Kuier saam met The Movie Guy!
Hallo daar, ek is The Movie Guy en ek nooi almal uit om elke week saam met my oor rolprente, TV-programme en popkultuur te gesels.
Ek kan nie onthou wanneer laas ek die geleentheid gehad het om ’n rubriek in Afrikaans te skryf nie en hierdie keer kan ek oor iets spesiaals gesels – flieks. Ek sal nie sê ek is die beste fliekkenner nie, maar ek kan met trots sê ek is ’n groot fliekliefhebber.
Dié week wil ek myself voorstel en vir almal ’n voorsmakie gee van wat hulle in hierdie weeklikse rubriek kan verwag.
Laat ek by die begin begin. . . My liefde vir flieks het in die middel 1990’s begin. Ek onthou dit asof dit gister was, die Sondagaand-fliek op M-Net was ’n vaste instelling in ons huis. Ons het dit nooit gemis nie, behalwe as dit bo PG-13 was. Die eerste fliek wat ek kan onthou, was E.T. en dit was vir my ’n meesterstuk.
Terselfdertyd het ek ’n liefde vir TV ontwikkel, dit was nie net vermaak vir my nie, ek wou weet hoe TV-programme gemaak word. Ek het selfs daarvan gedroom om eendag ’n TV-ster of -aanbieder te word. Ek is bly dit het nie uitgewerk nie, want anders sou ek nooit my liefde vir skryf ontdek het nie.
My liefde vir skryf, fliek, TV en popkultuur het my uiteindelik die idee gegee om die Movie Guy te begin. Ek wou ’n platform skep waar ek weekliks kon gesels oor alles wat tans in die rolprentteaters draai en om hier en daar my mening oor alles te gee.
The Movie Guy het oorspronklik net resensies gedoen, maar hoe meer dit gegroei het, hoe meer het ek besef dat ek nog meer kan doen.
Resensies is nog my hooffokus, maar ek wil ook graag gesels oor al die ander dinge wat in die popkultuurwêreld aangaan.
Elke nou en dan wil ek ook oor meer persoonlike dinge praat, soos geestesgesondheid, iets wat dalk nie baie gewild is nie. The Movie Guy is ’n platform vir almal en hopelik kan hierdie weeklikse rubriek iewers ’n verskil maak.
Kom ons gesels nou oor wat almal van my af kan verwag, of nee. . . vir nou is dit nog ’n geheim. Ek wil elke week iets anders doen. Ek sal natuurlik Afrikaanse resensies doen, iets waarna ek baie uitsien.
Daar is tonne groot rolprente wat oor die volgende paar maande op pad is na die bioskoop, dit sluit in How to Train Your Dragon, Jurassic World: Rebirth, Fantastic Four: First Steps, Superman en nog vele meer.
Ek sal ook ’n paar stories van agter die skerms vertel, asook ’n paar kort onderhoude met plaaslike en internasionale regisseurs en film- en TV-sterre deel.
Die rubriek is nie net vir my as The Movie Guy nie, dis vir elke liewe filmliefhebber en al die “geeks” daar buite. Dis ’n plek vir die kunsfilm-kinefiel en ook vir almal wat opgewonde is vir die volgende Marvel-fliek, ek glo die rubriek sal iets vir almal hê.
My eerste rubriek is nou wel nie ’n resensie nie, maar daar is twee rolprente wat hierdie naweek in teaters begin draai wat ek glo almal moet gaan kyk.
Tom Cruise is terug om die onmoontlike moontlik te laat lyk met Mission: Impossible – The Final Reckoning. Die volle resensie is op my blog by www.themovieguyna.wordpress.com.Dan is daar ook ’n nuwe Disney-gesinsfliek op pad, Lilo & Stitch. Ek kan met ’n glimlag sê dit is een van die beste Disney-rolprente wat ek in jare gekyk het. Die resensie is ook op my blog beskikbaar. So kom ons gesels ’n bietjie oor flieks, TV, popkultuur en nog vele meer.
Ek kan nie onthou wanneer laas ek die geleentheid gehad het om ’n rubriek in Afrikaans te skryf nie en hierdie keer kan ek oor iets spesiaals gesels – flieks. Ek sal nie sê ek is die beste fliekkenner nie, maar ek kan met trots sê ek is ’n groot fliekliefhebber.
Dié week wil ek myself voorstel en vir almal ’n voorsmakie gee van wat hulle in hierdie weeklikse rubriek kan verwag.
Laat ek by die begin begin. . . My liefde vir flieks het in die middel 1990’s begin. Ek onthou dit asof dit gister was, die Sondagaand-fliek op M-Net was ’n vaste instelling in ons huis. Ons het dit nooit gemis nie, behalwe as dit bo PG-13 was. Die eerste fliek wat ek kan onthou, was E.T. en dit was vir my ’n meesterstuk.
Terselfdertyd het ek ’n liefde vir TV ontwikkel, dit was nie net vermaak vir my nie, ek wou weet hoe TV-programme gemaak word. Ek het selfs daarvan gedroom om eendag ’n TV-ster of -aanbieder te word. Ek is bly dit het nie uitgewerk nie, want anders sou ek nooit my liefde vir skryf ontdek het nie.
My liefde vir skryf, fliek, TV en popkultuur het my uiteindelik die idee gegee om die Movie Guy te begin. Ek wou ’n platform skep waar ek weekliks kon gesels oor alles wat tans in die rolprentteaters draai en om hier en daar my mening oor alles te gee.
The Movie Guy het oorspronklik net resensies gedoen, maar hoe meer dit gegroei het, hoe meer het ek besef dat ek nog meer kan doen.
Resensies is nog my hooffokus, maar ek wil ook graag gesels oor al die ander dinge wat in die popkultuurwêreld aangaan.
Elke nou en dan wil ek ook oor meer persoonlike dinge praat, soos geestesgesondheid, iets wat dalk nie baie gewild is nie. The Movie Guy is ’n platform vir almal en hopelik kan hierdie weeklikse rubriek iewers ’n verskil maak.
Kom ons gesels nou oor wat almal van my af kan verwag, of nee. . . vir nou is dit nog ’n geheim. Ek wil elke week iets anders doen. Ek sal natuurlik Afrikaanse resensies doen, iets waarna ek baie uitsien.
Daar is tonne groot rolprente wat oor die volgende paar maande op pad is na die bioskoop, dit sluit in How to Train Your Dragon, Jurassic World: Rebirth, Fantastic Four: First Steps, Superman en nog vele meer.
Ek sal ook ’n paar stories van agter die skerms vertel, asook ’n paar kort onderhoude met plaaslike en internasionale regisseurs en film- en TV-sterre deel.
Die rubriek is nie net vir my as The Movie Guy nie, dis vir elke liewe filmliefhebber en al die “geeks” daar buite. Dis ’n plek vir die kunsfilm-kinefiel en ook vir almal wat opgewonde is vir die volgende Marvel-fliek, ek glo die rubriek sal iets vir almal hê.
My eerste rubriek is nou wel nie ’n resensie nie, maar daar is twee rolprente wat hierdie naweek in teaters begin draai wat ek glo almal moet gaan kyk.
Tom Cruise is terug om die onmoontlike moontlik te laat lyk met Mission: Impossible – The Final Reckoning. Die volle resensie is op my blog by www.themovieguyna.wordpress.com.Dan is daar ook ’n nuwe Disney-gesinsfliek op pad, Lilo & Stitch. Ek kan met ’n glimlag sê dit is een van die beste Disney-rolprente wat ek in jare gekyk het. Die resensie is ook op my blog beskikbaar. So kom ons gesels ’n bietjie oor flieks, TV, popkultuur en nog vele meer.
Kommentaar
Republikein
Geen kommentaar is op hierdie artikel gelaat nie