Noordeboere wil 'grondgrypers' ontmasker

Die Okashana Gemeenskaplike Veewagters van die Okashana kUukongo waNehale-gebied in die Oshikotostreek het bewyse van grondtoekennings van die Ondonga Tradisionele Owerheid (OTA) geëis te midde van toenemende kommer oor onwettige omheining en grondgrype deur vooraanstaande politici en tradisionele leiers.Hulle het ook geëis dat die identiteit van hierdie politici en prominente mense bekend gemaak word.In ’n brief wat hul prokureur Florian Beukes van Metcalfe Beukes Attorneys namens hulle gerig het, beweer die boere dat aansienlike gedeeltes van hierdie grond reeds toegeëien is en dit hulle ernstig geraak het.Die brief aan John Walenga, die OTA se voorsitter, is op 11 Desember geskryf en hulle is gevra om binne 21 werksdae te reageer.“Sulke toekennings is gedoen sonder konsultasie met die geraakte gemeenskappe. Ons kliënte word ontneem van die gebruik van gemeenskaplike grond wat noodsaaklik is vir hul lewensbestaan.“Veral die ongemagtigde heining het kritieke toegang tot waterbronne, weidingspaaie en beesposte belemmer. Die heining dwing vee in gevaarlike toestande in, insluitend hoofpaaie waar ongelukke plaasgevind het, wat ons kliënte nadelig beïnvloed,” het Beukes gesê.In die brief het die boere gedetailleerde inligting geëis oor die regte wat in ooreenstemming met die wet op kommunale grondhervorming toegeken is, insluitend die identiteite van die begunstigdes.“Ons versoek met respek die volgende, die spesifieke regte wat toegeken is en die besonderhede van elke toekenning.“Verskaf asseblief die besonderhede van die individue aan wie hierdie regte toegeken is, saam met afskrifte van die aansoeke en ooreenstemmende goedkeurings,” lui die brief.Die boere het ook ’n opvolgbrief aan die Oshikoto Kommunale Grondraad geskryf wat hulle in ’n brief gedateer 20 September 2024 ingelig het dat voorlopige ondersoeke onderneem sal word.“Ons soek ’n opdatering oor die vordering wat met die ondersoek gemaak is.“Verder, om ons te help om ons kliënte se bekommernisse doeltreffend aan te spreek, sal ons u antwoorde op die volgende vrae en versoekte inligting en dokumentasie waardeer: Volgens u rekords, wat is die spesifieke grondtoekennings en/of regte toegeken ingevolge die kommunale grondhervorming binne die kommunale weiveld?“Verskaf asseblief die besonderhede van die individue aan wie hierdie regte toegeken is, saam met afskrifte van die aansoeke en ooreenstemmende goedkeurings.”Walenga het bevestig dat hy die brief ontvang het en hul prokureurs opdrag gegee om daarop te reageer. Hy het egter gesê die eise wat die boere gemaak het niks nuuts is nie en hulle daarop gereageer het in ’n mediakonferensie wat verlede jaar gehou is.“Maar aangesien hulle prokureurs is, kan hulle net ’n antwoord van prokureurs kry,” het hy gesê.Tydens die mediakonferensie het die OTA die gedrag van enige individu of groep individue binne die Ondonga-gemeenskap veroordeel wat die reg in eie hande neem.– jemima@nmh-hub.com.na

Noordeboere wil 'grondgrypers' ontmasker

Kommentaar

Republikein 2025-11-03

Meld asseblief aan om kommentaar te lewer

Noordeboere wil 'grondgrypers' ontmasker

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.