Ithete moedig mans aan om hulp te vra
Ministerie hou manskonferensie
In 2025 alleen was meer as 80% van aangetekende selfdoodsterftes in Namibië mans, volgens die adjunk- eerste minister.
Eliot Ipinge
Die adjunk- eerste minister en minister van nywerheidsontwikkeling, myne en energie, Natangwe Ithete, het Namibiese mans aangemoedig om geweld te verwerp en hulp te soek eerder as om selfdood te pleeg. Hy het ook mans versoek om van negatiewe verhoudings weg te stap en gesê geen vrou is die moeite werd om dood te maak of hulself oor te beseer nie.
Ithete het verlede week by dié ministerie se eerste manskonferensie vir personeel, met die tema “Beyond Tradition: Men in Motion” gepraat en gesê sosiale verwagtinge het mans in stilte vasgevang, wat kommerwekkende selfdoodsyfers aangevuur het.
“In 2025 alleen was meer as 80% van aangetekende selfdoodsterftes in Namibië mans. Dis ’n krisis wat ons huise, werkplekke en nasie raak,” het hy beklemtoon.
Die minister het verder beklemtoon ware krag lê daarin om te praat.
“Jy is nie minder ’n man as jy pyn voel of vir ondersteuning vra nie,” het hy gesê en gevra vir ’n nasionale verskuiwing in hoe geestesgesondheid bespreek word.
Ithete het mans aangemoedig om verder as die denkwyse van “mans is sterk” te beweeg en ondersteuning te soek wanneer dit nodig is. Hy het bygevoeg die stigma rondom mans wat pyn toon, moet beëindig word.
VERHOUDINGS
In openhartige opmerkings later tydens die konferensie het Ithete verhoudingskwessies ondersoek en mans versoek om gewelddadige konfrontasies oor vroue te vermy.
“Vir ons, om oor ’n baba te baklei, of oor ’n vrou selfdood te pleeg – dit moet net tot ’n einde kom. Wil sy jou nie hê nie? Los dit. Daar is te veel visse in die see,” het hy aangeraai.
Ithere het mans verder aangespoor om eerlik te wees as hulle by meer as een vrou betrokke is.
“Kom ons wees nie lafaards deur dit weg te steek nie. As sy jou wil hê, sal sy jou steeds aanvaar. Die grootste probleem is wanneer jy jok en sy dit later uitvind,” het hy gesê.
Ithere het ook mans veroordeel wat vroue in toegewyde verhoudings najaag, insluitend getroude vroue, en gewaarsku dat sulke gedrag konflik en wantroue tussen mans aanwakker.
“As jy weet sy is saam met iemand, moenie by ander se verhoudings inmeng nie,” het hy gesê.
Wat veranderinge in die samelewing betref, het die minister benadruk terwyl openbare gevegte tussen mans oor vroue afgeneem het, het geweld na agter geslote deure verskuif.
“Ons het opgehou om met mekaar te baklei, maar toe het ons vroue begin doodmaak en aanrand. Dis nie vordering nie,” het hy beklemtoon.
Die konferensie, wat by die ouditorium in die ministerie se hoofkantoor aangebied is, vorm deel van die instelling se strewe om die welstand van sy manspersoneel te verbeter en ’n breër nasionale dialoog oor mans se geestesgesondheid aan te wakker.
Die uitvoerende direkteur van die ministerie, Moses Pakote, het gesê die geleentheid het ten doel gehad om ’n veilige ruimte vir mans te bied om openhartig te praat.
Hy het sommige tradisionele idees uitgedaag oor wat dit beteken om vandag ’n man te wees terwyl hy diegene gevier het wat met deernis, integriteit en doelgerigtheid lei.
Die ministerie beoog om soortgelyke inisiatiewe van stapel te stuur en saam met belanghebbendes te werk om dienste vir geestesgesondheid meer toeganklik, veral in landelike gebiede, te maak.
– [email protected]
Die adjunk- eerste minister en minister van nywerheidsontwikkeling, myne en energie, Natangwe Ithete, het Namibiese mans aangemoedig om geweld te verwerp en hulp te soek eerder as om selfdood te pleeg. Hy het ook mans versoek om van negatiewe verhoudings weg te stap en gesê geen vrou is die moeite werd om dood te maak of hulself oor te beseer nie.
Ithete het verlede week by dié ministerie se eerste manskonferensie vir personeel, met die tema “Beyond Tradition: Men in Motion” gepraat en gesê sosiale verwagtinge het mans in stilte vasgevang, wat kommerwekkende selfdoodsyfers aangevuur het.
“In 2025 alleen was meer as 80% van aangetekende selfdoodsterftes in Namibië mans. Dis ’n krisis wat ons huise, werkplekke en nasie raak,” het hy beklemtoon.
Die minister het verder beklemtoon ware krag lê daarin om te praat.
“Jy is nie minder ’n man as jy pyn voel of vir ondersteuning vra nie,” het hy gesê en gevra vir ’n nasionale verskuiwing in hoe geestesgesondheid bespreek word.
Ithete het mans aangemoedig om verder as die denkwyse van “mans is sterk” te beweeg en ondersteuning te soek wanneer dit nodig is. Hy het bygevoeg die stigma rondom mans wat pyn toon, moet beëindig word.
VERHOUDINGS
In openhartige opmerkings later tydens die konferensie het Ithete verhoudingskwessies ondersoek en mans versoek om gewelddadige konfrontasies oor vroue te vermy.
“Vir ons, om oor ’n baba te baklei, of oor ’n vrou selfdood te pleeg – dit moet net tot ’n einde kom. Wil sy jou nie hê nie? Los dit. Daar is te veel visse in die see,” het hy aangeraai.
Ithere het mans verder aangespoor om eerlik te wees as hulle by meer as een vrou betrokke is.
“Kom ons wees nie lafaards deur dit weg te steek nie. As sy jou wil hê, sal sy jou steeds aanvaar. Die grootste probleem is wanneer jy jok en sy dit later uitvind,” het hy gesê.
Ithere het ook mans veroordeel wat vroue in toegewyde verhoudings najaag, insluitend getroude vroue, en gewaarsku dat sulke gedrag konflik en wantroue tussen mans aanwakker.
“As jy weet sy is saam met iemand, moenie by ander se verhoudings inmeng nie,” het hy gesê.
Wat veranderinge in die samelewing betref, het die minister benadruk terwyl openbare gevegte tussen mans oor vroue afgeneem het, het geweld na agter geslote deure verskuif.
“Ons het opgehou om met mekaar te baklei, maar toe het ons vroue begin doodmaak en aanrand. Dis nie vordering nie,” het hy beklemtoon.
Die konferensie, wat by die ouditorium in die ministerie se hoofkantoor aangebied is, vorm deel van die instelling se strewe om die welstand van sy manspersoneel te verbeter en ’n breër nasionale dialoog oor mans se geestesgesondheid aan te wakker.
Die uitvoerende direkteur van die ministerie, Moses Pakote, het gesê die geleentheid het ten doel gehad om ’n veilige ruimte vir mans te bied om openhartig te praat.
Hy het sommige tradisionele idees uitgedaag oor wat dit beteken om vandag ’n man te wees terwyl hy diegene gevier het wat met deernis, integriteit en doelgerigtheid lei.
Die ministerie beoog om soortgelyke inisiatiewe van stapel te stuur en saam met belanghebbendes te werk om dienste vir geestesgesondheid meer toeganklik, veral in landelike gebiede, te maak.
– [email protected]
Kommentaar
Republikein
Geen kommentaar is op hierdie artikel gelaat nie