Mauriza wapper Namibiese vlag op Uhuru-piek
Francoise Steynberg
Op Vrouedag op 9 Augustus omstreeks 09:00 het ’n Namibiese vrou, Mauriza Fredericks, Uhuru-piek van Kilimandjaro op 5 895 meter bo seespieël saam met 19 ander vroue bereik.
“Dit was deel van die Trek4Education25-ekspedisie wat 21 lede gehad het, insluitend Saray Khumalo, die leier en eerste Afrika-vrou wat Berg Everest geklim het,” het die avontuurlike Fredericks aan Republikein gesê.
Hullle was 20 vroue en een haan onder die henne wat sy vrou vergesel het.
Sy was die enigste een wat die Namibiese vlag hoog gewapper het in die groep wat Suid-Afrikaners, Amerikaners, Zambiërs, Britte en Nederlanders ingesluit het. Hulle het die Lemosho-roete in Tanzanië in agt dae in die asemrowende sneeulandskap van Kilimandjaro aangedurf.
Op ’n vraag van hoe sy gevoel het, het sy gesê sy was oorweldig deur emosie.
“Ek het soos ’n kind gehuil die hele pad van die basiskamp na die Uhuru-piek, want die berg het ’n ander vlak van kwesbaarheid vereis, net soos dit van my vereis het om my eie krag prys te gee en op die innerlike werk van die Here te vertrou, die ritme van die draers, gidse en spanmaats, en om dieselfde deernis aan diegene rondom my te toon.”
Mauriza, ’n Windhoeker wat veral in Namibië bekend staan vir haar fluweelstem as radio-omroeper, is ’n bemarkingsbestuurder van korporatiewe sake en volhoubaarheid by Old Mutual Namibia.
“Enigiets is moontlik met harde werk, toewyding en vennootskap,” het sy gesê.
– [email protected]
Op Vrouedag op 9 Augustus omstreeks 09:00 het ’n Namibiese vrou, Mauriza Fredericks, Uhuru-piek van Kilimandjaro op 5 895 meter bo seespieël saam met 19 ander vroue bereik.
“Dit was deel van die Trek4Education25-ekspedisie wat 21 lede gehad het, insluitend Saray Khumalo, die leier en eerste Afrika-vrou wat Berg Everest geklim het,” het die avontuurlike Fredericks aan Republikein gesê.
Hullle was 20 vroue en een haan onder die henne wat sy vrou vergesel het.
Sy was die enigste een wat die Namibiese vlag hoog gewapper het in die groep wat Suid-Afrikaners, Amerikaners, Zambiërs, Britte en Nederlanders ingesluit het. Hulle het die Lemosho-roete in Tanzanië in agt dae in die asemrowende sneeulandskap van Kilimandjaro aangedurf.
Op ’n vraag van hoe sy gevoel het, het sy gesê sy was oorweldig deur emosie.
“Ek het soos ’n kind gehuil die hele pad van die basiskamp na die Uhuru-piek, want die berg het ’n ander vlak van kwesbaarheid vereis, net soos dit van my vereis het om my eie krag prys te gee en op die innerlike werk van die Here te vertrou, die ritme van die draers, gidse en spanmaats, en om dieselfde deernis aan diegene rondom my te toon.”
Mauriza, ’n Windhoeker wat veral in Namibië bekend staan vir haar fluweelstem as radio-omroeper, is ’n bemarkingsbestuurder van korporatiewe sake en volhoubaarheid by Old Mutual Namibia.
“Enigiets is moontlik met harde werk, toewyding en vennootskap,” het sy gesê.
– [email protected]
Kommentaar
Republikein
Geen kommentaar is op hierdie artikel gelaat nie