Maak Windhoek mooier

Stad Windhoek (CoW) het voornemende kunstenaars genooi om voorstelle vir ontwerpe vir muurskilderye op uitgesoekte kraginfrastruktuur oraloor die hoofstad in te dien. Dié inisiatief is daarop gemik om kragverspreiding- en minisubstasies in visueel aantreklike openbare ruimtes te omskep deur middel van artistieke ontwerpe wat die omgewing komplementeer.Kunstenaars kan uit 36 geïdentifiseerde persele in verskeie woonbuurtes kies. Dit sluit kragverspreidings- of minisubstasies – metaal kragbokse wat gebruik word om elektriese toerusting te huisves – in.Belangstellendes word aangemoedig om hul gekose perseel te besoek om die strukture en hul omgewing te beoordeel voordat hulle hul voorstelle ontwikkel. Alternatiewelik kan Google Maps gebruik word om hulself met die liggings vertroud te maak.Kunstenaars word ook aangeraai om afmetings, die omgewing en strukturele kenmerke van hul gekose perseel in ag te neem wanneer hulle hul ontwerpe voorberei om te verseker die voorgestelde kunswerk is geskik vir die infrastruktuur.Die munisipaliteit het ’n lys van die persele gepubliseer, insluitend die betrokke geriewe se name, woonbuurtes, straatname en GPS-koördinate, om kunstenaars te help om hul voorkeurinstallasies te identifiseer. CoW bied vandag van 14:30 tot 16:30 ’n inligtingsessie vir belangstellendes aan.– aurelia@nmh-hub.com.na

Maak Windhoek mooier

Kommentaar

Republikein 2026-10-29

Meld asseblief aan om kommentaar te lewer

Maak Windhoek mooier

Kommentaar

Republikein 2026-10-29

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.