Moderne masjien hupstoot vir traumasorg
Elizabeth Kheibes
’n Moderne Lodox X-straalmasjien vir vollengte X-strale en met ’n waarde van N$13,2 miljoen is aan die ministerie van gesondheid en maatskaplike dienste oorhandig om Namibië se kapasiteit vir nood en -traumasorg te versterk.
Die oorhandiging dui op ’n belangrike stap vorentoe in die land se nood- en traumasorgkapasiteit aandui.
Die masjien wat deur die Motorvoertuigongelukfonds (MVAF) oorhandig is, sal diens verrig by die Katutura-staatshospitaal, die land se besigste noodgeriewe wat meer as 4 600 pasiënte per maand hanteer.
Die fonds se uitvoerende hoof Rosalia Martins-Hausiku het tydens die oorhandiging gesê die belegging is meer as net toerusting en simboliseer ook sorg, empatie en die strewe na uitkomste in gehalte-gesondheidsorg.
Die Lodox-stelsel, die eerste van sy soort in die staat se gesondheidsgeriewe, sal volgens Martins-Hausiku die spoed en akkuraatheid van traumadiagnoses verander.
“Dit verskaf ’n hoë-kwaliteit, vollengte skandering in net 13 sekondes, selfs vir swanger pasiënte en verminder sodoende breuke en verskuilde beserings wat gemis kon word. Hierdie tegnologie sal kosbare tyd spaar en saam met dit baie lewens,” het Martins-Hausiku gesê.
PRIORITEITE
Die gesondheidsminister, dr. Esperance Luvindao, het dit as ’n sprong vorentoe beskryf in die versterking van noodmediesedienste en die ondersteuning van nasionale gesondheidsdoelwitte.
“Hierdie masjien versinnebeeld ons toewyding tot ons beleid om lewens te red. Dit stel ons dokters in staat om vinnig en met presisie op te tree in situasies waar elke sekonde tel,” het sy gesê.
Luvindao het ook verwys na die hoë las van traumagevalle in Namibië en veral weens padongelukke, met gevorderde diagnostiese toerusting wat kritiek is om betyds op te tree.
“In traumasorg is tyd belangrik,” het sy beklemtoon. “Hoe vinniger ons diagnoseer, hoe vinniger ons behandel, hoe meer lewens kan ons red.” Die oorhandiging is volgens die fonds deel van sy breër strategie om Namibië se infrastruktuur vir traumasorg deur middel van strategiese openbare vennootskappe te versterk.
Die MVAF het vroeër ook met Standard Bank Namibia saamgewerk om die Katutura-hospitaal se noodeenheid teen ’n koste van N$12,6 miljoen op te knap.
“Vennootskappe tussen staatsinstellings en openbare instellings is noodsaaklik om volhoubare gesondheidsorgoplossings te bied,” het Martins-Hausiku beklemtoon.
“Saam kan ons openbare vertroue in ons hospitale versterk en gelyke toegang tot kwaliteit sorg verseker.”
- [email protected]
’n Moderne Lodox X-straalmasjien vir vollengte X-strale en met ’n waarde van N$13,2 miljoen is aan die ministerie van gesondheid en maatskaplike dienste oorhandig om Namibië se kapasiteit vir nood en -traumasorg te versterk.
Die oorhandiging dui op ’n belangrike stap vorentoe in die land se nood- en traumasorgkapasiteit aandui.
Die masjien wat deur die Motorvoertuigongelukfonds (MVAF) oorhandig is, sal diens verrig by die Katutura-staatshospitaal, die land se besigste noodgeriewe wat meer as 4 600 pasiënte per maand hanteer.
Die fonds se uitvoerende hoof Rosalia Martins-Hausiku het tydens die oorhandiging gesê die belegging is meer as net toerusting en simboliseer ook sorg, empatie en die strewe na uitkomste in gehalte-gesondheidsorg.
Die Lodox-stelsel, die eerste van sy soort in die staat se gesondheidsgeriewe, sal volgens Martins-Hausiku die spoed en akkuraatheid van traumadiagnoses verander.
“Dit verskaf ’n hoë-kwaliteit, vollengte skandering in net 13 sekondes, selfs vir swanger pasiënte en verminder sodoende breuke en verskuilde beserings wat gemis kon word. Hierdie tegnologie sal kosbare tyd spaar en saam met dit baie lewens,” het Martins-Hausiku gesê.
PRIORITEITE
Die gesondheidsminister, dr. Esperance Luvindao, het dit as ’n sprong vorentoe beskryf in die versterking van noodmediesedienste en die ondersteuning van nasionale gesondheidsdoelwitte.
“Hierdie masjien versinnebeeld ons toewyding tot ons beleid om lewens te red. Dit stel ons dokters in staat om vinnig en met presisie op te tree in situasies waar elke sekonde tel,” het sy gesê.
Luvindao het ook verwys na die hoë las van traumagevalle in Namibië en veral weens padongelukke, met gevorderde diagnostiese toerusting wat kritiek is om betyds op te tree.
“In traumasorg is tyd belangrik,” het sy beklemtoon. “Hoe vinniger ons diagnoseer, hoe vinniger ons behandel, hoe meer lewens kan ons red.” Die oorhandiging is volgens die fonds deel van sy breër strategie om Namibië se infrastruktuur vir traumasorg deur middel van strategiese openbare vennootskappe te versterk.
Die MVAF het vroeër ook met Standard Bank Namibia saamgewerk om die Katutura-hospitaal se noodeenheid teen ’n koste van N$12,6 miljoen op te knap.
“Vennootskappe tussen staatsinstellings en openbare instellings is noodsaaklik om volhoubare gesondheidsorgoplossings te bied,” het Martins-Hausiku beklemtoon.
“Saam kan ons openbare vertroue in ons hospitale versterk en gelyke toegang tot kwaliteit sorg verseker.”
- [email protected]
Kommentaar
Republikein
Geen kommentaar is op hierdie artikel gelaat nie