N$38,42 om ’n leerling aan internet te verbind

Die Eduvision-projek verbind tans 12 400 leerlinge aan die internet teen ’n koste van N$38,42 per leerling per maand.Die uitvoerende voorsitter van die Paratus-groep, Barney Harmse, sê egter die koste van dié projek kan met tweederdes verminder word as sateliet-gebaseerde internet gebruik word.Bogenoemde koste is bykomend tot installasiekoste van ongeveer N$120 000 en infrastruktuur wat nie deur Eduvision verskaf word nie.“Die basiese struktuur moet daar wees – vier mure en krag. Die struktuur sal gewoonlik deur die ministerie gebou word en die rekenaars moet deur ’n derde party verskaf word,” sê hy.“Die afstande na die afgeleë skole is ’n uitdaging vir ons. Ons het ’n span wat elke maand 9 000 kilometer oor die land reis om instandhoudingswerk te doen en skole aan die internet gekoppel te hou.“Die koste verbonde aan VSAT-tegnologie is ook redelik hoog. Internetdienste wat deur satelliete in lae wentelbane aangebied word (LEO’s), is goedkoper en sou die koste verlaag,” sê Harmse.Tans is daar geen LEO-verskaffer wat gemagtig is om sy dienste in Namibië aan te bied nie. Vier plaaslike ondernemings het onlangs openbare voorleggings gedoen om mee te ding vir spektrum om die LEO-diensverskaffer, OneWeb, se diens in Namibië te kan verskaf.Dít terwyl Paratus ’n gemagtigde herverkoper vir Starlink in Afrika is.Aangaande sy verkose LEO-verskaffer vir die Eduvision-projek, het Harmse gesê: “Soos ek dit sien, is OneWeb meer gemik op die gebruiker en die sakeondernemings se kant van die besigheid en Starlink is meer haalbaar vir diegene met kleiner begrotings, so die verskil is in die begroting.”Tans het Eduvision 21 skole aan die internet verbind, maar Harmse sê hierdie projek mik om 50 skole onder sy vaandel te verbind.TEGNOLOGIEAs deel van sy pakket installeer Eduvision ’n slimbord (elektroniese witbord), ’n kamera en ’n mikrofoon.Met hierdie tegnologie kan onderwysers verskeie klasse gelyktydig onderrig. Alle lesse word opgeneem en kan na die tyd deur leerlinge hersien word.“’n Onderwyser kan in Ongwediva wees en vir drie klasse gelyktydig in Schlip, Tses en elders anders les gee.“Die onderwyser kan een van die kinders vra om iets voor op die bord te gaan skryf en dit wat die leerling skryf, verskyn dan ook op die onderwyser se bord,” verduidelik Harmse.Dié projek word deur verskeie besighede ondersteun insluitend Hollard, Gondwana, die Capricorn-groep en Cirrus Capital.Kyk ’n video van Barney Harmse hier:– irene-mari@nmh-hub.com.na

N$38,42 om ’n leerling aan internet te verbind

Kommentaar

Republikein 2025-12-17

Meld asseblief aan om kommentaar te lewer

N$38,42 om ’n leerling aan internet te verbind

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.