Helderder toekoms vir hoofstad se nedersettings

Die amptelike sooispitseremonie vir die projek om hoëmas-ligte in die Samora Machel-kiesafdeling te installeer, het Dinsdag in Windhoek plaasgevind.Meer as 720 huishoudings sal by die projek baat vind. Hoëmas-ligte is ligte wat tussen 12 en 18 meter hoog gemonteer word. Die projek, ’n samewerkingsooreenkoms tussen Stad Windhoek en die regering ter waarde van ongeveer N$2 miljoen, het ten doel om broodnodige lig aan verskeie gemeenskappe te verskaf.Die projek sal na verwagting teen einde Julie voltooi wees, met die informele nedersettings Okahandja Park A, -B en -C, Okuryangava Uitbreiding 8, Hakahana en Kilimandjaro wat volgende aan die beurt sal kom.Ná voltooiing sal die projek 720 huishoudings bevoordeel.Een van die hoofsprekers by die geleentheid, die minister van stedelike en landelike ontwikkeling, Erastus Uutoni, het gesê: “Ons het besluit om elektrisiteit hier aan te lê as ’n manier vir ons kinders om lig te hê, want ons kan nie vir ewig in die donker wees nie. Hierdie projek sal ’n veiliger omgewing verseker vir almal wat in die kiesafdeling woon.”Hy het ook Stad Windhoek se raad en bestuur geloof vir hul pogings om met die regering saam te werk om elektrisiteit aan die inwoners van Windhoek se informele nedersettings te verskaf.“Ek wil ook Stad Windhoek se raad en bestuur loof omdat hulle voldoen het aan die verwagtinge van die sentrale regering se prioriteite deur elektrisiteit aan die onderbediende gemeenskappe van ons hoofstad te verskaf,” het hy bygevoeg.NOODSAAKLIK Die goewerneur van die Khomasstreek, Laura McLeod-Katjirua, het die belangrikheid van elke poging, hoe gering ook al, beklemtoon om inwoners se lewensgehalte en gemeenskapsveiligheid te verbeter.“Elektrisiteit is noodsaaklik vir die groei en ontwikkeling van hierdie pragtige streek en inderdaad ons moederland,” het sy gesê.Uutoni het ook benadruk dat die inisiatief sakebedrywighede binne die informele nedersettings beduidend kan verbeter.Hy het egter ’n beroep gedoen op samewerking van die inwoners om enige uitdagings wat mag opduik te oorkom. “Kom ons ontmoet mekaar ten minste halfpad en werk saam vir ’n beter toekoms, want om teen mekaar te baklei, gaan niks oplos nie," het hy gesê.– republikein@republikein.com.na

Helderder toekoms vir hoofstad se nedersettings

Kommentaar

Republikein 2026-03-20

Meld asseblief aan om kommentaar te lewer

Helderder toekoms vir hoofstad se nedersettings

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.