Nuwe note, munte ’n dobbel-kopseer
Opgraderings kos duisende
Die groottte van die N$1-muntstuk is verander wat 'n direkte invloed op onder meer dobbelmasjiene het.
Chris Kaukemua
Van dobbelmasjiene tot parkeermeters en geldtelmasjiene gaan na bewering ten duurste opgradeer moet word om die Bank van Namibië (BoN) se nuwe banknoot- en muntreeks te kan hanteer. Die reeks met die nuutste sekuriteitskenmerke is in Julie bekend gestel om die 35ste bestaansjaar van die sentrale bank te herdenk en sluit onder meer ’n 20-sent-muntstuk in. ’n Opname deur Network Media Hub (NMH) in Windhoek en Rehoboth het bevind dat die sagteware vir net een dobbelmasjien om die nuwe note te herken sowat N$20 000 kan kos.
’n Eienaar van ’n dobbelhuis op Rehoboth wat verkies het om naamloos te bly, het in ’n onderhoud met NMH gesê hy besit meer as 50 dobbelmasjiene oraloor die land.
“Die sagteware vir net een masjien om die nuwe note te herken, kos ongeveer N$20 000,” het hy gesê. Dit beteken hy sal sy sak met ’n N$1 miljoen moet skud om al sy masjiene op te gradeer. Nog ’n besigheidseienaar het gesê dit sou nie so ’n groot kwessie gewees het as die bank eienaars meer tyd gegun het om die nodige aanpassings te maak nie. Volgens hom het die spoed van die uitrol van die note operateurs laat sukkel om hul masjiene vinnig genoeg aan te pas, veral omdat dit sentraal tot hul daaglikse sakebedrywighede is.
Tydens NMH se opname onder besighede in Windhoek is bevind dit is nie net eienaars van dobbelmasjien wat sal moet opgradeer nie. Outomate wat elektrisiteitseenhede, lugtydbewyse vir selfone, sowel as betaalstasies vir parkering en geldtelmasjiene sal almal aangepas moet word. Vir baie van die operateurs is daar finansiële en logistieke uitdagings, aangesien opgraderings beide sagteware- en hardeware-aanpassings vereis.
KOSTEBESPARING
By die amptelike bekendstelling van die nuwe muntstukke in Julie het BoN gesê die herontwerp gaan nie net oor sekuriteit nie, maar ook oor kostebesparing. Die bank, wat ook vroeër ’n N$60- en N$30-noot bekend gestel het, het ook die N$1-muntstuk se grootte verander wat ’n direkte invloed op dobbelmasjiene het.
“Die nuwe muntstukke is met ’n ander gevoel ontwerp om stygende muntkoste te verminder,” het BoN se direkteur van strategiese kommunikasie en internasionale betrekkinge, Kadhimbere Zemburuka, gesê.
Volgens hom het die herontwerpproses verskeie sektore onder streng bestuurstandaarde betrek.
“Die opgradering van geldeenhede is ’n wêreldwye standaard wat elke ses tot sewe jaar uitgevoer word om sekuriteit te versterk en vervalsing te bekamp,” het Zemburuka toe gesê, met Namibië se vorige herontwerp van sy munte wat in 1993 was.
Die tiensentstuk verteenwoordig mahangu vir landbou, die twintigsent beklemtoon vervaardiging, die een dollar toon ’n kleinhandelbeurs, die vyftigsent verteenwoordig toerisme, en die nuwe vyfdollarmuntstuk beeld mynbou uit. Die doel van die simboliese veranderinge is om Namibië se ekonomie en kultuur in alledaagse transaksies te weerspieël.
Operateurs is egter dit eens dat hulle swaar aan die finansiële uitdagings van opgraderings gaan dra.
“As kliënte nie kan speel nie, is dit ’n direkte verlies aan inkomste vir ons,” het een gesê. Hy het erken dat die simboliese waarde en sekuriteitsopgraderings van die note en munte Namibië op lange duur kan bevoordeel, maar dat klein en mediumgrootte besigheidseienaars onmiddellike finansiële koste in die gesig staar wat hul volhoubaarheid kan beïnvloed.
BoN het by navraag die versekering gegee dat die integrasie en opgradering van verskafferstelsels reeds onderweg is om volle versoenbaarheid van die nuwe banknote moontlik te maak. Die proses behels tegniese aanpassings en opdaterings vir verskeie masjiene en toerusting om te verseker dat dit opgegradeerde banknote akkuraat kan verifieer en uitreik.
Volgens BoN se waarnemende adjunk-direkteur vir korporatiewe kommunikasie en volhoubaarheid, Naufiku Hamunime, werk die bank nou saam met verskaffers, kommersiële banke en ander rolspelers in die kontantbedryf om die proses te bespoedig.
“Ons moedig die publiek aan om voort te gaan om beide die opgegradeerde en bestaande banknote te gebruik, aangesien alle huidige banknote steeds ’n wettige betaalmiddel is,” het Hamunime gesê. - [email protected]
Van dobbelmasjiene tot parkeermeters en geldtelmasjiene gaan na bewering ten duurste opgradeer moet word om die Bank van Namibië (BoN) se nuwe banknoot- en muntreeks te kan hanteer. Die reeks met die nuutste sekuriteitskenmerke is in Julie bekend gestel om die 35ste bestaansjaar van die sentrale bank te herdenk en sluit onder meer ’n 20-sent-muntstuk in. ’n Opname deur Network Media Hub (NMH) in Windhoek en Rehoboth het bevind dat die sagteware vir net een dobbelmasjien om die nuwe note te herken sowat N$20 000 kan kos.
’n Eienaar van ’n dobbelhuis op Rehoboth wat verkies het om naamloos te bly, het in ’n onderhoud met NMH gesê hy besit meer as 50 dobbelmasjiene oraloor die land.
“Die sagteware vir net een masjien om die nuwe note te herken, kos ongeveer N$20 000,” het hy gesê. Dit beteken hy sal sy sak met ’n N$1 miljoen moet skud om al sy masjiene op te gradeer. Nog ’n besigheidseienaar het gesê dit sou nie so ’n groot kwessie gewees het as die bank eienaars meer tyd gegun het om die nodige aanpassings te maak nie. Volgens hom het die spoed van die uitrol van die note operateurs laat sukkel om hul masjiene vinnig genoeg aan te pas, veral omdat dit sentraal tot hul daaglikse sakebedrywighede is.
Tydens NMH se opname onder besighede in Windhoek is bevind dit is nie net eienaars van dobbelmasjien wat sal moet opgradeer nie. Outomate wat elektrisiteitseenhede, lugtydbewyse vir selfone, sowel as betaalstasies vir parkering en geldtelmasjiene sal almal aangepas moet word. Vir baie van die operateurs is daar finansiële en logistieke uitdagings, aangesien opgraderings beide sagteware- en hardeware-aanpassings vereis.
KOSTEBESPARING
By die amptelike bekendstelling van die nuwe muntstukke in Julie het BoN gesê die herontwerp gaan nie net oor sekuriteit nie, maar ook oor kostebesparing. Die bank, wat ook vroeër ’n N$60- en N$30-noot bekend gestel het, het ook die N$1-muntstuk se grootte verander wat ’n direkte invloed op dobbelmasjiene het.
“Die nuwe muntstukke is met ’n ander gevoel ontwerp om stygende muntkoste te verminder,” het BoN se direkteur van strategiese kommunikasie en internasionale betrekkinge, Kadhimbere Zemburuka, gesê.
Volgens hom het die herontwerpproses verskeie sektore onder streng bestuurstandaarde betrek.
“Die opgradering van geldeenhede is ’n wêreldwye standaard wat elke ses tot sewe jaar uitgevoer word om sekuriteit te versterk en vervalsing te bekamp,” het Zemburuka toe gesê, met Namibië se vorige herontwerp van sy munte wat in 1993 was.
Die tiensentstuk verteenwoordig mahangu vir landbou, die twintigsent beklemtoon vervaardiging, die een dollar toon ’n kleinhandelbeurs, die vyftigsent verteenwoordig toerisme, en die nuwe vyfdollarmuntstuk beeld mynbou uit. Die doel van die simboliese veranderinge is om Namibië se ekonomie en kultuur in alledaagse transaksies te weerspieël.
Operateurs is egter dit eens dat hulle swaar aan die finansiële uitdagings van opgraderings gaan dra.
“As kliënte nie kan speel nie, is dit ’n direkte verlies aan inkomste vir ons,” het een gesê. Hy het erken dat die simboliese waarde en sekuriteitsopgraderings van die note en munte Namibië op lange duur kan bevoordeel, maar dat klein en mediumgrootte besigheidseienaars onmiddellike finansiële koste in die gesig staar wat hul volhoubaarheid kan beïnvloed.
BoN het by navraag die versekering gegee dat die integrasie en opgradering van verskafferstelsels reeds onderweg is om volle versoenbaarheid van die nuwe banknote moontlik te maak. Die proses behels tegniese aanpassings en opdaterings vir verskeie masjiene en toerusting om te verseker dat dit opgegradeerde banknote akkuraat kan verifieer en uitreik.
Volgens BoN se waarnemende adjunk-direkteur vir korporatiewe kommunikasie en volhoubaarheid, Naufiku Hamunime, werk die bank nou saam met verskaffers, kommersiële banke en ander rolspelers in die kontantbedryf om die proses te bespoedig.
“Ons moedig die publiek aan om voort te gaan om beide die opgegradeerde en bestaande banknote te gebruik, aangesien alle huidige banknote steeds ’n wettige betaalmiddel is,” het Hamunime gesê. - [email protected]
Kommentaar
Republikein
Geen kommentaar is op hierdie artikel gelaat nie