Beter prognose danksy borsklinieke
Tot 620 nuwe gevalle per jaar
Baie gevalle van borskanker, die mees algemene kanker in Namibië, word eers gediagnoseer wanneer dit in fase drie of vier is.
Die tydperk tussen die eerste vermoede en die begin van behandeling vir vroue met borskanker, het verkort van ses tot 12 maande na drie tot ses weke danksy die ministerie van gesondheid en maatskaplike dienste en die Kankervereniging van Namibië (Can) se gereelde borsklinieke.
Dit beteken ’n beter prognose vir pasiënte wat met borskanker gediagnoseer word, beklemtoon Can se uitvoerende hoof, Rolf Hansen. Hy was aan die woord tydens die viering van Medical Imaging Namibia se Women’s Wellness-radiologiekliniek se eerste verjaardag. Die kliniek het tydens die geleentheid N$20 000 aan Can oorhandig en ook 100 gratis mammogramme aan die staat se gesondheidsdiens bewillig. FNB Namibië het ’n bykomende N$10 000 geskenk.
“Die hoop is dat die staat 100 pasiënte na ons kan verwys, wanneer dit oorweldig en oorlaai is,” het dr. Ryan Volker van die Women’s Wellness-kliniek gesê.
Hansen het egter erken daar is rede tot kommer vir die voorkoms van borskanker in Namibië, maar ook beklemtoon borskanker is in die algemeen behandelbaar. “Borskanker is die mees algemene kanker in Namibië met 540 tot 620 nuwe gevalle elke jaar. Baie hiervan word eers gediagnoseer wanneer dit in fase drie of vier is, maar met die borskliniek kan ons dit verander tot pasiënte wat met fase een of twee borskanker gediagnoseer word,” het Hansen gesê.
Hy het vroue aangemoedig om minstens een keer ’n maand self ’n borsondersoek tuis te doen en enige veranderinge dadelik by ’n dokter aan te meld.
“Die belangrikste is dat borskanker behandelbaar en geneesbaar is indien ons dit vroeg behandel,” het Hansen beklemtoon.– [email protected]
Dit beteken ’n beter prognose vir pasiënte wat met borskanker gediagnoseer word, beklemtoon Can se uitvoerende hoof, Rolf Hansen. Hy was aan die woord tydens die viering van Medical Imaging Namibia se Women’s Wellness-radiologiekliniek se eerste verjaardag. Die kliniek het tydens die geleentheid N$20 000 aan Can oorhandig en ook 100 gratis mammogramme aan die staat se gesondheidsdiens bewillig. FNB Namibië het ’n bykomende N$10 000 geskenk.
“Die hoop is dat die staat 100 pasiënte na ons kan verwys, wanneer dit oorweldig en oorlaai is,” het dr. Ryan Volker van die Women’s Wellness-kliniek gesê.
Hansen het egter erken daar is rede tot kommer vir die voorkoms van borskanker in Namibië, maar ook beklemtoon borskanker is in die algemeen behandelbaar. “Borskanker is die mees algemene kanker in Namibië met 540 tot 620 nuwe gevalle elke jaar. Baie hiervan word eers gediagnoseer wanneer dit in fase drie of vier is, maar met die borskliniek kan ons dit verander tot pasiënte wat met fase een of twee borskanker gediagnoseer word,” het Hansen gesê.
Hy het vroue aangemoedig om minstens een keer ’n maand self ’n borsondersoek tuis te doen en enige veranderinge dadelik by ’n dokter aan te meld.
“Die belangrikste is dat borskanker behandelbaar en geneesbaar is indien ons dit vroeg behandel,” het Hansen beklemtoon.– [email protected]
Kommentaar
Republikein
Geen kommentaar is op hierdie artikel gelaat nie