Nuwe klaskamers vir ||Kharas-skole
Verligting vir leerlinge
Die projek van N$9 miljoen het ten doel om die druk van oorvol klaskamers by verskeie skole te verminder.
Die konstruksie van nuwe klaskamers by die Primêre Skool Ambrosius Amutenya het geleenthede geskep en toegang tot gehalte-onderwys vir meer leerlinge op Oranjemund verbeter. Twee geboue met vier klaskamers en ablusiegeriewe is by die skool gebou.
Daarbenewens is ’n gebou met drie klaskamers by die Primêre Skool Keetmanshoop gebou asook ’n gebou met drie klaskamers by Keetmanshoop Sekondêr en ’n gebou met vyf klaskamers by die Kaitsi !Gubeb Gekombineerde Skool.
Die projek, wat na raming N$9 miljoen kos, vorm deel van die regering se pogings om die druk van oorvol klaskamers in skole oraloor die ||Kharasstreek te verlig.
“Ons nuwe klaskamers is werklik ’n seën. Ons het baie uitdagings met infrastruktuur gehad sedert die skool, wat die eerste staatskool is wat hier gevestig is, in 2014 met 216 leerlinge geopen het,” het Mara Beukes, die skoolhoof van die Primêre Skool Ambrosius Amutenya, gesê.
“Oor die jare het ons gebruik gemaak van geboue wat deur Namdeb beskikbaar gestel is en ons is baie dankbaar vir die hulp wat ons ontvang het. Ons huisves tans 835 leerlinge,” het sy bygevoeg.
Die skool se bestuur het die streekonderwyskantoor in 2023 in kennis gestel dat hulle ’n ernstige behoefte aan bykomende klaskamers het as gevolg van ’n toestroming van kinders wat saam met hul ouers op Oranjemund aankom.
“Ons sou nie al die kinders kon akkommodeer sonder die ekstra klaskamers nie en ons het op die noodlys vir klaskamerbouprojekte landswyd beland,” het Beukes verduidelik.
As deel van die projek het dié skool in 2023 agt nuwe klaskamers met stoorkamers ontvang.
“Dit het ons in staat gestel om sommige klasse na die nuutgeboude kampus te skuif, geleë op ’n erf wat aan die skool toegeken is,” het Beukes gesê.
VOLGENDE FASE
Die skool is weer in 2024 by die projek ingesluit en het agt bykomende klaskamers ontvang.
“Ons was gelukkig. Dit het ons toegelaat om ons junior primêre afdeling van die huidige perseel na wat ons die nuwe skool noem, te verskuif.
“Toe ons ons toelatings vir 2026 oopgemaak het, het baie mense navraag gedoen oor die beskikbaarheid van plek.
“As die enigste staat- en primêre skool op Oranjemund, moet ons voorsiening maak vir alle kinders,” het Beukes beklemtoon.
Verteenwoordigers van die streekonderwyskantoor, vergesel deur ’n kontrakteur, het glo onlangs die skool besoek en bevestig dat die regering beplan om ’n kantoorgebou, vier bykomende klaskamers, ’n wetenskaplaboratorium, ’n rekenaarlaboratorium en ’n biblioteek te bou.
“Ons is oorweldig met vreugde en dankbaarheid. Dit sou ideaal wees om ’n volwaardige skool op die nuwe perseel te hê.
“Wanneer projekte soos hierdie plaasvind, raak die hele skoolgemeenskap – leerlinge, ouers en onderwysers – betrokke.
“Ons help waar ons kan om dit ’n sukses te maak en ons is baie opgewonde oor die volgende fase wat op die punt staan om by ons skool te ontvou,” het Beukes gesê.
– [email protected]
Daarbenewens is ’n gebou met drie klaskamers by die Primêre Skool Keetmanshoop gebou asook ’n gebou met drie klaskamers by Keetmanshoop Sekondêr en ’n gebou met vyf klaskamers by die Kaitsi !Gubeb Gekombineerde Skool.
Die projek, wat na raming N$9 miljoen kos, vorm deel van die regering se pogings om die druk van oorvol klaskamers in skole oraloor die ||Kharasstreek te verlig.
“Ons nuwe klaskamers is werklik ’n seën. Ons het baie uitdagings met infrastruktuur gehad sedert die skool, wat die eerste staatskool is wat hier gevestig is, in 2014 met 216 leerlinge geopen het,” het Mara Beukes, die skoolhoof van die Primêre Skool Ambrosius Amutenya, gesê.
“Oor die jare het ons gebruik gemaak van geboue wat deur Namdeb beskikbaar gestel is en ons is baie dankbaar vir die hulp wat ons ontvang het. Ons huisves tans 835 leerlinge,” het sy bygevoeg.
Die skool se bestuur het die streekonderwyskantoor in 2023 in kennis gestel dat hulle ’n ernstige behoefte aan bykomende klaskamers het as gevolg van ’n toestroming van kinders wat saam met hul ouers op Oranjemund aankom.
“Ons sou nie al die kinders kon akkommodeer sonder die ekstra klaskamers nie en ons het op die noodlys vir klaskamerbouprojekte landswyd beland,” het Beukes verduidelik.
As deel van die projek het dié skool in 2023 agt nuwe klaskamers met stoorkamers ontvang.
“Dit het ons in staat gestel om sommige klasse na die nuutgeboude kampus te skuif, geleë op ’n erf wat aan die skool toegeken is,” het Beukes gesê.
VOLGENDE FASE
Die skool is weer in 2024 by die projek ingesluit en het agt bykomende klaskamers ontvang.
“Ons was gelukkig. Dit het ons toegelaat om ons junior primêre afdeling van die huidige perseel na wat ons die nuwe skool noem, te verskuif.
“Toe ons ons toelatings vir 2026 oopgemaak het, het baie mense navraag gedoen oor die beskikbaarheid van plek.
“As die enigste staat- en primêre skool op Oranjemund, moet ons voorsiening maak vir alle kinders,” het Beukes beklemtoon.
Verteenwoordigers van die streekonderwyskantoor, vergesel deur ’n kontrakteur, het glo onlangs die skool besoek en bevestig dat die regering beplan om ’n kantoorgebou, vier bykomende klaskamers, ’n wetenskaplaboratorium, ’n rekenaarlaboratorium en ’n biblioteek te bou.
“Ons is oorweldig met vreugde en dankbaarheid. Dit sou ideaal wees om ’n volwaardige skool op die nuwe perseel te hê.
“Wanneer projekte soos hierdie plaasvind, raak die hele skoolgemeenskap – leerlinge, ouers en onderwysers – betrokke.
“Ons help waar ons kan om dit ’n sukses te maak en ons is baie opgewonde oor die volgende fase wat op die punt staan om by ons skool te ontvou,” het Beukes gesê.
– [email protected]
Kommentaar
Republikein
Geen kommentaar is op hierdie artikel gelaat nie