Nog lande kwalifiseer vir visums met aankoms
Aanlyn aansoeke aangemoedig
Altesaam 36 lande se burgers sal voortaan visums met hul aankoms in Namibië kan kry.
Daar word stappe gedoen om aanlyn aansoeke aan te moedig en derhalwe die tarief vir papierstelsel-aansoeke vir visums te verhoog.
“Die veranderings weerspieël Namibië se verbintenis tot deursigtigheid, diplomatieke welwillendheid en internasionale samewerking,” het die ministerie van binnelandse sake, immigrasie, veiligheid en sekuriteit in ’n mediaverklaring gesê.
Die ministerie het bekend gemaak die kabinet het die lys van 36 lande wat voortaan sal kwalifiseer vir visums met hul aankoms, goedgekeur en dat daar nog geen vaste datum vir die bogenoemde prysverhoging is nie.
“Ons nooi burgers van hierdie lande om ons e-diensteportaal te besoek en aansoek te doen vir hul visums met aankoms. Handmatige aansoeke word ontmoedig aangesien dit vertragings veroorsaak. In lyn met pogings om handmatige aansoeke te ontmoedig en grensdoeltreffendheid te verbeter, het die kabinet ’n bykomende heffing van N$400 vir handmatige aansoeke vir visums met aankoms goedgekeur,” lui die verklaring.
Die nuwe bedrag vir die aansoek van die papierstelsel-visum met aankoms sal dus N$2 000 beloop. Die ministerie maan egter die prysverhoging is nog nie van krag nie en dat die proses steeds voortduur. “Die implementeringsdatum vir die nuwe tariewe sal mettertyd aangekondig word, siende dat interne prosesse eers afgehandel moet word. Wanneer die tariewe in die Staatskoerant gepubliseer word, sal die publiek in kennis gestel word.”
VISUMVRYE AFRIKA
Die ministerie se aankondiging kom te midde van ’n veldtog gelei deur die voormalige Ghanese parlementslid, Ras Mubarak, en sy span van vyf wat tot Saterdag op besoek in Windhoek sal wees. Hierdie veldtog, waarvoor Mubarak en sy span na verwagting deur 39 Afrikalande sal reis, eis ’n visumvrye Afrika.
Hulle het reeds in Togo, Benin, Nigerië, Kameroen, Ekwatoriaal-Guinee, Republiek die Kongo, die Demokratiese Republiek die Kongo en Angola briewe oorhandig waarin hulle versoek vir ’n visumvrye Afrika.
– [email protected]
Daar word stappe gedoen om aanlyn aansoeke aan te moedig en derhalwe die tarief vir papierstelsel-aansoeke vir visums te verhoog.
“Die veranderings weerspieël Namibië se verbintenis tot deursigtigheid, diplomatieke welwillendheid en internasionale samewerking,” het die ministerie van binnelandse sake, immigrasie, veiligheid en sekuriteit in ’n mediaverklaring gesê.
Die ministerie het bekend gemaak die kabinet het die lys van 36 lande wat voortaan sal kwalifiseer vir visums met hul aankoms, goedgekeur en dat daar nog geen vaste datum vir die bogenoemde prysverhoging is nie.
“Ons nooi burgers van hierdie lande om ons e-diensteportaal te besoek en aansoek te doen vir hul visums met aankoms. Handmatige aansoeke word ontmoedig aangesien dit vertragings veroorsaak. In lyn met pogings om handmatige aansoeke te ontmoedig en grensdoeltreffendheid te verbeter, het die kabinet ’n bykomende heffing van N$400 vir handmatige aansoeke vir visums met aankoms goedgekeur,” lui die verklaring.
Die nuwe bedrag vir die aansoek van die papierstelsel-visum met aankoms sal dus N$2 000 beloop. Die ministerie maan egter die prysverhoging is nog nie van krag nie en dat die proses steeds voortduur. “Die implementeringsdatum vir die nuwe tariewe sal mettertyd aangekondig word, siende dat interne prosesse eers afgehandel moet word. Wanneer die tariewe in die Staatskoerant gepubliseer word, sal die publiek in kennis gestel word.”
VISUMVRYE AFRIKA
Die ministerie se aankondiging kom te midde van ’n veldtog gelei deur die voormalige Ghanese parlementslid, Ras Mubarak, en sy span van vyf wat tot Saterdag op besoek in Windhoek sal wees. Hierdie veldtog, waarvoor Mubarak en sy span na verwagting deur 39 Afrikalande sal reis, eis ’n visumvrye Afrika.
Hulle het reeds in Togo, Benin, Nigerië, Kameroen, Ekwatoriaal-Guinee, Republiek die Kongo, die Demokratiese Republiek die Kongo en Angola briewe oorhandig waarin hulle versoek vir ’n visumvrye Afrika.
– [email protected]
Kommentaar
Republikein
Geen kommentaar is op hierdie artikel gelaat nie