Hoop herrys in Goreangab
In die volgende paar maande gaan ’n inrigting van hoop in een van die armste gebiede in Windhoek verrys, ’n ruimte waar sowat 1 200 kinders elke dag ’n maaltyd sal ontvang en in ’n veilige omgewing kan speel en leer.
Die amptelike sooispitseremonie op 20 Oktober is gelei deur die stigter van die Namibiese liefdadigheidsorganisasie Home of Good Hope, Monica Imanga, en die uitvoerende hoof van Discover Airlines, Bernd Bauer, wat nou by die organisasie betrokke is en dit ruim ondersteun.
Home of Good Hope werk sedert 2007 onverpoosd om kinders en jongmense in veral minderbevoorregte nedersettings sonder permanente behuising of stabiele familiestrukture te help.
Met ’n sopkomkuis en geleenthede vir onderrig en psigomaatskaplike sorg, bereik die toegewyde span van Home of Good Hope honderde kinders wat andersins geen toegang tot basiese dienste sou hê nie.
Die verhouding tussen Discover Airlines en Home of Good Hope is in 2021 gevorm as deel van ’n Kersprojek wat deur werknemers van die lugredery van stapel gestuur is.
Sedertdien is die lugredery op verskeie maniere steeds by Home of Good Hope betrokke deur geldinsamelings, sowel as vrywilligerswerk op die perseel.
In 2022 is Home of Good Hope ook amptelik by die projekportefeulje van help alliance, die Lufthansa-groep se hulporganisasie gevoeg.
Danksy ’n reusehupstoot van 100 000 euro, kan die langverwagte bouprojek van die nuwe geriewe uiteindelik begin.
“Die ondersteuning wat ons die afgelope paar jaar van Discover Airlines en help alliance ontvang het, strek veel verder as materiële hulp, dit kom uit die hart,” sê Imanga.
“Wat as ’n toevallige ontmoeting begin het, het in ’n noue vriendskap ontwikkel en ons is innig dankbaar vir die vertroue wat in ons werk geplaas word.
“Om deel van die help alliance-ondersteuningsprogram te wees, is ’n reusestap vir ons as ’n klein organisasie en ’n duidelike teken dat ons kinders nie vergete is nie,” het sy gesê.
Home of Good Hope is ’n niewinsgewende organisasie wat in die informele nedersetting Goreangab geleë is en meer as 800 kwesbare kinders ondersteun met voeding, voorskoolse onderrig, nasorg en huiswerk. Ouers ontvang ook mediese en voedingsverwante hulp en die geleentheid om hul vooruitsigte vir werk deur ’n volwasse onderrigprogam te verbeter. – [email protected]
Die amptelike sooispitseremonie op 20 Oktober is gelei deur die stigter van die Namibiese liefdadigheidsorganisasie Home of Good Hope, Monica Imanga, en die uitvoerende hoof van Discover Airlines, Bernd Bauer, wat nou by die organisasie betrokke is en dit ruim ondersteun.
Home of Good Hope werk sedert 2007 onverpoosd om kinders en jongmense in veral minderbevoorregte nedersettings sonder permanente behuising of stabiele familiestrukture te help.
Met ’n sopkomkuis en geleenthede vir onderrig en psigomaatskaplike sorg, bereik die toegewyde span van Home of Good Hope honderde kinders wat andersins geen toegang tot basiese dienste sou hê nie.
Die verhouding tussen Discover Airlines en Home of Good Hope is in 2021 gevorm as deel van ’n Kersprojek wat deur werknemers van die lugredery van stapel gestuur is.
Sedertdien is die lugredery op verskeie maniere steeds by Home of Good Hope betrokke deur geldinsamelings, sowel as vrywilligerswerk op die perseel.
In 2022 is Home of Good Hope ook amptelik by die projekportefeulje van help alliance, die Lufthansa-groep se hulporganisasie gevoeg.
Danksy ’n reusehupstoot van 100 000 euro, kan die langverwagte bouprojek van die nuwe geriewe uiteindelik begin.
“Die ondersteuning wat ons die afgelope paar jaar van Discover Airlines en help alliance ontvang het, strek veel verder as materiële hulp, dit kom uit die hart,” sê Imanga.
“Wat as ’n toevallige ontmoeting begin het, het in ’n noue vriendskap ontwikkel en ons is innig dankbaar vir die vertroue wat in ons werk geplaas word.
“Om deel van die help alliance-ondersteuningsprogram te wees, is ’n reusestap vir ons as ’n klein organisasie en ’n duidelike teken dat ons kinders nie vergete is nie,” het sy gesê.
Home of Good Hope is ’n niewinsgewende organisasie wat in die informele nedersetting Goreangab geleë is en meer as 800 kwesbare kinders ondersteun met voeding, voorskoolse onderrig, nasorg en huiswerk. Ouers ontvang ook mediese en voedingsverwante hulp en die geleentheid om hul vooruitsigte vir werk deur ’n volwasse onderrigprogam te verbeter. – [email protected]
Kommentaar
Republikein
Geen kommentaar is op hierdie artikel gelaat nie