Ministerie betaal vir beweerde nalatigheid
Vroeggebore baba sterf
’n Vrou wat na bewering vir drie dae in kraam gelaat is en uiteindelik aan ’n vroeggebore baba geboorte geskenk het in die Otjiwarongo-staatshospitaal, gaan N$150 000 in ’n skikkingsooreenkoms vir mediese nalatigheid ontvang.
Die vrou wat die ministerie van gesondheid en maatskaplike dienste vir N$1,2 miljoen gedagvaar het, se babadogtertjie is in Januarie 2023 in dié hospitaal gebore.
Volgens hofdokumente wat by die hoërhof in Windhoek ingedien is, het sy beweer verpleegpersoneel by die hospitaal het nie voldoende mediese hulp aan haar verleen nie. Dit ten spyte daarvan dat sy op 29 Januarie 2023 met erge kraampyne by die hospitaal aangemeld het.Sy het uiteindelik op 31 Januarie 2023 geboorte geskenk, maar haar baba is vroeggebore en het swak kliniese tekens soos polsslag by geboorte getoon.
Volgens die ministerie se beëdigde verklaring wat deel van die hofdokumente uitmaak, was die pasgebore baba se Apgar-telling – ’n vinnige toets wat gebruik word om ’n baba se asemhaling, hartklop en algemene gesondheid onmiddellik ná geboorte te bepaal – laag.
Mediese personeel het egter glo vinnig opgetree, en die baba se toestand het tydelik verbeter voordat dit weer versleg het terwyl sy in ’n broeikas was. Die babadogtertjie het later gesterf ten spyte van pogings om haar by te bring.
Buiten vir bogenoemde het die ministerie nie met die vrou se weergawe van gebeure rakende die beweerde nalatigheid tydens haar kraamproses en die hantering van haar vroeggebore babadogtertjie saamgestem nie.
“Die eiser is met gereelde tussenpouses van sowat twee ure gemonitor vanaf die tyd dat sy op 30 Januarie 2023 opgeneem is tot die geboorte van die baba op 31 Januarie 2023.
“Die hospitaalpersoneel het hul pligte professioneel uitgevoer soos redelikerwys van enige redelike mediese praktisyn verwag word en sonder enige nalatigheid op enige van die maniere wat hierin beweer word,” aldus die ministerie se hofdokument.
Dit het die weg gebaan vir bemiddeling en besprekings om ’n skikking te bereik.
Volgens ’n verslag deur die bemiddelaar wat by die hof ingedien is, het die ministerie ingestem om N$150 000 as ’n volle skikking teen 30 Desember 2025 te betaal.
Benewens die vergoeding het die ministerie onderneem om mediese en beradingsdienste aan die vrou te verskaf indien dit in die toekoms nodig is.
Die saak het vandeesweek vlugtig voor regter Dinnah Usiku gedien wat dit tot 26 November vir ’n statusverhoor uitgestel het.
Dit volg nadat die partye nie ’n gesamentlike verslag ingedien het wat bevestig dat die skriftelike skikkingsooreenkoms gefinaliseer is nie.
– [email protected]
Die vrou wat die ministerie van gesondheid en maatskaplike dienste vir N$1,2 miljoen gedagvaar het, se babadogtertjie is in Januarie 2023 in dié hospitaal gebore.
Volgens hofdokumente wat by die hoërhof in Windhoek ingedien is, het sy beweer verpleegpersoneel by die hospitaal het nie voldoende mediese hulp aan haar verleen nie. Dit ten spyte daarvan dat sy op 29 Januarie 2023 met erge kraampyne by die hospitaal aangemeld het.Sy het uiteindelik op 31 Januarie 2023 geboorte geskenk, maar haar baba is vroeggebore en het swak kliniese tekens soos polsslag by geboorte getoon.
Volgens die ministerie se beëdigde verklaring wat deel van die hofdokumente uitmaak, was die pasgebore baba se Apgar-telling – ’n vinnige toets wat gebruik word om ’n baba se asemhaling, hartklop en algemene gesondheid onmiddellik ná geboorte te bepaal – laag.
Mediese personeel het egter glo vinnig opgetree, en die baba se toestand het tydelik verbeter voordat dit weer versleg het terwyl sy in ’n broeikas was. Die babadogtertjie het later gesterf ten spyte van pogings om haar by te bring.
Buiten vir bogenoemde het die ministerie nie met die vrou se weergawe van gebeure rakende die beweerde nalatigheid tydens haar kraamproses en die hantering van haar vroeggebore babadogtertjie saamgestem nie.
“Die eiser is met gereelde tussenpouses van sowat twee ure gemonitor vanaf die tyd dat sy op 30 Januarie 2023 opgeneem is tot die geboorte van die baba op 31 Januarie 2023.
“Die hospitaalpersoneel het hul pligte professioneel uitgevoer soos redelikerwys van enige redelike mediese praktisyn verwag word en sonder enige nalatigheid op enige van die maniere wat hierin beweer word,” aldus die ministerie se hofdokument.
Dit het die weg gebaan vir bemiddeling en besprekings om ’n skikking te bereik.
Volgens ’n verslag deur die bemiddelaar wat by die hof ingedien is, het die ministerie ingestem om N$150 000 as ’n volle skikking teen 30 Desember 2025 te betaal.
Benewens die vergoeding het die ministerie onderneem om mediese en beradingsdienste aan die vrou te verskaf indien dit in die toekoms nodig is.
Die saak het vandeesweek vlugtig voor regter Dinnah Usiku gedien wat dit tot 26 November vir ’n statusverhoor uitgestel het.
Dit volg nadat die partye nie ’n gesamentlike verslag ingedien het wat bevestig dat die skriftelike skikkingsooreenkoms gefinaliseer is nie.
– [email protected]
Kommentaar
Republikein
Geen kommentaar is op hierdie artikel gelaat nie