Di Savino se N$9 m.-eis teen ACC, AG duur voort
Landdros en -kommissie uitgesluit
Die Italiaanse sakeman het volgens die bemiddelaar in April van Kaapstad af ingevlieg vir die bemiddelingsessie, maar is hoog en droog gelaat met die proses wat misluk het voordat dit kon begin.
Die Italiaanse sakeman Antonio di Savino, wat in 2018 saam met Swapo-parlementslid Tobie Aupindi in die omstrede swembadsaak skuldig bevind is – skuldigbevindings wat in ’n appèlsaak in 2021 omgekeer is – het sy poging om bykomende verweerders in sy N$9 miljoen-regsgeding teen die Teenkorrupsiekommissie van Namibië (ACC) in te sluit, laat vaar.
Tydens ’n statusverhoor Woensdag in die hoërhof in Windhoek, het Di Savino se prokureur, Jorge Neves, die hof meegedeel dat sy kliënt nie meer sal probeer om die landdros van die verhoor en die landdroskommissie in die saak in te sluit nie.
Die sakeman gaan eerder voort met sy saak teen die ACC se direkteur-generaal, Paulus Noa, die ACC self en die aanklaer-generaal, van wie hy meer as N$9 miljoen eis vir wat hy beskryf as ’n kwaadwillige en ongegronde vervolging wat sy loopbaan en reputasie verwoes het.
Volgens hofdokumente beskuldig Di Savino die ACC en die aanklaer-generaal (AG) daarvan dat hulle ’n vervolging teen hom sonder redelike oorsaak en gebaseer op versinde bewyse aanhits en voortsit.
Die saak spruit voort uit ’n ACC-ondersoek wat van 2009 tot 2010 van stapel gestuur is na beweerde oortredings van artikel 29(1)(d) van die teenkorrupsiewet, wat bewerings behels dat Di Savino gejok het oor die installering van ’n swembad by Aupindi se huis in Windhoek.
Die twee mans is deur die ACC aangekla nadat Di Savino glo vir die bou van ’n swembad by Aupindi se huis betaal het – na bewering in ruil vir Namibia Wildlife Resorts (NWR)-tenders.
Beide is in die Windhoek-landdroshof vervolg en skuldig bevind en ’n boete van N$50 000 of 30 maande gevangenisstraf opgelê. Aupindi was destyds die besturende direkteur van die NWR en is nou ’n Swapo-agterbanker in die Nasionale Vergadering.
VERLIES AAN INKOMSTE
Ten tyde van sy skuldigbevinding was Di Savino die besturende direkteur van Rivoli Namibia Limited en het ’n bruto maandelikse salaris van meer as N$122 000 verdien, volgens hofdokumente.
Hy is kort daarna uit sy pos ontslaan, wat hom werkloos gelaat het, asook volgens hom onmoontlik was om ’n werk te kry. Op 4 Oktober 2021 het die hoërhof egter sy appèl toegestaan, sy skuldigbevinding en vonnis tersyde gestel en gelas dat enige boetes wat hy betaal het, terugbetaal word.
Aupindi se appèl in 2021 teen sy skuldigbevinding en vonnis was ook suksesvol.
In sy siviele eis beweer Di Savino die ACC het doelbewus irrelevante en vervalste bewyse in sy verslag aan die aanklaer-generaal ingesluit om vervolging te bewerkstellig en dat die verhoor gemotiveer is deur kwaadwilligheid wat daarop gemik was om hom finansieel te ruïneer en sy reputasie skade te berokken.
Hy voer aan dat, as dit nie vir die onregmatige vervolging was nie, hy by Rivoli Namibia sou gebly het en meer as N$8,8 miljoen in salaris tussen Oktober 2018 en September 2024 sou verdien het. Hy eis ook N$250 000 in skadevergoeding vir angs en emosionele stres wat hy tydens die strafregtelike verrigtinge verduur het.
Di Savino eis meer as N$9 miljoen, plus 20% jaarlikse rente vanaf die datum van vonnis tot finale betaling, sowel as regskoste.
Sy prokureurs beskryf die saak as ’n kenmerkende voorbeeld van kwaadwillige vervolging en voer aan die appèlhof het bevind die bewyse wat teen hom gebruik is, is versin.
“Die verweerders het sonder redelike en waarskynlike oorsaak opgetree, aangedryf deur onbehoorlike motiewe en het die bedoeling gehad om die eiser te benadeel,” lui die eis.
BEMIDDELING MISLUK
Bemiddeling in April was onsuksesvol.
Die bemiddelaar wat deur die hof aangestel is, Bernadine Mynhardt, het gesê verteenwoordigers van die ACC en AG het by die bemiddelingsessie opgedaag met uitdruklike instruksies om nie te skik nie.
“Die ACC en die AG se gemagtigde verteenwoordigers het die bemiddelaar en die eiser [Di Savino] in kennis gestel dat hulle geen voorneme het om te skik nie, daar is geen nodigheid om die meriete van die saak te bespreek nie, en dat hulle albei ’n duidelike en uitdruklike instruksie van die direkteur-generaal van die ACC sowel as die AG het om nie aan enige skikkingsgesprekke deel te neem nie,” het Mynhardt die hof meegedeel.
Di Savino het van Kaapstad af ingevlieg vir die sessie, maar is hoog en droog gelaat met die proses wat misluk het voordat dit kon begin.
VERVALSING ONTKEN
In hul pleit wat in Februarie vanjaar ingedien is, het die ACC en AG Di Savino se bewerings van versinning, vervalsing of aanhitsing botweg ontken en daarop aangedring dat hulle binne die wet opgetree het.
Die ACC het erken hulle het Di Savino omstreeks tussen 2009 en 2010 ondersoek in verband met beweerde oortredings van die teenkorrupsiewet en het ’n verslag vir die AG opgestel. Hulle het egter enige oortreding ontken en aangevoer die AG het haar eie diskresie uitgeoefen om te vervolg op grond van die bewyse wat verskaf is.
Die verweerders het beklemtoon hoewel Di Savino se strafregtelike skuldigbevinding later op appèl tersyde gestel is, dit alleen nie kwaadwillige vervolging bewys nie.
Hulle voer aan hulle het “redelike en waarskynlike oorsaak” gehad om hom te vervolg en hou vol dat daar geen kwaadwilligheid, versinning of vervalsing betrokke was nie.
– [email protected]
Tydens ’n statusverhoor Woensdag in die hoërhof in Windhoek, het Di Savino se prokureur, Jorge Neves, die hof meegedeel dat sy kliënt nie meer sal probeer om die landdros van die verhoor en die landdroskommissie in die saak in te sluit nie.
Die sakeman gaan eerder voort met sy saak teen die ACC se direkteur-generaal, Paulus Noa, die ACC self en die aanklaer-generaal, van wie hy meer as N$9 miljoen eis vir wat hy beskryf as ’n kwaadwillige en ongegronde vervolging wat sy loopbaan en reputasie verwoes het.
Volgens hofdokumente beskuldig Di Savino die ACC en die aanklaer-generaal (AG) daarvan dat hulle ’n vervolging teen hom sonder redelike oorsaak en gebaseer op versinde bewyse aanhits en voortsit.
Die saak spruit voort uit ’n ACC-ondersoek wat van 2009 tot 2010 van stapel gestuur is na beweerde oortredings van artikel 29(1)(d) van die teenkorrupsiewet, wat bewerings behels dat Di Savino gejok het oor die installering van ’n swembad by Aupindi se huis in Windhoek.
Die twee mans is deur die ACC aangekla nadat Di Savino glo vir die bou van ’n swembad by Aupindi se huis betaal het – na bewering in ruil vir Namibia Wildlife Resorts (NWR)-tenders.
Beide is in die Windhoek-landdroshof vervolg en skuldig bevind en ’n boete van N$50 000 of 30 maande gevangenisstraf opgelê. Aupindi was destyds die besturende direkteur van die NWR en is nou ’n Swapo-agterbanker in die Nasionale Vergadering.
VERLIES AAN INKOMSTE
Ten tyde van sy skuldigbevinding was Di Savino die besturende direkteur van Rivoli Namibia Limited en het ’n bruto maandelikse salaris van meer as N$122 000 verdien, volgens hofdokumente.
Hy is kort daarna uit sy pos ontslaan, wat hom werkloos gelaat het, asook volgens hom onmoontlik was om ’n werk te kry. Op 4 Oktober 2021 het die hoërhof egter sy appèl toegestaan, sy skuldigbevinding en vonnis tersyde gestel en gelas dat enige boetes wat hy betaal het, terugbetaal word.
Aupindi se appèl in 2021 teen sy skuldigbevinding en vonnis was ook suksesvol.
In sy siviele eis beweer Di Savino die ACC het doelbewus irrelevante en vervalste bewyse in sy verslag aan die aanklaer-generaal ingesluit om vervolging te bewerkstellig en dat die verhoor gemotiveer is deur kwaadwilligheid wat daarop gemik was om hom finansieel te ruïneer en sy reputasie skade te berokken.
Hy voer aan dat, as dit nie vir die onregmatige vervolging was nie, hy by Rivoli Namibia sou gebly het en meer as N$8,8 miljoen in salaris tussen Oktober 2018 en September 2024 sou verdien het. Hy eis ook N$250 000 in skadevergoeding vir angs en emosionele stres wat hy tydens die strafregtelike verrigtinge verduur het.
Di Savino eis meer as N$9 miljoen, plus 20% jaarlikse rente vanaf die datum van vonnis tot finale betaling, sowel as regskoste.
Sy prokureurs beskryf die saak as ’n kenmerkende voorbeeld van kwaadwillige vervolging en voer aan die appèlhof het bevind die bewyse wat teen hom gebruik is, is versin.
“Die verweerders het sonder redelike en waarskynlike oorsaak opgetree, aangedryf deur onbehoorlike motiewe en het die bedoeling gehad om die eiser te benadeel,” lui die eis.
BEMIDDELING MISLUK
Bemiddeling in April was onsuksesvol.
Die bemiddelaar wat deur die hof aangestel is, Bernadine Mynhardt, het gesê verteenwoordigers van die ACC en AG het by die bemiddelingsessie opgedaag met uitdruklike instruksies om nie te skik nie.
“Die ACC en die AG se gemagtigde verteenwoordigers het die bemiddelaar en die eiser [Di Savino] in kennis gestel dat hulle geen voorneme het om te skik nie, daar is geen nodigheid om die meriete van die saak te bespreek nie, en dat hulle albei ’n duidelike en uitdruklike instruksie van die direkteur-generaal van die ACC sowel as die AG het om nie aan enige skikkingsgesprekke deel te neem nie,” het Mynhardt die hof meegedeel.
Di Savino het van Kaapstad af ingevlieg vir die sessie, maar is hoog en droog gelaat met die proses wat misluk het voordat dit kon begin.
VERVALSING ONTKEN
In hul pleit wat in Februarie vanjaar ingedien is, het die ACC en AG Di Savino se bewerings van versinning, vervalsing of aanhitsing botweg ontken en daarop aangedring dat hulle binne die wet opgetree het.
Die ACC het erken hulle het Di Savino omstreeks tussen 2009 en 2010 ondersoek in verband met beweerde oortredings van die teenkorrupsiewet en het ’n verslag vir die AG opgestel. Hulle het egter enige oortreding ontken en aangevoer die AG het haar eie diskresie uitgeoefen om te vervolg op grond van die bewyse wat verskaf is.
Die verweerders het beklemtoon hoewel Di Savino se strafregtelike skuldigbevinding later op appèl tersyde gestel is, dit alleen nie kwaadwillige vervolging bewys nie.
Hulle voer aan hulle het “redelike en waarskynlike oorsaak” gehad om hom te vervolg en hou vol dat daar geen kwaadwilligheid, versinning of vervalsing betrokke was nie.
– [email protected]
Kommentaar
Republikein
Geen kommentaar is op hierdie artikel gelaat nie