Kampvegters in bewaring gevier

Die Wetenskaplike Vereniging van Namibië het as deel van Erfenisweek Peter Bridgeford se boek, Conservation Pioneers, heruitgereik. Nadat die eerste uitgawe binne ’n paar maande uitverkoop het, het Kuiseb-uitgewers die boek hersien. Buiten vir inligting wat opgedateer is, spog die boek nou met ’n indeks en ’n opgedateerde ontwerp.

Conservation Pioneers gee erkenning aan 55 bewaringsbewustes wat sedert die vroegste dae van Namibië se beskermde gebiede ’n sleutelrol gespeel het in die ontwikkeling van wêreldklas-parke. Met meer as 150 foto’s, kaarte en illustrasies, dokumenteer die boek die geskiedenis van bewaring in Namibië. FOTO Oshoveli Kukuri/Wetenskaplike Vereniging van Namibië