Informele handelaars in Havana word verskuif

Die munisipaliteit van Windhoek het ’n hofbevel verkry om informele handelaars by die vierrigtingstop in die informele nedersetting Havana in Windhoek te ontruim. Die handelaars het ’n gebied beset wat vir uitbreiding geoormerk is. Volgens die munisipaliteit se uitvoerende hoof, Moses Matyayi, was die informele mark aanvanklik bedoel om 88 informele handelaars te huisves. Intussen het dit egter tot 350 informele handelaars toegeneem, wat druk op die perseel geplaas het.Verskeie vergaderings is met die handelaars gehou om hul hervestiging na aangewese gebiede in Havana Uitbreiding 8 en 10 te bespreek.Hoewel sommige ingestem het om vrywillig te verskuif, was ander minder geneë daartoe. Volgens Matyayi het dit ’n negatiewe uitwerking op die konstruksie van die Eneas Peter Nanyemba-pad, sowel as ander beplande ontwikkelings in die gebied, gehad. Dit het ook uitdagings vir motoriste en voetgangers geskep. Matyayi het gesê die hofbevel stel die munisipaliteit nou in staat om voort te gaan met die hervestiging van informele handelaars wat geweier het om die huidige perseel te verlaat.Hy het beklemtoon die ontwikkeling van Windhoek moet voortgaan, terwyl daar terselftertyd maniere gevind moet word om die stygende aantal informele handelaars in die hoofstad te akkommodeer. – aurelia@nmh-hub.com.na

Informele handelaars in Havana word verskuif

Kommentaar

Republikein 2026-10-30

Meld asseblief aan om kommentaar te lewer

Informele handelaars in Havana word verskuif

Kommentaar

Republikein 2026-10-30

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.