CoW rig sy visier op Groot Aub

Stad Windhoek (CoW) het begin toeslaan op onwettige wateraansluitings en grondgrype in Groot Aub weens die ernstige watertekorte wat die nedersetting in die gesig staar.Die voorsitter van die raadgewende komitee vir die formalisering van informele nedersettings en die integrasie van Groot Aub, LPM-raadslid Ivan Skrywer, het tydens ’n onlangse inligtingsessie met strategiese bestuurders en senior amptenare dringende maatreëls uiteengesit om hierdie uitdagings te takel.ONWETTIGE WATERAANSLUITINGSDie Windhoekse stadspolisie in samewerking met die departement vir grootmaatwater inspekteer sedert 14 Februarie die waternetwerk op Groot Aub. Inwoners wat met onwettige wateraansluitings betrap word, sal ’n kennisgewing ontvang om dit binne sewe dae te verwyder of hulle sal regsgevolge in die gesig staar.“Ons het 'n ernstige probleem waar onwettige wateraansluitings tot lae waterdruk bydra,” het Skrywer onlangs aan Network Media Hub (NMH) gesê. “CoW kan nie toelaat dat individue die stelsel manipuleer ten koste van wetsgehoorsame inwoners nie.”Skrywer het gesê die maatreëls word gerugsteun deur bestaande raadsbesluite, wat verseker dat die afdwing van die maatreëls vinnig en doeltreffend sal wees.GRONDGRYPENog ’n dringende kwessie wat die komitee opper, is grondgrype en die onwettige omheining van groot gedeeltes grond vir kommersiële boerdery.Dié bedrywighede, volgens Skrywer, wat glo dikwels deur individue met politieke verbintenisse uitgevoer word, plaas na bewering ’n onbeplande las op Groot Aub se watervoorsiening, wat aanvanklik vir residensiële gebruik geoormerk was.“Sommige elite dink hulle is onaantasbaar. Hulle omhein groot gedeeltes grond, bring plaaswerkers in, en gebruik buitensporige hoeveelhede water vir kommersiële boerdery terwyl hulle gemaklik in luukse woonbuurte in Windhoek woon. “Intussen ontsê ons inwoners die reg om selfs hul huise uit te brei of behoorlike toilette te bou,” het Skrywer gesê.Hy het verder die oënskynlike dubbele standaarde in die handhawing van die maatreëls beklemtoon. “Ons kan nie gewone mense in die naam van die wet teister terwyl ons ons blind staar vir diegene met politieke verbintenisse nie,” het hy bygevoeg.GROOTSKAALSE BOERDERYSkrywer het voorts gesê die verhoogde druk op watervoorsiening was veral duidelik gedurende Desember toe die vraag gestyg het.“Al het CoW genoeg water vir inwoners gepomp, het die oormatige verbruik deur grootskaalse boerderybedrywighede tekorte veroorsaak,” het Skrywer opgemerk. “Sommige van hierdie individue verkoop selfs water onwettig.”CoW het onderneem om regstappe teen grondgrypers te neem en te verseker dat alle watergebruikers by die vasgestelde regulasies hou. Skrywer het belowe om dié pogings persoonlik te monitor.“Ons sal nie toelaat dat ministers en hul vriende inmeng elke keer wanneer iemand aanspreeklik gehou word nie,” het hy gesê. “Die wet moet regverdig op almal toegepas word.”Terwyl inspeksies begin, doen CoW ’n beroep op inwoners om enige onwettige bedrywighede wat hul watervoorsiening raak, aan te meld. Dit waarborg dat die stadspolisie sal voortgaan om waterverbruik en grondgeskille te monitor om billike toegang tot noodsaaklike dienste vir alle Groot Aub-inwoners te verseker. – republikein@republikein.com.na

CoW rig sy visier op Groot Aub

Kommentaar

Republikein 2025-11-03

Meld asseblief aan om kommentaar te lewer

CoW rig sy visier op Groot Aub

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.