Dorpraadslede ontbied
Meng “op nippertjie’ in
Sinvula is weens verskeie redes geskors, insluitend die omstrede aanstelling van Kangueehi en Kavendjii Incorporated as die raad se regsverteenwoordiger.
Die minister van stedelike en landelike ontwikkeling, mnr. Erastus Uutoni, het die Grootfontein-munisipaliteit se politieke ampsdraers na Windhoek ontbied vir ’n dringende vergadering oor die skorsing van die dorp se tesourier, mnr. Kisco Sinvula.
Dié inligting is vervat in ’n brief van Uutoni aan Grootfontein se burgemeester, me. Talitha Garises, gedateer 6 April.
Dié vergadering sal na verwagting Woensdag plaasvind.
“Hiermee nooi ek u en die hele raad uit vir ’n dringende konsultasie oor kwessies wat die Grootfontein-munisipaliteit raak – spesifiek die kwessie rakende die skorsing van die uitvoerende hoof,” het Uutoni geskryf.
Garises het die afgelope naweek bevestig sy het die brief ontvang en dat haar mederaadslede oor die uitnodiging ingelig is.
Uutoni se uitnodiging kom byna twee weke nadat hy aan Garises geskryf en haar ingelig het die raad se besluit om Sinvula te skors is nie in ooreenstemming met die wet uitgevoer nie, asook dat hulle nie sy goedkeuring gekry het nie en hul optrede daarom as onwettig verklaar is.
Ondanks die feit dat Uutoni destyds gehoop het die raad sal hul besluit herroep, het Garises teruggeskryf en gesê die raad was nie van plan om sy wense te volg nie.
Sy het Uutoni gevolglik uitgedaag om hom tot die hof te wend.
In haar brief het Garises die minister daarvan beskuldig dat hy eers op die nippertjie ingemeng het en gesê ’n aantal kwessies is vroeër aan sy ministerie gekommunikeer, maar het op dowe ore geval.
Volgens die raad is Sinvula weens verskeie redes geskors, waaronder die omstrede aanstelling van Kangueehi en Kavendjii Incorporated as die raad se regsverteenwoordiger.
Die mede-eienaar van die regsfirma is die Swapo-party se Otjozondjupa-streekmobiliseerder, mnr. Clive Kavendji.
Ons susterkoerant Namibian Sun het ’n dokument onder oë gehad wat aandui die Grootfontein-munisipaliteit het meer as N$800 000 aan die betrokke regsfirma betaal.
Sinvula hou vol die aanstelling van Kangueehi en Kavendjii Incorported is volgens die wet gedoen.
Die aanstelling van die regsfirma word egter as ’n affêre tussen Swapo-kamerade beskou, aangesien Sinvula ’n lid van die regerende party se dinkskrum is.
Sinvula het vroeër vanjaar ook die dienste van dieselfde prokureursfirma gebruik om ’n persoonlike kwessie te hanteer.
Sinvula het hom intussen tot die arbeidshof gewend om die raad se besluit om hom te skors, te betwis.
Uutoni se vergadering sal ook vereis dat hy sy Swapo-kamerade verenig wat op die Grootfontein-dorpsraaf dien.
Dit nadat mnre. Victor Shandjuka en Alfeus Nghikevali en me. Lovisa Iyambo onlangs aan Uutoni geskryf het en beweer hulle ondersteun nie Sinvula se skorsing nie.
Hulle het hul medekameraad, Garises, van magsmisbruik beskuldig.
– [email protected]
Dié inligting is vervat in ’n brief van Uutoni aan Grootfontein se burgemeester, me. Talitha Garises, gedateer 6 April.
Dié vergadering sal na verwagting Woensdag plaasvind.
“Hiermee nooi ek u en die hele raad uit vir ’n dringende konsultasie oor kwessies wat die Grootfontein-munisipaliteit raak – spesifiek die kwessie rakende die skorsing van die uitvoerende hoof,” het Uutoni geskryf.
Garises het die afgelope naweek bevestig sy het die brief ontvang en dat haar mederaadslede oor die uitnodiging ingelig is.
Uutoni se uitnodiging kom byna twee weke nadat hy aan Garises geskryf en haar ingelig het die raad se besluit om Sinvula te skors is nie in ooreenstemming met die wet uitgevoer nie, asook dat hulle nie sy goedkeuring gekry het nie en hul optrede daarom as onwettig verklaar is.
Ondanks die feit dat Uutoni destyds gehoop het die raad sal hul besluit herroep, het Garises teruggeskryf en gesê die raad was nie van plan om sy wense te volg nie.
Sy het Uutoni gevolglik uitgedaag om hom tot die hof te wend.
In haar brief het Garises die minister daarvan beskuldig dat hy eers op die nippertjie ingemeng het en gesê ’n aantal kwessies is vroeër aan sy ministerie gekommunikeer, maar het op dowe ore geval.
Volgens die raad is Sinvula weens verskeie redes geskors, waaronder die omstrede aanstelling van Kangueehi en Kavendjii Incorporated as die raad se regsverteenwoordiger.
Die mede-eienaar van die regsfirma is die Swapo-party se Otjozondjupa-streekmobiliseerder, mnr. Clive Kavendji.
Ons susterkoerant Namibian Sun het ’n dokument onder oë gehad wat aandui die Grootfontein-munisipaliteit het meer as N$800 000 aan die betrokke regsfirma betaal.
Sinvula hou vol die aanstelling van Kangueehi en Kavendjii Incorported is volgens die wet gedoen.
Die aanstelling van die regsfirma word egter as ’n affêre tussen Swapo-kamerade beskou, aangesien Sinvula ’n lid van die regerende party se dinkskrum is.
Sinvula het vroeër vanjaar ook die dienste van dieselfde prokureursfirma gebruik om ’n persoonlike kwessie te hanteer.
Sinvula het hom intussen tot die arbeidshof gewend om die raad se besluit om hom te skors, te betwis.
Uutoni se vergadering sal ook vereis dat hy sy Swapo-kamerade verenig wat op die Grootfontein-dorpsraaf dien.
Dit nadat mnre. Victor Shandjuka en Alfeus Nghikevali en me. Lovisa Iyambo onlangs aan Uutoni geskryf het en beweer hulle ondersteun nie Sinvula se skorsing nie.
Hulle het hul medekameraad, Garises, van magsmisbruik beskuldig.
– [email protected]
Kommentaar
Republikein
Geen kommentaar is op hierdie artikel gelaat nie