strategiese rigting en operasionele mislukkings.
Dit ten spyte daarvan dat die direkteure in hul direkteursverslag vir die finansiële jaar wat op 31 Oktober 2023 geëindig het, van mening was dat NWR voldoende hulpbronne het om vir die afsienbare toekoms in bedryf te bly.
In ’n anonieme brief wat deur Network Media Hub (NMH) gesien is, eis die gegriefde NWR-werknemers ’n dringende ondersoek en ontslag van NWR se hoof finansiële beampte. Die brief verwys na finansiële wanbestuur, inmenging in verkryging en direkte verantwoordelikheid vir operasionele krisisse soos watertekorte en ’n gebrek aan veiligheidstoerusting wat volgens die beswaardes onaanvaarbaar is. Hulle voeg by dat die finansiële hoof aanspreeklik gehou en onmiddellik verwyder moet word.
“Kriminele aanklagte vir growwe nalatigheid: Indien bewyse van wanpraktyk of opsetlike pligsversuim deur enige individu, insluitend die finansiële hoof, gevind word, moet diegene wat daarvoor verantwoordelik is, die volle mag van die gereg in die gesig staar. Daar moet ook ’n bekwame tussentydse direksie en besturende direkteur uit die ervare interne span aangestel word. Ons het bekwame, toegewyde professionele persone binne NWR wat die besigheid verstaan en verbind is tot die sukses daarvan. Vertroue moet van binne tydens hierdie krisis lei,” het die werknemers geskryf.
“Ons sien daagliks hoe die maatskappy se prestasie aanhou daal sonder enige sigbare ingryping of strategiese herleiding van die raad. Ons moraal is op ’n laagtepunt omdat ons die verwaarlosing, die gebrek aan strategie en die afwesigheid van leierskap sien. Die voortgesette stilte rakende korrektiewe stappe vir sommige uitvoerende onderprestasies is frustrerend,” aldus die beswaarde groep.
Volgens hulle het ’n onlangse brief van die minister van die omgewing en toerisme Indileni Daniel, aan die NWR-raad hul ergste vrese bevestig.
“Die einste leierskap wat bedoel is om ons maatskappy te lei, dryf dit aktief in die grond in, wat ons volgehoue lewensbestaan en die toekoms van ons gesinne direk bedreig.”
In die minister se brief gedateer 14 Julie 2025 en gerig aan NWR se raadsvoorsitter ambassadeur Haroldt/Urib, het Daniel gesê sy het na ’n vergadering wat op 2 Julie 2025 gehou is, verdere besonderhede versoek rakende verskeie belangrike sake wat bespreek is.
“Ongelukkig het ek nog geen korrespondensie van u kantoor ontvang rakende die Sun Karros-ooreenkoms, About Africa-konsessie, Enercon-maatskappy se brandstofooreenkoms, Haliburg-groep en Alensy-ooreenkoms ontvang nie.
“Ek sal dit waardeer om ’n gedetailleerde beskrywing te ontvang van die vordering van gebeure en belangrike ontwikkelings met betrekking tot die bogenoemde maatskappye, wat tot die huidige stand van sake gelei het.
“Onmiddellik, aangesien genoeg tyd verloop het sedert ons vergadering waar ek versoek het dat hierdie inligting dadelik ingedien word,” het Daniel in die brief versoek.
Sy noem ook dat dit meer as vier maande is sedert sy die amp as minister aanvaar het.
“In hierdie tydperk het ek geen formele verslae van die raad van direkteure ontvang rakende die bedrywighede, bestuur of finansiële gesondheid van Namibia Wildlife Resorts (NWR) nie. Ek moet my diep teleurstelling uitspreek oor die raad se prestasie en die oënskynlike versuim om sy fidusiêre en toesighoudende verantwoordelikhede uit te voer.
“Tot op hede is die jaarlikse begroting, ouditverslae of ’n geïntegreerde strategiese sakeplan, fundamentele instrumente wat bedrywighede rig en aanspreeklikheid verseker in ooreenstemming met bestuurs- en regulatoriese raamwerke, nie aan my voorgelê nie.
Die afwesigheid van hierdie dokumente dui nie net op nie-nakoming nie, maar ook op ’n kommerwekkende gebrek aan finansiële en operasionele toesig.”
Daniel sê voorts in haar brief dat die maatskappy se prestasie steeds afneem sonder enige sigbare ingryping of strategiese herleiding van die raad.
“Die voortgesette stilte rakende korrektiewe stappe vir uitvoerende onderprestasie, tesame met die kommerwekkende situasie van die maatskappysekretaris wat gelyktydig as besturende direkteur optree, het kommer oor leierskapsdoeltreffendheid en korporatiewe bestuur vererger.
“In die lig van bogenoemde versoek ek hiermee dringend die volgende van die direksie binne tien werksdae vanaf die datum van hierdie korrespondensie: die huidige jaarlikse begroting van die maatskappy, die jongste geouditeerde finansiële state, ’n omvattende geïntegreerde strategiese sakeplan, rekords van raadsbesluite wat maatskappyprestasie aanspreek, verduideliking van uitvoerende rolle en aanstellings en ’n uiteensetting van strategiese belyning tussen NWR se aktiwiteite en die Swapo Party se manifes en implementeringsplan.
“Ek beskou die heersende traagheid asof dit NWR in ’n toestand van operasionele verlamming plaas. ’n Behoorlike strategiese ommekeer is noodsaaklik, en dit begin met deursigtigheid en verantwoordbaarheid van die raad. Versuim om hierdie bekommernisse aan te spreek, sal verdere betrokkenheid op die hoogste vlak noodsaak om die doeltreffende funksionering van NWR in ooreenstemming met nasionale verwagtinge en beleidsriglyne te verseker,” het Daniel gemaan.
Volgens die werknemers skets die minister se brief ’n skrikwekkende prentjie van growwe onbevoegdheid en openlike verset deur die NWR-raad.
“Ons, die mense wat dag in en dag uit onvermoeid werk, sien die agteruitgang eerstehands. Nou weerspieël die minister se woorde ons angs: sy is diep teleurgesteld in die raad se prestasie en die oënskynlike mislukking om sy fidusiêre en toesighoudende verantwoordelikhede uit te voer. Dit gaan nie net oor korporatiewe bestuur nie; dit gaan oor ons werk, ons pensioene en ons vermoë om ons kinders te voed,” het die groep geskryf.
“Ons moet die katastrofiese rol van die finansiële hoof in hierdie finansiële ineenstorting en die direkte impak daarvan op ons bedrywighede en gaste beklemtoon. Ons, die personeel aan die voorpunt en oordbestuurders, ly geweldig om basiese voorrade te bekom om doeltreffende diens aan ons gaste te lewer. Bestellings vir aankope, noodsaaklik vir daaglikse bedrywighede, neem weke om deur die finansiële hoof goedgekeur te word. Hierdie blatante ondoeltreffendheid beteken dat ons nie eers basiese noodsaaklikhede vir ons gaste kan verkry nie,” sê werknemers.
Hulle het gemaan die operasionele chaos, wat direk verband hou met die finansiële hoof se bottelnekke wat veroorsaak word weens gebrek aan optrede, stel nie net NWR se reputasie in gevaar nie, maar “ook die veiligheid van almal op ons eiendomme”.
NWR se waarnemende besturende direkteur Brian Masule het Donderdag by navraag vir kommentaar erken hy het die brief gesien. Volgens Masule is dit waarskynlik geskryf deur kritici wat die direksie wil verwyder. Hy het egter beklemtoon dat ’n amptelike reaksie eers uitgereik sal word sodra interne prosedures gevolg is. Masule het Vrydag nie gereageer toe hy vir verdere kommentaar gevra is nie.
Die omgewingsminister het deur haar persoonlike assistent beloof om op vrae te reageer, maar dit is teen druktyd nog nie ontvang nie.
Werknemers van Namibia Wildlife Resorts (NWR) eis die onmiddellike ontslag van die NWR se raad van direkteure en sy hoof finansiële beampte weens growwe wanbestuur, gebrek aan strategiese rigting en operasionele mislukkings.
Dit ten spyte daarvan dat die direkteure in hul direkteursverslag vir die finansiële jaar wat op 31 Oktober 2023 geëindig het, van mening was dat NWR voldoende hulpbronne het om vir die afsienbare toekoms in bedryf te bly.
In ’n anonieme brief wat deur Network Media Hub (NMH) gesien is, eis die gegriefde NWR-werknemers ’n dringende ondersoek en ontslag van NWR se hoof finansiële beampte. Die brief verwys na finansiële wanbestuur, inmenging in verkryging en direkte verantwoordelikheid vir operasionele krisisse soos watertekorte en ’n gebrek aan veiligheidstoerusting wat volgens die beswaardes onaanvaarbaar is. Hulle voeg by dat die finansiële hoof aanspreeklik gehou en onmiddellik verwyder moet word.
“Kriminele aanklagte vir growwe nalatigheid: Indien bewyse van wanpraktyk of opsetlike pligsversuim deur enige individu, insluitend die finansiële hoof, gevind word, moet diegene wat daarvoor verantwoordelik is, die volle mag van die gereg in die gesig staar. Daar moet ook ’n bekwame tussentydse direksie en besturende direkteur uit die ervare interne span aangestel word. Ons het bekwame, toegewyde professionele persone binne NWR wat die besigheid verstaan en verbind is tot die sukses daarvan. Vertroue moet van binne tydens hierdie krisis lei,” het die werknemers geskryf.
“Ons sien daagliks hoe die maatskappy se prestasie aanhou daal sonder enige sigbare ingryping of strategiese herleiding van die raad. Ons moraal is op ’n laagtepunt omdat ons die verwaarlosing, die gebrek aan strategie en die afwesigheid van leierskap sien. Die voortgesette stilte rakende korrektiewe stappe vir sommige uitvoerende onderprestasies is frustrerend,” aldus die beswaarde groep.
Volgens hulle het ’n onlangse brief van die minister van die omgewing en toerisme Indileni Daniel, aan die NWR-raad hul ergste vrese bevestig.
“Die einste leierskap wat bedoel is om ons maatskappy te lei, dryf dit aktief in die grond in, wat ons volgehoue lewensbestaan en die toekoms van ons gesinne direk bedreig.”
In die minister se brief gedateer 14 Julie 2025 en gerig aan NWR se raadsvoorsitter ambassadeur Haroldt/Urib, het Daniel gesê sy het na ’n vergadering wat op 2 Julie 2025 gehou is, verdere besonderhede versoek rakende verskeie belangrike sake wat bespreek is.
“Ongelukkig het ek nog geen korrespondensie van u kantoor ontvang rakende die Sun Karros-ooreenkoms, About Africa-konsessie, Enercon-maatskappy se brandstofooreenkoms, Haliburg-groep en Alensy-ooreenkoms ontvang nie.
“Ek sal dit waardeer om ’n gedetailleerde beskrywing te ontvang van die vordering van gebeure en belangrike ontwikkelings met betrekking tot die bogenoemde maatskappye, wat tot die huidige stand van sake gelei het.
“Onmiddellik, aangesien genoeg tyd verloop het sedert ons vergadering waar ek versoek het dat hierdie inligting dadelik ingedien word,” het Daniel in die brief versoek.
Sy noem ook dat dit meer as vier maande is sedert sy die amp as minister aanvaar het.
“In hierdie tydperk het ek geen formele verslae van die raad van direkteure ontvang rakende die bedrywighede, bestuur of finansiële gesondheid van Namibia Wildlife Resorts (NWR) nie. Ek moet my diep teleurstelling uitspreek oor die raad se prestasie en die oënskynlike versuim om sy fidusiêre en toesighoudende verantwoordelikhede uit te voer.
“Tot op hede is die jaarlikse begroting, ouditverslae of ’n geïntegreerde strategiese sakeplan, fundamentele instrumente wat bedrywighede rig en aanspreeklikheid verseker in ooreenstemming met bestuurs- en regulatoriese raamwerke, nie aan my voorgelê nie.
Die afwesigheid van hierdie dokumente dui nie net op nie-nakoming nie, maar ook op ’n kommerwekkende gebrek aan finansiële en operasionele toesig.”
Daniel sê voorts in haar brief dat die maatskappy se prestasie steeds afneem sonder enige sigbare ingryping of strategiese herleiding van die raad.
“Die voortgesette stilte rakende korrektiewe stappe vir uitvoerende onderprestasie, tesame met die kommerwekkende situasie van die maatskappysekretaris wat gelyktydig as besturende direkteur optree, het kommer oor leierskapsdoeltreffendheid en korporatiewe bestuur vererger.
“In die lig van bogenoemde versoek ek hiermee dringend die volgende van die direksie binne tien werksdae vanaf die datum van hierdie korrespondensie: die huidige jaarlikse begroting van die maatskappy, die jongste geouditeerde finansiële state, ’n omvattende geïntegreerde strategiese sakeplan, rekords van raadsbesluite wat maatskappyprestasie aanspreek, verduideliking van uitvoerende rolle en aanstellings en ’n uiteensetting van strategiese belyning tussen NWR se aktiwiteite en die Swapo Party se manifes en implementeringsplan.
“Ek beskou die heersende traagheid asof dit NWR in ’n toestand van operasionele verlamming plaas. ’n Behoorlike strategiese ommekeer is noodsaaklik, en dit begin met deursigtigheid en verantwoordbaarheid van die raad. Versuim om hierdie bekommernisse aan te spreek, sal verdere betrokkenheid op die hoogste vlak noodsaak om die doeltreffende funksionering van NWR in ooreenstemming met nasionale verwagtinge en beleidsriglyne te verseker,” het Daniel gemaan.
Volgens die werknemers skets die minister se brief ’n skrikwekkende prentjie van growwe onbevoegdheid en openlike verset deur die NWR-raad.
“Ons, die mense wat dag in en dag uit onvermoeid werk, sien die agteruitgang eerstehands. Nou weerspieël die minister se woorde ons angs: sy is diep teleurgesteld in die raad se prestasie en die oënskynlike mislukking om sy fidusiêre en toesighoudende verantwoordelikhede uit te voer. Dit gaan nie net oor korporatiewe bestuur nie; dit gaan oor ons werk, ons pensioene en ons vermoë om ons kinders te voed,” het die groep geskryf.
“Ons moet die katastrofiese rol van die finansiële hoof in hierdie finansiële ineenstorting en die direkte impak daarvan op ons bedrywighede en gaste beklemtoon. Ons, die personeel aan die voorpunt en oordbestuurders, ly geweldig om basiese voorrade te bekom om doeltreffende diens aan ons gaste te lewer. Bestellings vir aankope, noodsaaklik vir daaglikse bedrywighede, neem weke om deur die finansiële hoof goedgekeur te word. Hierdie blatante ondoeltreffendheid beteken dat ons nie eers basiese noodsaaklikhede vir ons gaste kan verkry nie,” sê werknemers.
Hulle het gemaan die operasionele chaos, wat direk verband hou met die finansiële hoof se bottelnekke wat veroorsaak word weens gebrek aan optrede, stel nie net NWR se reputasie in gevaar nie, maar “ook die veiligheid van almal op ons eiendomme”.
NWR se waarnemende besturende direkteur Brian Masule het Donderdag by navraag vir kommentaar erken hy het die brief gesien. Volgens Masule is dit waarskynlik geskryf deur kritici wat die direksie wil verwyder. Hy het egter beklemtoon dat ’n amptelike reaksie eers uitgereik sal word sodra interne prosedures gevolg is. Masule het Vrydag nie gereageer toe hy vir verdere kommentaar gevra is nie.
Die omgewingsminister het deur haar persoonlike assistent beloof om op vrae te reageer, maar dit is teen druktyd nog nie ontvang nie.
Kommentaar
Republikein
Geen kommentaar is op hierdie artikel gelaat nie