Nuwe media-ombudsman gekies

Dr. Sadrag Panduleni Shihomeka is as die nuwe media-ombudsman vir ’n termyn van drie jaar gekies. Hy volg dr. John Nakuta op wie se ampstermyn van sowat agt jaar op 30 Junie ten einde geloop het.Shihomeka is ’n senior dosent in joernalistiek en mediategnologie aan die Universiteit van Wetenskap, Kuns en Tegnologie (Nust) en gee ook klas in korporatiewe openbare betrekkinge.Toivo Ndjebela, Namibian Sun se redakteur, is as voorsitter van die Redakteursforum van Namibië (EFN) verkies en volg Frank Steffen op. Ndjebela bring 19 jaar se ondervinding in joernalistiek na sy nuwe rol en sal ondersteun word deur Ester Mbathera, die nuusredakteur van The Namibian, wat as visevoorsitter gekies is.Die EFN se nuwe uitvoerende komitee wat vanaf 23 Julie vanjaar tot 22 Julie 2027 in die amp sal wees, sluit in Jeaneth Haipare, digitale nuusredakteur by die nasionale uitsaaier (NBC) wat as tesourier verkies is en Gerald Johr, die algemene bestuurder by Energy 100 FM wat as bykomende uitvoerende lid by die komitee aansluit.Selma Ikela bly in haar pos as sekretaris-generaal en verskaf strategiese en administratiewe ondersteuning aan die forum, terwyl Elizabeth Kalambo M’ule steeds die amp volstaan as die EFN se koördineerder.Tydens ’n onlangse spesiale algemene vergadering wat in opvolg op die EFN se jaarlikse algemene vergadering op 27 Junie plaasgevind het, het die forum ook die aanstelling van agt paneellede tot die komitee vir mediaklagtes (MCC) aangekondig.Die komitee wat openbare klagtes teen die media beslis, sluit ’n gelyke aantal verteenwoordigers van die openbare en mediasektor in. Maria Uushona, prof. Johan Coetzee, Naita Hishoono en Shoki Kandjimi verteenwoordig Jan Publiek. Die paneellede bring uiteenlopende kundigheid uit die burgerlike samelewing, akademie en openbare dienste.Die media word verteenwoordig deur Lazarus Amukeshe, Lischen Khachas, Shelleygan Petersen en Penda Jonas Hashoongo, elkeen kundiges met ’n sterk agtergrond in joernalistiek en mediapraktyk. Hul deelname verseker dat die bedryf se perspektief in die komitee se werk verteenwoordig word.– republikein@republikein.com.na

Nuwe media-ombudsman gekies

Kommentaar

Republikein 2025-12-19

Meld asseblief aan om kommentaar te lewer

Nuwe media-ombudsman gekies

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.