Ma van 'verkragtingslagoffer' in hospitaal eis N$3 m.
Die ma van 'n 18-jarige seun wat na bewering vier jaar gelede in die Katutura-staatshospitaal verkrag is terwyl hy in 'n koma was, dagvaar die ministerie van gesondheid en maatskaplike dienste vir N$3 miljoen weens trauma, pyn en lyding.
Die vrou, wie se naam weerhou word om die identiteit van die vermeende verkragtingslagoffer te beskerm, voer aan die staat het versuim om haar seun te beskerm terwyl hy in 'n koma in die hospitaal was toe die beweerde verkragting plaasgevind het.
Volgens die besonderhede van die hofeis is die 18-jarige in die staatshospitaal opgeneem nadat hy ernstige beserings in 'n motorongeluk in April 2021 opgedoen het. Hy was van April tot Augustus 2021 in ’n vegetatiewe toestand in die hospitaal waar hy gespesialiseerde mediese sorg ontvang het.
'n Leerlingdokter by die hospitaal, Dennis Noa, is later in verband met die beweerde verkragting in hegtenis geneem en het in die beskuldigdebank beland. Alhoewel Noa aanvanklik 'n jaar gelede deur landdros Victor Nyazo in die Windhoek-landdroshof skuldig bevind is, is sy skuldigbevinding in November 2024 op appèl in die hoërhof omgekeer. Twee regters het beslis dat daar onvoldoende bewyse was – insluitend DNS-monsters wat Noa nie aan die beweerde seksuele oortreding kon verbind nie.
Die tiener is slegs 18 dae voor Noa se aanvanklike skuldigbevinding oorlede.
Die ma se prokureur, Profysen Muluti, het in Mei vanjaar 'n brief aan die uitvoerende direkteur van gesondheid, Penda Ithindi, gestuur om sy kantoor in kennis te stel van voornemens om regstappe in te stel. Ithindi het na bewering "nie erkenning van ontvangs gegee of daarop gereageer nie". Die brief lui dat die kliënt se seun op 11 April 2021 in 'n vegetatiewe toestand by die hospitaal sonder toesig gelaat is, wat 'n geleentheid vir skade geskep het. Dit beweer verder dat die mediese personeel versuim het om die nodige sorg uit te oefen, wat gelei het tot voortdurende emosionele trauma vir die moeder.
– [email protected]
Die vrou, wie se naam weerhou word om die identiteit van die vermeende verkragtingslagoffer te beskerm, voer aan die staat het versuim om haar seun te beskerm terwyl hy in 'n koma in die hospitaal was toe die beweerde verkragting plaasgevind het.
Volgens die besonderhede van die hofeis is die 18-jarige in die staatshospitaal opgeneem nadat hy ernstige beserings in 'n motorongeluk in April 2021 opgedoen het. Hy was van April tot Augustus 2021 in ’n vegetatiewe toestand in die hospitaal waar hy gespesialiseerde mediese sorg ontvang het.
'n Leerlingdokter by die hospitaal, Dennis Noa, is later in verband met die beweerde verkragting in hegtenis geneem en het in die beskuldigdebank beland. Alhoewel Noa aanvanklik 'n jaar gelede deur landdros Victor Nyazo in die Windhoek-landdroshof skuldig bevind is, is sy skuldigbevinding in November 2024 op appèl in die hoërhof omgekeer. Twee regters het beslis dat daar onvoldoende bewyse was – insluitend DNS-monsters wat Noa nie aan die beweerde seksuele oortreding kon verbind nie.
Die tiener is slegs 18 dae voor Noa se aanvanklike skuldigbevinding oorlede.
Die ma se prokureur, Profysen Muluti, het in Mei vanjaar 'n brief aan die uitvoerende direkteur van gesondheid, Penda Ithindi, gestuur om sy kantoor in kennis te stel van voornemens om regstappe in te stel. Ithindi het na bewering "nie erkenning van ontvangs gegee of daarop gereageer nie". Die brief lui dat die kliënt se seun op 11 April 2021 in 'n vegetatiewe toestand by die hospitaal sonder toesig gelaat is, wat 'n geleentheid vir skade geskep het. Dit beweer verder dat die mediese personeel versuim het om die nodige sorg uit te oefen, wat gelei het tot voortdurende emosionele trauma vir die moeder.
– [email protected]
Kommentaar
Republikein
Geen kommentaar is op hierdie artikel gelaat nie