Cloete katrol grootste vis in by Visfees

Swakopmund-inwoner Vernon Cloete het Saterdag die grootste vis tydens die jaarlikse Hentiesbaai Visfees ingekatrol wat hom N$25 000 in die sak gebring het. “Dit is die eerste keer dat ek 'n vis gevang en 'n prys daarmee gewen het. Dit was 'n groot gesukkel om hierdie een uit te kry, maar ek is baie trots op die vangs,” het Cloete gesê. Hy het sy steenbras van 12,31 kg by Myl 30 gevang het. Volgens Simen Andersen, president van die Namibië Kushengelvereniging en gasheer van die kompetisie, het meer as 350 hengelaars deelgeneem en dit as 'n reusesukses beskryf. "Dis iets besonders wat Hentiesbaai vir die mense van Namibië bring," het hy gesê. Beefcor-direkteur Jaco Swanepoel (links) het die tjek oorhandig. FOTO VERSKAF