Ekstra koste vir visums ‘nie gasvry’

Beperkte direkte lugtoegang en die implementering van Namibië se nuwe visumbeleid is twee sleutelkwessies wat steeds Namibië se toerismepotensiaal belemmer.Daarmee saam kniehalter hoë vliegkaartjiepryse en die gebrek aan direkte roetes na Namibië vanaf groot markte ook die bedryf se groei.“Die gerief van die direkte verbinding tussen Namibië en sy belangrikste bronmarkte word duidelik weerspieël in die prestasie van markte,” het die uitvoerende hoof van die Gasvryheidsvereniging van Namibië (HAN), Gitta Paetzold, gesê.Sy het tydens die bekendmaking van besettingsyfers vir Augustus beklemtoon die uitbreiding van lugdiensverbindings vanaf bykomende bronmarkte kan Namibië help om te diversifiseer en alternatiewe markte te laat groei.HAN het by monde van Paetzold ook kommer uitgespreek oor opeenhopings en vertragings by toegangspunte wat veroorsaak word deur mannekragtekorte en beperkte geriewe vir die hantering van visumbeheer.Paetzold het gesê die instelling van bykomende administratiewe tariewe vir reisigers wat aansoek doen vir visums met aankoms – gekombineer met voortdurende probleme op die e-visumplatform en die onvermoë om e-visums by talle grensposte te verwerk – het vrae onder toeriste laat ontstaan oor Namibië se verbintenis om ’n verwelkomende bestemming te wees.“Die onlangse aankondiging van bykomende kostes vir visums by aankoms is nie ’n goeie teken vir Namibië se poging om ’n gasvrye atmosfeer aan inkomende besoekers te skep nie,” het Paetzold gewaarsku.HAN het opgedateerde besettingstatistieke vir Augustus vrygestel, tradisioneel die besigste maand vir Namibiese toerisme, aangesien dit saamval met die piekvakansieseisoen in Sentraal-Europa wat Namibië se belangrikste bronmark is.Volgens Paetzold weerspieël data wat deur 100 lede oor verskillende kategorieë en streke ingedien is, ’n algehele besettingskoers van 67,5% vir Augustus.Die persentasie vergelyk goed met 2024 (67,53%) en oortref selfs effens die syfers wat in 2019 (61,18%) voor die Covid-19-pandemie aangeteken is.Paetzold het beklemtoon dat besonder sterk groei in aankomste aangeteken is uit Italië, Frankryk en die Duitssprekende markte van Oostenryk, Duitsland en Switserland.“Dis ’n bewys dat die aptyt vir Namibië sterk bly en die proaktiewe bemarkingspogings deur die Namibiese Toerismeraad (NTB) en die private sektor in daardie markte positiewe resultate lewer,” het sy gesê.HAN het ’n beroep gedoen vir ’n “oorkoepelende regeringsbenadering” (all-of-government approach) om gladde reisprosesse na en in Namibië te verseker, asook vir oorgrenstoerisme in lande in die Suider-Afrikaanse Ontwikkelingsgemeenskap (SADC).“Verdere toerismegroei kan en sal slegs moontlik wees met gesamentlike pogings om toegang en reis geriefliker en doeltreffender te maak,” het Paetzold gesê.– republikein@republikein.com.na

Ekstra koste vir visums ‘nie gasvry’

Kommentaar

Republikein 2026-01-14

Meld asseblief aan om kommentaar te lewer

Ekstra koste vir visums ‘nie gasvry’

Kommentaar

Republikein 2026-01-14

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.