Cran verwelkom hofuitspraak
Deel van telekommunikasie-infrastruktuur
Telecom het sedertdien 'n kennisgewing van appèl in die hooggeregshof ingedien teen die regter se beslissing dat MTN se aansoek weer deur Cran oorweeg moet word met die insette van die ander partye.
Iréne-Mari van der Walt
Die Regulerende Owerheid vir Kommunikasie in Namibië (Cran) het in ’n verklaring gesê dit verwelkom ’n uitspraak deur regter Nate Ndauendapo in die hoërhof in Windhoek oor die deel van infrastruktuur vir telekommunikasie.
Cran het die uitspraak verwelkom wat bevestig dat ’n eksklusiewe vesel-huurooreenkoms tussen NamPower, MTC en Telecom Namibia op 31 Mei 2022 wettig geëindig het.
Die uitspraak is die uitkoms van ’n aansoek deur MTC en Telecom Namibië wat spruit uit ’n ooreenkoms tussen die aansoekers en NamPower. Die drie partye het in 2012 ’n ooreenkoms aangegaan wat MTC en Telecom die regte sou gee om optiesevesel-infrastruktuur wat aan NamPower behoort het, te gebruik. Die ooreenkoms sou vir tien jaar duur met die moontlikheid dat die ooreenkoms outomaties sou hernu wanneer dit verstryk.
MTN
In 2021 het MTN (bekend as UCOM Mobile) ’n klag by Cran gelê oor die drie-partyooreenkoms en beweer dat dit nie aan alle operateurs gelyke geleenthede bied nie.
Cran het ondersoek gedoen na MTN se klag en bevind dat die eksklusiwiteit en klousule vir die hernu van die ooreenkoms nie geldig was onder die regulasies vir die deel van infrastruktuur (van 2016) nie. Cran het dus bepaal dat die ooreenkoms nie kon of sou hernu nadat dit verstryk nie.
Die regter meen hierdie is foutief weens MTC en Telecom se belange in die infrastruktuur. “Beide MTC en Telecom het aansienlike bedrae geld in NamPower se optiesevesel-infrastruktuur belê en hulle het ‘n wettige verwagting gehad dat in die geval van enige klagte wat die eksklusiwiteit van die drieparty-ooreenkoms aanval of die beëindiging van die ooreenkoms eis, hulle die geleentheid gegun sou word om aangehoor te word,” lui die uitspraak.
Cran het beweer dat dit nie nodig was om die ander partye aan te hoor nie, omdat die aansoek volgens hulle ’n objektiewe interpretasie van die wet is. Ndauendapo het hierdie verwerp en aangevoer dat Cran se besluit daaronder ly. Hy het egter bevind dat die ooreenkoms nie kon hernu nie en dat daar dus geen heroorweging is wat kan gedoen word nie.
Ndauendapo het egter bevind dat Cran versuim het om MTC en Telecom die geleentheid te gee om hul kant van die saak te stel, maar eerder slegs vir NamPower by hul ondersoek betrek het. Hierdie was volgens Ndauendapo se uitspraak prosedureel foutief aangesien dit nie aan die ander partye in die ooreenkoms die kans gebied het om gehoor te word in Cran se ondersoek nie.
MTC het ná die kennisgewing van die uitkoms van Cran se ondersoek ’n aansoek gebring om die besluit te laat heroorweeg, maar Cran het hierdie van die hand gewys, aangesien MTC nie binne 15 dae van die kennisgewing ’n geskrewe versoek om heroorweging ingedien het nie.
‘WA VOOR OSSE INGESPAN’
Die regter het egter ook bevind dat MTC die wa voor die osse gespan het met sy versoek om heroorweging toe die volgende stappe in die prosedure gedoen is voordat hul skriftelike versoek aan Cran gestuur is. “’n Party kan nie die eerste vereiste ignoreer en vorm D [as ’n tweede stap] begin voltooi of verskuif sonder om aan die skriftelike versoek van 15 dae te voldoen nie,” het hy in sy uitspraak gesê.
Cran het by monde van sy woordvoerder, Mufaro Nesongano, in ’n verklaring ná die uitspraak gesê dat die deel van infrastruktuur van kritieke belang is tot die bevordering van telekommunikasiedienste in Namibië.
“Die deel van infrastruktuur is van kritieke belang vir Namibië se digitale transformasie-agenda. Deur duplisering te verminder en koste te verlaag, versnel dit die uitrol van breëband- en mobiele netwerke. Die deel van infrastruktuur verbeter ook die gehalte van diens deur breër dekking, beter betroubaarheid en vinniger ontplooiing van nuwe tegnologieë soos 4G en 5G moontlik te maak.
“Dit verbeter toegang en bekostigbaarheid, wat verseker dat verbruikers voordeel trek uit laer pryse, wyer diensbeskikbaarheid en verbeterde konnektiwiteit in beide stedelike en landelike gebiede,” het Nesongano gesê.
Telecom het sedertdien ’n kennisgewing van appèl in die hooggeregshof ingedien. Telecom appelleer teen Ndauendapo se beslissing dat MTN se aansoek weer deur Cran oorweeg moet word met die insette van die ander partye.
– [email protected]
Die Regulerende Owerheid vir Kommunikasie in Namibië (Cran) het in ’n verklaring gesê dit verwelkom ’n uitspraak deur regter Nate Ndauendapo in die hoërhof in Windhoek oor die deel van infrastruktuur vir telekommunikasie.
Cran het die uitspraak verwelkom wat bevestig dat ’n eksklusiewe vesel-huurooreenkoms tussen NamPower, MTC en Telecom Namibia op 31 Mei 2022 wettig geëindig het.
Die uitspraak is die uitkoms van ’n aansoek deur MTC en Telecom Namibië wat spruit uit ’n ooreenkoms tussen die aansoekers en NamPower. Die drie partye het in 2012 ’n ooreenkoms aangegaan wat MTC en Telecom die regte sou gee om optiesevesel-infrastruktuur wat aan NamPower behoort het, te gebruik. Die ooreenkoms sou vir tien jaar duur met die moontlikheid dat die ooreenkoms outomaties sou hernu wanneer dit verstryk.
MTN
In 2021 het MTN (bekend as UCOM Mobile) ’n klag by Cran gelê oor die drie-partyooreenkoms en beweer dat dit nie aan alle operateurs gelyke geleenthede bied nie.
Cran het ondersoek gedoen na MTN se klag en bevind dat die eksklusiwiteit en klousule vir die hernu van die ooreenkoms nie geldig was onder die regulasies vir die deel van infrastruktuur (van 2016) nie. Cran het dus bepaal dat die ooreenkoms nie kon of sou hernu nadat dit verstryk nie.
Die regter meen hierdie is foutief weens MTC en Telecom se belange in die infrastruktuur. “Beide MTC en Telecom het aansienlike bedrae geld in NamPower se optiesevesel-infrastruktuur belê en hulle het ‘n wettige verwagting gehad dat in die geval van enige klagte wat die eksklusiwiteit van die drieparty-ooreenkoms aanval of die beëindiging van die ooreenkoms eis, hulle die geleentheid gegun sou word om aangehoor te word,” lui die uitspraak.
Cran het beweer dat dit nie nodig was om die ander partye aan te hoor nie, omdat die aansoek volgens hulle ’n objektiewe interpretasie van die wet is. Ndauendapo het hierdie verwerp en aangevoer dat Cran se besluit daaronder ly. Hy het egter bevind dat die ooreenkoms nie kon hernu nie en dat daar dus geen heroorweging is wat kan gedoen word nie.
Ndauendapo het egter bevind dat Cran versuim het om MTC en Telecom die geleentheid te gee om hul kant van die saak te stel, maar eerder slegs vir NamPower by hul ondersoek betrek het. Hierdie was volgens Ndauendapo se uitspraak prosedureel foutief aangesien dit nie aan die ander partye in die ooreenkoms die kans gebied het om gehoor te word in Cran se ondersoek nie.
MTC het ná die kennisgewing van die uitkoms van Cran se ondersoek ’n aansoek gebring om die besluit te laat heroorweeg, maar Cran het hierdie van die hand gewys, aangesien MTC nie binne 15 dae van die kennisgewing ’n geskrewe versoek om heroorweging ingedien het nie.
‘WA VOOR OSSE INGESPAN’
Die regter het egter ook bevind dat MTC die wa voor die osse gespan het met sy versoek om heroorweging toe die volgende stappe in die prosedure gedoen is voordat hul skriftelike versoek aan Cran gestuur is. “’n Party kan nie die eerste vereiste ignoreer en vorm D [as ’n tweede stap] begin voltooi of verskuif sonder om aan die skriftelike versoek van 15 dae te voldoen nie,” het hy in sy uitspraak gesê.
Cran het by monde van sy woordvoerder, Mufaro Nesongano, in ’n verklaring ná die uitspraak gesê dat die deel van infrastruktuur van kritieke belang is tot die bevordering van telekommunikasiedienste in Namibië.
“Die deel van infrastruktuur is van kritieke belang vir Namibië se digitale transformasie-agenda. Deur duplisering te verminder en koste te verlaag, versnel dit die uitrol van breëband- en mobiele netwerke. Die deel van infrastruktuur verbeter ook die gehalte van diens deur breër dekking, beter betroubaarheid en vinniger ontplooiing van nuwe tegnologieë soos 4G en 5G moontlik te maak.
“Dit verbeter toegang en bekostigbaarheid, wat verseker dat verbruikers voordeel trek uit laer pryse, wyer diensbeskikbaarheid en verbeterde konnektiwiteit in beide stedelike en landelike gebiede,” het Nesongano gesê.
Telecom het sedertdien ’n kennisgewing van appèl in die hooggeregshof ingedien. Telecom appelleer teen Ndauendapo se beslissing dat MTN se aansoek weer deur Cran oorweeg moet word met die insette van die ander partye.
– [email protected]
Kommentaar
Republikein
Geen kommentaar is op hierdie artikel gelaat nie