Noodsentrum moet ongelukke briek

Die munisipaliteit van Otjiwarongo het ’n potensiële perseel vir ’n sentrum vir noodreaksie- en verkeersbestuur geïdentifiseer as deel van planne om dié dorp se reaksie op padongelukke en ander noodgevalle te verbeter.Die munisipaliteit het gesê amptenare se gesprekke fokus op die identifisering van ’n geskikte perseel vir die voorgestelde geriewe, asook die vereistes waaraan die sentrum moet voldoen.Volgens ’n dokument wat deur Republikein gesien is, sal die voorgestelde Otjiwarongo-sentrum vir noodreaksie- en verkeersbestuur (OERTMC) ontwikkel word deur middel van ’n vennootskap tussen die munisipaliteit en die Nasionale Padveiligheidsraad (NRSC).Die munisipaliteit sê die toenemende voorkoms en erns van padongelukke, vertraagde noodreaksie, stygende verkeersvolumes, verkeersopeenhopings en die vervoer van gevaarlike goedere langs die nasionale B1-hoofpad vereis ’n gekoördineerde reaksie.GESAMENTLIKE OPERASIEDie voorgestelde sentrum sal funksies vir noodreaksie- en verkeersbestuur kombineer en tegnologie gebruik om die monitering en koördinering van voorvalle te verbeter.Dit sal geslotekringtelevisie (CCTV)-kameras, die outomatiese identifisering van nommerplate, intelligente vervoerstelsels, voorvalbestuurstelsels, noodkommunikasie en tegnologieë vir die monitering van verkeer insluit.Die sentrum sal ook data en ontledings oor padveiligheid gebruik om verkeersbestuur en ingrypings vir padveiligheid te ondersteun.Die munisipaliteit en NRSC sal gesamentlik uitvoerbaarheid- en tegniese studies onderneem, ’n implementeringspadkaart opstel en befondsing en tegniese bystand vir die projek identifiseer.Die munisipaliteit sê die voorgestelde memorandum van ooreenkoms hou in hierdie stadium geen negatiewe finansiële implikasies vir die raad in nie.Die munisipaliteit se besprekings oor die potensiële perseel is steeds aan die gang, insluitend die assessering van die vereistes vir die voorgestelde geriewe. – phillipus@nmh-hub.com.na

Noodsentrum moet ongelukke briek

Kommentaar

Republikein 2026-09-24

Meld asseblief aan om kommentaar te lewer

Noodsentrum moet ongelukke briek

Kommentaar

Republikein 2026-09-24

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.