Cedric: Aanklagte is belaglik
Namcor se voormalige verskaffing- en logistieke bestuurder, die 51-jarige Cornelius (Cedric) Willemse, het Namcor se finansiële probleme op wanbestuur en herhaaldelike staatsreddingsboeie blameer.
Willemse het gister tydens die derde dag van sy formele borgtogverhoor in die Windhoek-landdroshof getuig. Hy het aanklaers daarvan beskuldig dat hulle wettige transaksies verkeerdelik gekriminaliseer het om Namcor se jongste reddingsboei te regverdig.
Hy het tydens kruisondervraging deur advokaat Basson Lilongwe die hof meegedeel dat die bedrogklagte teen hom en sy medebeskuldigdes “belaglik” is. Willemse het aangevoer dat Namcor steeds reddingsboeie soek terwyl hulle nie daarin slaag om skuld te verhaal wat teen daardie tyd deur ‘n vorige staatsredding van N$1,3 miljard gedek is nie.
Tydens kruisondervraging het Lilongwe vir Willemse uitgevra oor sy saketransaksies en bates en waarom hy geen dokumentêre bewyse het dat hy verskeie slaghuise en twee eiendomme in Kaapstad verkoop het nie.
Willemse het erken hy het die meeste van sy Namibiese besighede voor 2006 verkoop, behalwe vir ‘n nagklub, maar het volgehou dat rekords van daardie transaksies nie meer in sy besit was nie.
“Wat my betref, hoef dokumente van daardie aard slegs vir vyf jaar gehou te word. Ek het nie meer daardie dokumente nie.”
Oor die Kaapse huise het die aanklaer opgemerk dat een eiendom ter waarde van N$1,5 miljoen steeds in sy naam geregistreer is en tans in die proses is om deur ‘n Suid-Afrikaanse regsfirma verkoop te word.
Willemse het nie saamgestem nie, terwyl hy volgehou het dat beide eiendomme ter waarde van sowat N$2,5 miljoen elk, reeds maande voor sy inhegtenisneming verkoop is.– [email protected]
Willemse het gister tydens die derde dag van sy formele borgtogverhoor in die Windhoek-landdroshof getuig. Hy het aanklaers daarvan beskuldig dat hulle wettige transaksies verkeerdelik gekriminaliseer het om Namcor se jongste reddingsboei te regverdig.
Hy het tydens kruisondervraging deur advokaat Basson Lilongwe die hof meegedeel dat die bedrogklagte teen hom en sy medebeskuldigdes “belaglik” is. Willemse het aangevoer dat Namcor steeds reddingsboeie soek terwyl hulle nie daarin slaag om skuld te verhaal wat teen daardie tyd deur ‘n vorige staatsredding van N$1,3 miljard gedek is nie.
Tydens kruisondervraging het Lilongwe vir Willemse uitgevra oor sy saketransaksies en bates en waarom hy geen dokumentêre bewyse het dat hy verskeie slaghuise en twee eiendomme in Kaapstad verkoop het nie.
Willemse het erken hy het die meeste van sy Namibiese besighede voor 2006 verkoop, behalwe vir ‘n nagklub, maar het volgehou dat rekords van daardie transaksies nie meer in sy besit was nie.
“Wat my betref, hoef dokumente van daardie aard slegs vir vyf jaar gehou te word. Ek het nie meer daardie dokumente nie.”
Oor die Kaapse huise het die aanklaer opgemerk dat een eiendom ter waarde van N$1,5 miljoen steeds in sy naam geregistreer is en tans in die proses is om deur ‘n Suid-Afrikaanse regsfirma verkoop te word.
Willemse het nie saamgestem nie, terwyl hy volgehou het dat beide eiendomme ter waarde van sowat N$2,5 miljoen elk, reeds maande voor sy inhegtenisneming verkoop is.– [email protected]
Kommentaar
Republikein
Geen kommentaar is op hierdie artikel gelaat nie