Grootfontein kry (uiteindelik) ’n baas

Ná ’n leierskapvakuum van drie jaar sal die munisipaliteit van Grootfontein weer ’n permanente uitvoerende hoof hê. Die pos, wat sedert 2003 vakant is, word uiteindelik op 1 Oktober gevul.Burgemeester Moritz Gaingob het bevestig die aanstellingsproses is na oorlegpleging met die raad en die ministerie van landelike en stedelike ontwikkeling afgehandel. Volgens Gaingob het die raad aanbevelings wat deur die vorige raad gemaak is, met minister Sankwasa James Sankwasa opgevolg.“Ons het ’n brief aan die kantoor van die minister gerig om navraag te doen oor die vorige raad se aanbevelings en dat die minister hom oor die aanstelling van uitvoerende hoof kan uitspreek,” het Gaingob gesê. Volgens hom is die nodige dokumente vir die aanstelling reeds deur hom en Sankwasa onderteken.Gaingob het nie die naam van die nuwe hoof bekend gemaak nie, maar die aanstelling as 'n belangrike stap beskryf om permanente administratiewe leierskap by die munisipaliteit te herstel. Volgens hom was die permanente aanstelling 'n belofte wat hy aan die inwoners van Grootfontein gemaak het.WERWINGGaingob het gesê die pos is landswyd geadverteer en was oop vir geskikte en gekwalifiseerde kandidate van oraloor Namibië. Volgens hom is aansoekers op ’n kortlys geplaas; hy was egter nie by die administratiewe deel van die werwingsproses betrokke nie. “Ek is nie deel van ons afdeling vir menslike hulpbronne nie. Ek is die politieke verteenwoordiger. Ek is nie in die werwing- of die kortlyskomitee nie. Ek was ook nie deel van die onderhoudspaneel nie,” het Gaingob gesê.Hy het verwys na verskeie verwikkelinge met betrekking tot sy eerste sewe maande in die amp van burgemeester. Die Swapo-raadslid Susanna Swartz is onlangs as onderburgemeester verkies om die pos te vul wat sedert verlede jaar se plaaslike regeringsverkiesing vakant was.Zelda van Rooi van die Grootfontein-belastingbetalersvereniging is ook as raadslid ingesweer ná die bedanking van ’n ander raadslid. Sy is daarna verkies om ’n vakature op die raad se bestuurskomitee te vul.Volgens Gaingob het die raad ook besluit om die pryse van residensiële erwe te verlaag om dit meer bekostigbaar vir plaaslike inwoners te maak. Erwe wat vroeër sowat N$70 000 gekos het, gaan verminder word na tussen N$28 000 en N$30 000 vir ’n residensiële erf van 400 vierkante meter.Hy het ook ontwikkelingsprojekte uitgelig wat tans aan die gang is of beplan word. Dit sluit die bou van ’n koshuis en ’n nuwe hoërskool in. Geriewe is ook vir informele handelaars opgerig, wat ’n aangewese ruimte vir hul produkte bied. WAARNEMENDE HOOFIndileni Lungameni dien sedert 2023 as Grootfontein se waarnemende uitvoerende hoof, ná die ontslag van Kisco Sinvula gedurende dieselfde jaar. Die raad het destyds besluit om Sinvula se kontrak te beëindig, nadat hy 27 aanklagte in die gesig gestaar het. Dit het gewissel van die misbruik van mag, bedrog en omkopery tot die weiering om wettige opdragte uit te voer, insluitend opdragte om raadsvergaderings te belê. In 2025 het 30 potensiële kandidate vir die permanente pos aansoek gedoen, maar nie een het aan die nodige vereistes voldoen nie. Volgens die politieke ontleder Ndumba Kamwanyah kan die aanstelling van ’n permanente uitvoerende hoof broodnodige stabiliteit, kontinuïteit en verantwoordbaarheid aan die munisipaliteit en die dorp se inwoners bring.Volgens hom is dit egter kommerwekkend dat so ’n kritieke pos sedert 2023 vakant gebly het.“Die aanstelling is lankal uitstaande en die nuwe uitvoerende hoof gaan baie werk hê om te doen om doeltreffende administrasie en openbare vertroue te herstel,” het Kamwanyah gesê.– eliot@nmh-hub.com.na

Grootfontein kry (uiteindelik) ’n baas

Kommentaar

Republikein 2026-09-10

Meld asseblief aan om kommentaar te lewer

Grootfontein kry (uiteindelik) ’n baas

Kommentaar

Republikein 2026-09-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.