Nostalgie vars uit die oond

Namib Mills het onlangs ’n vennootskap met Warner Bros. Discovery Global Consumer Products aangekondig om die ikoniese kat-en-muis-paar, Tom and Jerry, op die verpakking van sy langlewe Bakpro-brood aan te bring.“Ons is verheug om met Warner Bros. Discovery Global Consumer Products ’n vennootskap te sluit en die ondeunde sjarme van Tom en Jerry by ons verpakking te voeg,” het die Namib Mills-groep se uitvoerende hoof, Ian Collard, gesê. “Hierdie samewerking is ’n viering van lag, vreugde en goeie kos, terwyl ons mikpunt is om onvergeetlike oomblikke vir ons kliënte te skep deur hierdie spesiale verpakking,” het hy bygevoeg. Dié verpakking sal vir ’n beperkte tyd beskikbaar wees en beoog volgens ’n verklaring deur Namib Mills om die verhouding tussen geliefde herinneringe uit ons kinderdae en die eenvoudige plesier van vars, langlewe Bakpro-brood te verenig. “Met hul tydlose sjarme en komediese manewales sal Tom en Jerry Bakpro-brood se toewyding tot die lewering van voedsame en heerlike broodprodukte aan huishoudings landswyd komplementeer,” het Namib Mills in sy verklaring gesê.Aanhangers van Tom and Jerry sal ook opwindende pryse kan losslaan met kompetisies wat gereeld op Bakpro se sosialemediaplatforms aangebied sal word. Hierdie pryse sluit ook kaartjies vir ’n spesiale Tom and Jerry-vertoning in.

Nostalgie vars uit die oond

Kommentaar

Republikein 2025-05-01

Meld asseblief aan om kommentaar te lewer

Nostalgie vars uit die oond

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie