Belastingbetalers trek saam teen ACC

Belastingbetalers van Windhoek, Okahandja en Gobabis eis onmiddellike optrede oor bewerings van korrupsie en klagtes van wanbestuur, veral met betrekking tot plaaslike owerhede en die aanstelling van RedForce Debt Management.Die groep het Maandag in Windhoek – saam met die Right to Shelter-groep – ’n klagskrif aan die adjunk-direkteur-generaal van die Teenkorrupsiekommissie van Namibië (ACC), Erna van der Merwe, oorhandig.KWESSIESIn Okahandja het inwoners in Augustus 2023 bewerings van wanbestuur en korrupsie aangemeld, insluitend kommer oor die aanstelling van die omstrede skuldinvorderaars, RedForce Debt Management. Ten spyte van talle kere wat die saak opgevolg is, is daar glo geen nuwe inligting verskaf nie en dit het na bewering lede van die gemeenskap gefrustreer.Klagtes van korrupsie en wanbestuur op Gobabis bestaan reeds sedert 2019 met bykomende klagtes wat in 2022 en 2023 geopper is. Die meeste gevalle is steeds onopgelos.Dit sluit in bewerings van korrupsie binne die munisipaliteit asook die vernietiging van deurslaggewende bewyse, soos 17 vullissakke wat amptelike dokumente bevat het.Net so het inwoners in Windhoek in September 2023 hul kommer uitgespreek oor behoorlike prosedures wat na bewering nie gevolg is toe RedForce Debt Management se kontrak hernu is nie.KWESBARE INWONERSDie groep se verteenwoordiger, Shawn Gariseb, het die ernstige impak van hierdie vertragings benadruk. Hy meen dit raak veral kwesbare groepe soos pensioenarisse. “Baie van julle weet nie hoe dit voel om skuld van N$80 000 in die gesig te staar nie. Ons probleem is nie by individue nie, maar die gebrek aan respek vir die stryd van gewone Namibiërs,” het Gariseb gesê. Hy het die emosionele tol en finansiële druk beklemtoon waaronder sommige gemeenskapslede gebuk gaan as gevolg van vertraagde of langdurige ondersoeke.EISEDie klagskrif het geëis dat spesiale ondersoekers ingevolge artikel 14 van die teenkorrupsiewet aangestel moet word om plaaslike owerheidsake te hanteer.Die inwoners het ook duidelike opdaterings aangevra oor die status en tydlyne van ondersoeke, sowel as onmiddellike maatreëls om bewyse te beskerm en toekomstige peutery te voorkom.Die groep het ook kommer uitgespreek oor die aantal onopgeloste kwessies, soos die beweerde vernietiging van dokumente op Gobabis en die voortgesette ondersoeke wat dit in gedrang kan bring.‘HARD AAN DIE WERK’In reaksie op die klagskrif het Van der Merwe bewerings van gebrek aan optrede ontken en gesê die ACC is daartoe verbind om deeglike ondersoeke te doen. “Jy maak ’n fout as jy dink ons is nie ernstig nie. Sommige gevalle behels wanbestuur, wat ons na die ombudsman en die minister van stedelike en landelike ontwikkeling verwys het. Arrestasies sal plaasvind wanneer dit toepaslik is,” het sy gesê. Van der Merwe het bygevoeg dat voortydige arrestasies die integriteit van die sake sal ondermyn en aangevoer dat die ACC hard werk om die klagtes te ondersoek.Die betrokke groepe het die ACC ’n sperdatum van 28 Februarie gegee om op die klagskrif te reageer. As die ACC versuim om hierdie sperdatum na te kom, sal dit glo lei tot ’n betoging waartydens die groepe beplan om te vra vir presidensiële ingryping ingevolge artikel 9 van die teenkorrupsiewet.– republikein@republikein.com.na

Belastingbetalers trek saam teen ACC

Kommentaar

Republikein 2025-11-04

Meld asseblief aan om kommentaar te lewer

Belastingbetalers trek saam teen ACC

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.