Leerlinge loop skool mis weens vervoerprobleme

“Ek is ongelukkig omdat ek vandag skool moes misloop. Ek en my vriende stap lang afstande in die koue en hier is baie jong kinders wat die raserige trokke en die mistige weer moet trotseer.”Só het een van die skoolkinders gesê wat nie skool kon bywoon nie weens die gebrek aan vervoer vanaf Plaas 37, wat sowat sewe kilometer buite Walvisbaai geleë is. Die inwoners van Plaas 37 het by die Walvisbaai-munisipaliteit bymekaargekom om hul klagtes te lug.Die burgemeester van Walvisbaai, Trevino Forbes, het ’n vergadering belê om die kwessie en moontlike oplossings te bespreek.Ouers het tydens die vergadering hul kommer uitgespreek en gesê dat hulle nie saam met hul kinders op die bus mag gaan nie.“Ons moet saamgaan, want ons kinders moet van die aflaaipunt na die skoolhekke begelei word, maar die bestuurders weier om ons saam te neem.”Forbes het daarop gewys dat vervoer ’n probleem bly, nie net vir skoolgaande kinders nie, maar ook vir werkers by Plaas 37.Hy het gesê hy en die munisipaliteit se waarnemende uitvoerende hoof sal met King Charcoal kommunikeer om meer mense te vervoer, aangesien slegs 20 mense tans op die bus toegelaat word.“Dit het onder my aandag gekom dat bejaardes ook vervoer nodig het na hul werkplekke en terug huis toe.”KRAG EN WATERTydens die vergadering het Forbes planne bespreek om Plaas 37 te ontwikkel. Hy het genoem dat die munisipaliteit beplan om ’n speelgrond vir die kinders te bou en sonkragligte te installeer.Verder het hy die kwessie van waterskaarste in die gebied uitgelig en gesê daar sal binnekort staanpype geïnstalleer word vir die gemeenskap om te gebruik. “Elke persoon sal ’n ruilmunt (token) kry wat hulle kan gebruik om water te koop,” het hy bygevoeg.– republikein@republikein.com.na

Leerlinge loop skool mis weens vervoerprobleme

Kommentaar

Republikein 2025-05-01

Meld asseblief aan om kommentaar te lewer

Leerlinge loop skool mis weens vervoerprobleme

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie