Kort nuus

OutjoPeuter na bewering uit bewegende voertuig gegooiDie polisie in die Erongostreek ondersoek ’n saak waarin ’n 18 maande oue babameisie ernstig beseer is nadat sy na bewering Saterdag uit ’n bewegende voertuig gegooi is.Volgens voorlopige polisieverslae het ’n boer sy plaaswerker (29), die werker se meisie (28) en hul baba na Outjo vir inkopies geneem. Op pad het die paartjie, wat na bewering onder die invloed van alkohol was, agter in die bewegende voertuig begin stry en baklei. Die boer het glo stilgehou om hulle te berispe, maar het daarna weer begin ry. Terwyl hulle op pad was, het die boer na bewering in sy truspieël gesien dat die kind van die voertuig gegooi word. Hy het onmiddellik gestop en die ma het glo die bewustelose baba opgetel. Die boer het die beseerde kind na die Outjo-staatshospitaal gehaas, vanwaar sy later in ’n kritieke toestand na Windhoek oorgeplaas is.Die paartjie is in verband met die voorval in hegtenis geneem en die polisieondersoek duur voort. – Rita KakeloWindhoekNamcor vs Erongo Petroleum: Uitspraak in Junie’n Aansoek wat deur die Nasionale Petroleumkorporasie van Namibië (Namcor) ingedien is om Erongo Petroleum CC voorlopig te likwideer oor beweerde skuld van meer as N$266 miljoen, is verlede Vrydag vir 'n tweede keer uitgestel nadat regter Orben Sibeya aangedui het dat die uitspraak nog nie gereed is nie. Uitspraak sal op 10 Junie gelewer word. Erongo Petroleum onder leiding van meerderheidsaandeelhouer, Austin Elindi, staan die aansoek teen, terwyl hy volhou dat Namcor nie die magtiging het om namens sy filiaal, Namcor Petroleum Trading and Distribution (Edms) Bpk., op te tree nie, wat die betrokke ooreenkomste onderteken het. In hofstukke beweer Namcor dat Erongo Petroleum N$266,7 miljoen skuld kragtens ’n 2020-brandstofvoorsienings- en kredietooreenkoms, wat ’n kapitaalbedrag van N$239,8 miljoen en N$26,8 miljoen in rente insluit. – Rita Kakelo

Kort nuus

Kommentaar

Republikein 2025-12-18

Meld asseblief aan om kommentaar te lewer

Kort nuus

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.