CAoN: Dubbele standaarde vir brandbeheer
‘Waar was brandpaaie van buurplaas by Etosha?
Die Houtskoolvereniging van Namibië meen die bosbou-departement moet dieselfde standaarde oor alle boerderygemeenskappe afdwing, ongeag grondbesit.
Die Houtskoolvereniging van Namibië (CAoN) het hul kommer uitgespreek oor die brand in die Etosha Nasionale Park, veral die “dubbele standaarde” rakende brandvoorkomingsregulasies.
CAoN het in ’n verklaring gesê dit het in vennootskap met die direktoraat van bosbou in die ministerie van die omgewing, bosbou en toerisme (MEFT) maatreëls soos beheerde brande en brandpaaie bevorder.
“Dit is belangrik dat geen brand die afgelope drie jaar uit CAoN-lidbedrywighede ontstaan het nie. Tog word die houtskoolsektor dikwels in openbare verklarings uitgesonder, al begin die meeste brande buite die CAoN-lidmaatskap” en verwys na MEFT se verklaring verlede week dat die brand vermoedelik weens kolebrandbedrywighede op ’n buurplaas aan die suidwestelike kant van Etosha begin het.
Die brand het verlede Maandagaand op die hervestigingsplaas Helaas ontstaan en sedertdien vernietiging op buurplase en in Etosha veroorsaak en vinnig noordwaarts in die park versprei.
“CAoN merk egter op dat dieselfde ywer nie altyd oor die breër landbousektor toegepas word nie” en noem as voorbeeld dat brandpaaie na bewering nie deur bosbou by die plaas Helaas geïmplementeer is nie, waar die Etosha-brand ontstaan het. “CAoN-lede sou nie permitte ontvang sonder sodanige voldoening nie.”
Die vereniging erken die kapasiteitsbeperkings op hervestigingsplase. “Nietemin dring CAoN daarop aan dat bosbou dieselfde standaarde oor alle boerderygemeenskappe afdwing, ongeag grondbesit. Waar kapasiteit ontbreek, is staatsondersteuning noodsaaklik,” lui die verklaring.
CAoN sê hulle is erg bekommerd oor brandvoorbereiding binne Etosha, wat onder die direktoraat van wildlewe en nasionale parke (DWNP) binne MEFT val: “Daar word van boere vereis om aan ministeriële voorskrifte te voldoen, maar dieselfde standaarde blyk afwesig te wees aan die kant van die park. As bewaarder van een van die wêreld se unieke natuurreservate, dra MEFT deur die DWNP die verantwoordelikheid vir doeltreffende brandvoorkoming.”
Die vereniging is van mening dat die brand ernstige ekologiese en ekonomiese gevolge vir die land sal hê.
STRENG REGULERING
CAoN meen Namibië het hierdie seisoen en in die afgelope jare suksesvol bos- en veldbrande onder beheer gebring. “Terwyl buurlande verwoestende verliese aan weiding en grond ly, het Namibiese boere oor die algemeen verliese tot ’n paar duisend hektaar beperk. Dit weerspieël konstruktiewe samewerking tussen Namibië se boeregemeenskap en staatsowerhede.”
Die vereniging verwag egter dieselfde ywer van die regering as van sy lede en benadruk dubbele standaarde ondermyn vertroue in regulasies, verswak nakoming en plaas Namibië se internasionale mededingendheid in gevaar.
CAoN beskou die streng regulering van die bedryf as ’n sterkpunt. ”Dit verseker toegang tot internasionale markte wat voldoening aan omgewings- en maatskaplike standaarde vereis, insluitend die Europese Unie-ontbossingsregulasie (EUDR) en die Forest Stewardship Council (FSC). Dit sluit streng brandvoorbereiding in.”
Boere van alle gemeenskappe word genooi om by die CAoN aan te sluit.
– [email protected]
CAoN het in ’n verklaring gesê dit het in vennootskap met die direktoraat van bosbou in die ministerie van die omgewing, bosbou en toerisme (MEFT) maatreëls soos beheerde brande en brandpaaie bevorder.
“Dit is belangrik dat geen brand die afgelope drie jaar uit CAoN-lidbedrywighede ontstaan het nie. Tog word die houtskoolsektor dikwels in openbare verklarings uitgesonder, al begin die meeste brande buite die CAoN-lidmaatskap” en verwys na MEFT se verklaring verlede week dat die brand vermoedelik weens kolebrandbedrywighede op ’n buurplaas aan die suidwestelike kant van Etosha begin het.
Die brand het verlede Maandagaand op die hervestigingsplaas Helaas ontstaan en sedertdien vernietiging op buurplase en in Etosha veroorsaak en vinnig noordwaarts in die park versprei.
“CAoN merk egter op dat dieselfde ywer nie altyd oor die breër landbousektor toegepas word nie” en noem as voorbeeld dat brandpaaie na bewering nie deur bosbou by die plaas Helaas geïmplementeer is nie, waar die Etosha-brand ontstaan het. “CAoN-lede sou nie permitte ontvang sonder sodanige voldoening nie.”
Die vereniging erken die kapasiteitsbeperkings op hervestigingsplase. “Nietemin dring CAoN daarop aan dat bosbou dieselfde standaarde oor alle boerderygemeenskappe afdwing, ongeag grondbesit. Waar kapasiteit ontbreek, is staatsondersteuning noodsaaklik,” lui die verklaring.
CAoN sê hulle is erg bekommerd oor brandvoorbereiding binne Etosha, wat onder die direktoraat van wildlewe en nasionale parke (DWNP) binne MEFT val: “Daar word van boere vereis om aan ministeriële voorskrifte te voldoen, maar dieselfde standaarde blyk afwesig te wees aan die kant van die park. As bewaarder van een van die wêreld se unieke natuurreservate, dra MEFT deur die DWNP die verantwoordelikheid vir doeltreffende brandvoorkoming.”
Die vereniging is van mening dat die brand ernstige ekologiese en ekonomiese gevolge vir die land sal hê.
STRENG REGULERING
CAoN meen Namibië het hierdie seisoen en in die afgelope jare suksesvol bos- en veldbrande onder beheer gebring. “Terwyl buurlande verwoestende verliese aan weiding en grond ly, het Namibiese boere oor die algemeen verliese tot ’n paar duisend hektaar beperk. Dit weerspieël konstruktiewe samewerking tussen Namibië se boeregemeenskap en staatsowerhede.”
Die vereniging verwag egter dieselfde ywer van die regering as van sy lede en benadruk dubbele standaarde ondermyn vertroue in regulasies, verswak nakoming en plaas Namibië se internasionale mededingendheid in gevaar.
CAoN beskou die streng regulering van die bedryf as ’n sterkpunt. ”Dit verseker toegang tot internasionale markte wat voldoening aan omgewings- en maatskaplike standaarde vereis, insluitend die Europese Unie-ontbossingsregulasie (EUDR) en die Forest Stewardship Council (FSC). Dit sluit streng brandvoorbereiding in.”
Boere van alle gemeenskappe word genooi om by die CAoN aan te sluit.
– [email protected]
Kommentaar
Republikein
Geen kommentaar is op hierdie artikel gelaat nie