Erongo-goewerneur vra vir doeltreffende dienslewering

Dit kan nie “besigheid soos gewoonlik” wees wanneer dienslewering aan die streek se inwoners ter sprake is nie.Só het die goewerneur van die Erongostreek, Nathalia /Goagoses, vandeesweek tydens ’n interne induksiewerkwinkel vir streekraadslede in Swakopmund gesê.“Operasionele doeltreffendheid vereis dat ons op alle vlakke gehaltedienste sonder uitsondering aan die mense wat ons dien – in ons kiesafdelings, plaaslike owerhede en tradisionele owerhede – lewer,” het sy gesê./Goagoses het bygevoeg: “Dit is hoekom ons verkies en aangestel is: Om met integriteit en uitnemendheid te dien. Politieke ampsdraers en administrateurs moet dus saamwerk, met ’n gedeelde begrip van ons doelwitte, om doeltreffende bestuur binne ons streekinstellings te verseker.”Sy het beklemtoon dat dienslewering ’n topprioriteit moet bly.“Ek weet jy het eers aan boord gekom nadat jy in November verkies is, maar die spoed en operasionele doeltreffendheid wat gemeenskappe reeds van jou begin ervaar het, is positief.”ǀGoagoses het gewaarsku aan die ander kant, “wanneer uitdagings voortduur, die gemeenskap eers na ons kyk vir konsekwentheid”. “Ek wil nie onaangekondig by ’n kiesafdeling- of nedersettingskantoor op ’n Vrydag opdaag en daar is geen beampte nie, of iemand vind wat met hul bene op die tafel sit en vir die goewerneur sê: ‘Dis my vrye dag, en dis my betaaldag.’ “Dit kan nie gebeur nie. Magtiging moet duidelik, skriftelik toegeken word wanneer senior amptenare weg van die kantoor is,” het sy gesê.GEDEELDE MANDAATDie goewerneur het beklemtoon dat raadslede se mandaat verder as individuele kiesafdelings strek.“Raadslede is gesamentlik verantwoordelik vir die beplanning, koördinering en implementering van ontwikkeling oraloor die streek.“Besluite wat in raadsale geneem word, raak dorpe, nedersettings en landelike gemeenskappe ewe veel. Ons moet vanuit gedeelde prioriteite werk, wat op geloofwaardige statistieke, soos die 2023-bevolkingsensusverslag, gebaseer is."/Goagoses het verder die kritieke belangrikheid van die verhouding tussen politieke leierskap en die administrasie beklemtoon.“Politieke leiers moenie in administratiewe prosesse inmeng nie, en administrateurs moenie politieke gesag ondermyn nie,” het sy beklemtoon.“Raadslede moet strategiese rigting en oorsig verskaf, terwyl professionele persone wettige besluite bekwaam en eties uitvoer.“Ingrypings is slegs gepas wanneer voorleggings onvoldoende is en nie deur feite ondersteun word nie of wetlik ongegrond is – en selfs dan moet dit konstruktief wees,” het sy gesê.DIE PAD VORENTOEDie goewerneur het ook opgemerk dat die streek ingewikkelde uitdagings in die gesig staar, insluitend watersekerheid, stedelike uitbreiding, werkloosheid en die druk op infrastruktuur.“Om hierdie uitdagings te takel, vereis ingeligte, besliste en etiese leierskap, wat deur deursigtigheid en verstandige bestuur van openbare hulpbronne gelei word,” het /Goagoses gesê.Sy het alle beleidmakers aangespoor om hulself ten volle vertroud te maak met die beleide en wetlike instrumente wat streekrade, plaaslike owerhede, tradisionele owerhede en nywerhede wat binne ons streek werk, beheer.Die werkwinkel het sleuteldepartemente en -sektore gedek, insluitend beplanning, tegniese en regsdienste, administrasie, finansies, interne oudits, grondhervorming, gesondheid, onderwys, geslag, watervoorsiening en inligting en kommunikasie. Dit verteenwoordig sommige van die kernfunksies wat aan die Erongo-streekraad toevertrou is. – leandrea@erongo.com.na

Erongo-goewerneur vra vir doeltreffende dienslewering

Kommentaar

Republikein 2026-01-23

Meld asseblief aan om kommentaar te lewer

Erongo-goewerneur vra vir doeltreffende dienslewering

Kommentaar

Republikein 2026-01-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.