Namcor faal in aansoek om summiere vonnis
Regter George Coleman lewer uitspraak
Nadat Shared Advertising cc in 2014 glo nie vir produkte betaal het nie en daarna nie die skikkingsooreenkoms met Namcor nagekom het nie, is die maatskappy weer hof toe gesleep.
Kristien Kruger
Namcor Petroleum Trading and Distribution (Pty) Ltd se aansoek om ’n summiere vonnis teen Shared Advertising cc t/a Shared Petroleum is vandeesweek in die hoërhof in Windhoek van die hand gewys.
’n Summiere vonnis kan toegestaan word voordat ’n verhoor plaasgevind het indien die hof beslis ’n party het geen vooruitsig om ’n eis suksesvol te vervolg of te verdedig nie. In hierdie geval het regter George Coleman Dinsdag Namcor se aansoek verwerp.
Die saak spruit uit ’n skriftelike ooreenkoms wat op 5 September 2014 tussen Namcor en Shared Advertising aangegaan is vir die verskaffing van petroleumprodukte.
Namcor het in November 2019 ’n aksie teen Shared Advertising by die hoërhof in Windhoek ingestel vir die betaling van N$60,4 miljoen aangesien hulle glo kontrakbreuk gepleeg het deur te versuim om vir sommige van die produkte wat Namcor aan hul gelewer het, te betaal.
In November 2019 het die partye ’n skikkingsooreenkoms aangegaan.
“In wese het Shared Advertising ingestem om sy rekening met Namcor vanaf Desember 2019 te vereffen deur maandelikse paaiemente van N$500 000 te betaal totdat Shared Advertising ’n bedrag van N$18,3 miljoen betaal het. Sodra hierdie betaling gemaak is, sou Shared Advertising sy maandelikse paaiemente tot N$1 miljoen verhoog. Shared Advertising het ook ingestem tot ’n vooruitbetaling van N$2 miljoen.”
Die skikkingsooreenkoms is op 6 Julie 2020 ’n hofbevel gemaak en die saak is van die rol geskrap.
Op 25 November 2021 het Namcor weer ’n dagvaarding teen Shared Advertising uitgereik, dié keer vir die betaling van sowat N$50,2 miljoen. Dit is die saak wat nou voor Coleman aangehoor word.
Namcor beweer Shared Advertising het versuim om die maandelikse paaiemente van N$500 000 en die voorafbetaling van N$2 miljoen te eerbiedig, soos in die skikkingsooreenkoms gestipuleer word.
Hulle het daarom vir ’n summiere vonnis aansoek gedoen voordat die verhoor nog begin het, maar het ’n bloutjie geloop.
– [email protected]
Namcor Petroleum Trading and Distribution (Pty) Ltd se aansoek om ’n summiere vonnis teen Shared Advertising cc t/a Shared Petroleum is vandeesweek in die hoërhof in Windhoek van die hand gewys.
’n Summiere vonnis kan toegestaan word voordat ’n verhoor plaasgevind het indien die hof beslis ’n party het geen vooruitsig om ’n eis suksesvol te vervolg of te verdedig nie. In hierdie geval het regter George Coleman Dinsdag Namcor se aansoek verwerp.
Die saak spruit uit ’n skriftelike ooreenkoms wat op 5 September 2014 tussen Namcor en Shared Advertising aangegaan is vir die verskaffing van petroleumprodukte.
Namcor het in November 2019 ’n aksie teen Shared Advertising by die hoërhof in Windhoek ingestel vir die betaling van N$60,4 miljoen aangesien hulle glo kontrakbreuk gepleeg het deur te versuim om vir sommige van die produkte wat Namcor aan hul gelewer het, te betaal.
In November 2019 het die partye ’n skikkingsooreenkoms aangegaan.
“In wese het Shared Advertising ingestem om sy rekening met Namcor vanaf Desember 2019 te vereffen deur maandelikse paaiemente van N$500 000 te betaal totdat Shared Advertising ’n bedrag van N$18,3 miljoen betaal het. Sodra hierdie betaling gemaak is, sou Shared Advertising sy maandelikse paaiemente tot N$1 miljoen verhoog. Shared Advertising het ook ingestem tot ’n vooruitbetaling van N$2 miljoen.”
Die skikkingsooreenkoms is op 6 Julie 2020 ’n hofbevel gemaak en die saak is van die rol geskrap.
Op 25 November 2021 het Namcor weer ’n dagvaarding teen Shared Advertising uitgereik, dié keer vir die betaling van sowat N$50,2 miljoen. Dit is die saak wat nou voor Coleman aangehoor word.
Namcor beweer Shared Advertising het versuim om die maandelikse paaiemente van N$500 000 en die voorafbetaling van N$2 miljoen te eerbiedig, soos in die skikkingsooreenkoms gestipuleer word.
Hulle het daarom vir ’n summiere vonnis aansoek gedoen voordat die verhoor nog begin het, maar het ’n bloutjie geloop.
– [email protected]
Kommentaar
Republikein
Geen kommentaar is op hierdie artikel gelaat nie