Drie dorpe in Noorde herkies burgemeesters
Min veranderinge aan dorpsrade
Die sentrale noorde se burgemeesters het in hul aanvaardingstoesprake onderneem om hul opnuut toe te wy aan gestelde doelwitte en die lewens van die inwoners in dié dorpe te verbeter.
Al drie die Noordedorpe Otjiwarongo, Tsumeb en Grootfontein het hul burgemeesters van die afgelope jaar weer herverkies vir die 2022–’23-termyn.
Op Otjiwarongo is burgemeester Gottlieb Shivute, van die Swapo-party, vir die derde agtereenvolgende jaar herkies, terwyl daar ook geen verandering onder die raadslede was nie en almal hul posisies behou het, net soos op Tsumeb.
Tsumeb en Grootfontein se herverkose burgemeesters, beide van Swapo, is Matheus Hangula en Talitha Garises.
Op Otjiwarongo dien Julienda Kampungu weer as die adjunkburgemeester, met Godhard Hoko as die voorsitter van die besturende komitee. Beide is lede van Swapo. Sebeteus Guiteb van die Landless People's Movement (LPM) en Hilda Jesaja van Swapo is lede van die besturende komitee, terwyl die Popular Democratic Movement (PDM) se Erenst Muraranganda ‘n bykomende lid van die komitee is en die Independent Patriots for Change (IPC) se Gideon Iyambo ‘n gewone raadslid is.
Shivute het in sy aanvaardingstoespraak gesê hy beskou dit nie as ‘n persoonlike oorwinning om vir die derde agtereenvolgende jaar herkies te word nie, maar dat dit ‘n beroep is om die lewens van inwoners verder te verbeter.
Tsumeb se burgemeester het in sy aanvaardingstoespraak gelyk gegee dat die jaar 2022 uitdagend was as gevolg van probleme soos wydverspreide werkloosheid, asook ‘n tekort aan erwe, behuising en loopbaangeleenthede vir die jeug. “Tsumeb se inwoners kan van ons verwag om hoop te skep deur oplossings vir hul probleme te vind – dit is ons verantwoordelikheid,” het hy gesê.
Die dorp se landdros Boyd Namushinga het weer die PDM se Anmire Garises as adjunkburgemeester ingesweer, met Swapo se Frans Kamati as die voorsitter van die besturende komitee. Hilde Pashe en Olga Gases is lede van die komitee, met Abraham Baseko en Absalalom Uukule as gewone raadslede.
Op Grootfontein was daar egter skuiwe onder die raadslede, met Lovisa Iyambo van Swapo wat nou die adjunkburgemeester is. Alfeus Nghikevali is die voorsitter van die besturende komitee en Victor Shaandjuka en Johanna Fillemon is lede. Al hierdie raadslede is lede van Swapo.
Die PDM se Elizabeth Kastoor en die IPC se Lodewikus Jacobs is gewone dorpsraadslede.
Garises het in haar aanvaardingstoespraak Grootfontein se gemeenskap die versekering gegee dat die dorpsraad hulle opnuut sal toewy aan die gestelde doelwitte en daarna streef om die gehalte van die dorp se inwoners te verbeter.
– [email protected]
Op Otjiwarongo is burgemeester Gottlieb Shivute, van die Swapo-party, vir die derde agtereenvolgende jaar herkies, terwyl daar ook geen verandering onder die raadslede was nie en almal hul posisies behou het, net soos op Tsumeb.
Tsumeb en Grootfontein se herverkose burgemeesters, beide van Swapo, is Matheus Hangula en Talitha Garises.
Op Otjiwarongo dien Julienda Kampungu weer as die adjunkburgemeester, met Godhard Hoko as die voorsitter van die besturende komitee. Beide is lede van Swapo. Sebeteus Guiteb van die Landless People's Movement (LPM) en Hilda Jesaja van Swapo is lede van die besturende komitee, terwyl die Popular Democratic Movement (PDM) se Erenst Muraranganda ‘n bykomende lid van die komitee is en die Independent Patriots for Change (IPC) se Gideon Iyambo ‘n gewone raadslid is.
Shivute het in sy aanvaardingstoespraak gesê hy beskou dit nie as ‘n persoonlike oorwinning om vir die derde agtereenvolgende jaar herkies te word nie, maar dat dit ‘n beroep is om die lewens van inwoners verder te verbeter.
Tsumeb se burgemeester het in sy aanvaardingstoespraak gelyk gegee dat die jaar 2022 uitdagend was as gevolg van probleme soos wydverspreide werkloosheid, asook ‘n tekort aan erwe, behuising en loopbaangeleenthede vir die jeug. “Tsumeb se inwoners kan van ons verwag om hoop te skep deur oplossings vir hul probleme te vind – dit is ons verantwoordelikheid,” het hy gesê.
Die dorp se landdros Boyd Namushinga het weer die PDM se Anmire Garises as adjunkburgemeester ingesweer, met Swapo se Frans Kamati as die voorsitter van die besturende komitee. Hilde Pashe en Olga Gases is lede van die komitee, met Abraham Baseko en Absalalom Uukule as gewone raadslede.
Op Grootfontein was daar egter skuiwe onder die raadslede, met Lovisa Iyambo van Swapo wat nou die adjunkburgemeester is. Alfeus Nghikevali is die voorsitter van die besturende komitee en Victor Shaandjuka en Johanna Fillemon is lede. Al hierdie raadslede is lede van Swapo.
Die PDM se Elizabeth Kastoor en die IPC se Lodewikus Jacobs is gewone dorpsraadslede.
Garises het in haar aanvaardingstoespraak Grootfontein se gemeenskap die versekering gegee dat die dorpsraad hulle opnuut sal toewy aan die gestelde doelwitte en daarna streef om die gehalte van die dorp se inwoners te verbeter.
– [email protected]
Kommentaar
Republikein
Geen kommentaar is op hierdie artikel gelaat nie