Koryx Copper beplan belegging van miljarde naby Noordoewer

Die Kanadese mynmaatskappy Koryx Copper beplan om enorme bedrae geld te belê in koperneerslae in die suide van Namibië naby Noordoewer langs die Oranjerivier .Koryx het hierdie aankondiging verlede Vrydag gemaak en verdere besonderhede verskaf tydens ’n virtuele vergadering dieselfde aand. “Ons praat van ongeveer US$1,5 miljard, of sowat N$27,4 miljard, insluitend ’n tien persent reserwe in konstruksiekapitaal vir die projek,” het Koryx gesê.Die koperneerslae in die Haibberge, wat reeds sedert die Duitse koloniale era bekend is, sal na verwagting byna 88 000 ton koper per jaar vir 23 jaar produseer. ’n Neweproduk van die kopermyn sal sulfied wees, wat ook verkoop sal word.“Die belegging kan, afhangende van koperpryse, binne 3,9 jaar na die aanvang van produksie afbetaal wees,” het die maatskappy verklaar.Die doelwit van die projek se voorlopige ekonomiese assessering (PEA), wat nou onderneem word, is om die projekomvang te herdefinieer en Haib te herposisioneer as ’n “geloofwaardige, grootskaalse, langdurige, lae-risiko en lae-koste oopgroef- en logingmyn met moderne massa-logingproduksie.”Die Namibiese besturende direkteur, Heye Daun, het gesê: “Haib is ’n gevorderde projek wat ontwerp is om die produksie van ’n koperkonsentraat moontlik te maak deur ’n konvensionele metallurgiese vergruisings-, maal- of logingsproses te gebruik. Verder is daar potensiaal vir bykomende koperproduksie deur massa-loging.”WATERTOEVOER’n Ontleding van watervoorsieningsalternatiewe is gedoen om verskeie waterbronne te vergelyk. Water van ’n toekomstige ontsoutingsaanleg by Oranjemund, water van die Naute- en Neckartaldam, die Oranjerivier en plaaslike grondwaterbronne is oorweeg.Die verkryging van water uit die Oranjerivier is die voorkeurwaterbron vir die voorgestelde myn, volgens Koryx. Gekombineer met ’n beplande waterkeerwal om die watervlak in die rivier te reguleer, sal dit ook help om langdurige tydperke van droogte en/of lae watervlakke in die rivier en die negatiewe impak daarvan op gebruikers stroomaf te voorkom.Om aan die projek se watervraag te voldoen, wat voorlopig op 20 miljoen kubieke meter per jaar geraam word, vereis wateronttrekking uit die Oranjerivier die konstruksie van so ’n inlaatwal met ’n inlaatstruktuur wat sedimentinname deur die pompe verminder. Verskeie plekke is reeds ondersoek.– republikein@republikein.com.naKyk die video hier:

Koryx Copper beplan belegging van miljarde naby Noordoewer

Kommentaar

Republikein 2025-10-31

Meld asseblief aan om kommentaar te lewer

Koryx Copper beplan belegging van miljarde naby Noordoewer

Kommentaar

Republikein 2025-10-31

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.